SAN JUAN 3:36 - Lengua Sur (Enxet) Nuevo Testamento

³⁶ Negko'o ektahakxa enxoho nenteme magya'áseyam Dios Apketche, keytek ekyennakte egnenyek megkatnegwayam enéxa; keñe m'a ektahakxa enxoho apya'áseyam Dios Apketche mexkeyk sat xa ekyennakte egnenyek nak, wánxa sat exkak ma'a ekmaso senlegasáseykegkoho nak Dios.

SAN JUAN 3:36 ပူးပေါင်းရင်းမြစ်များ

SAN MATEO 25:46

Cháxa peya nak elmahagkok megkatnegweykenxa nak néxa sẽllegasáseykegkoho xa, keñe m'a énxet apkelpéwomo nak peya elmahagkok ma'a megkatnegweykenxa nak néxa ekyennakte egnenyek.”

SAN MARCOS 16:16

Kólwagkasaxchek sat teyp kéxegke kélteme nak megkólya'áseyam tén han kéltegye nak yakpasama yegmen; kólsexnánéxchek sat eyke kéxegke kélteme nak kélya'áseyam.

SAN LUCAS 2:30

Hakte ekwet'ak kaxwo' nelmeyamáxche eñama exchep,

SAN LUCAS 3:6

Apyókxoho énxet sat étak xa nelmeyamáxche apcháphasa nak Dios.’ ”

SAN JUAN 1:12

Keñe m'a énxet'ák ektaha axta apchápeykha, ektaha axta anhan apteme mey'áseyam, apxénchek axta ekpayhawo etnahagkok Dios apketchek,

SAN JUAN 10:28

Ekmések ko'o elyennakte apnenya'ák megkatnegwayam enéxa m'a nekkések seknaktóso nak, meletsepek sat nahan cha'a, méko sat nahan kawának hémentók.

SAN JUAN 3:3

Aptahak axta apcháneya Jesús se'e: —Agkok etnahákxak énxet kaxwé apteyam, mopwanchek étak ma'a aptémakxa nak Wese' apwányam Dios.

SAN JUAN 4:36

Enxet ektaha nak apnakxo ekyexna aksok namyep kélcheneykekxa exkak cha'a ekyanmaga, keñe m'a aksok apnakxo nak ekteme ekyennakte egnenyek megkatnegwayam enéxa, yakwayam enxoho kaxhok mók elpayheykekxa apwáxók ma'a ektaha nak apkeneykekxa tén han ma'a ektaha nak apnakxo ekyexna.

SAN JUAN 5:24

“Aphaxnawók agkok énxet sekpeywa ko'o, aptemék agkok nahan mey'áseyam ma'a aptaha nak seyáphaso ko'o, cháxa ekyetna ekyennakte apnenyek xa; metnehek sat nahan apsexnánémap, hakte apyeyk'a ma'a nétsapma nak, yennakwokmek kaxwo' apnenyek. Nakso' xa sektahakxa nak sekpeywa seláneya kéxegke.

SAN JUAN 6:58

Ekxénak ko'o m'a pan apwéweykento axta apkeñama néten. Mexnawok ma'a maná apteykegko axta kélyepmeyk nano' kéxegke xa pan nak, cham'a maná megkahaxanma axta aptéyak apkeletsapma; kéxegke ektahakxa enxoho kélto xa pan nak, megkatnegwomek sat néxa ekyennakte kélnenyek.

SAN JUAN 8:51

Enxet ektahakxa enxoho apkelyaheykekxoho sekpeywa megyetsepek sat. Nakso' xa sektahakxa nak seláneya kéxegke.

LOS HECHOS 14:2

Wánxa agkok, apkelenxanakmek axta eyke énxet'ák judíos apteme axta apkelya'áseyam apmoko ellókasek ma'a énxet'ák metnaha nak judíos yakwayam enxoho kasók ekxeyenma apwáxók ma'a apkelyáxeg'a aptémo xamo' nak melya'áseyam.

ROMANOS 4:15

Hakte segánamakxa cha'a kañék senlegasáseykegkoho; keñe m'a meykexa nak segánamakxa, méko nahan katnehek ma'a ektémakxa nak megkólyaheykekxoho segánamakxa.

ROMANOS 5:9

Kaxwo' eyke ẽltemésesek negko'o nelpéwomo eñama m'a apketsapma axta Cristo, ékeso eñamakxa peya sat kayágwomhok nelmeyamáxche negko'o neyseksa ektemegwánxa néxa senlegasáseykegkoho, eñama m'a Cristo.

ROMANOS 8:1

Méko kaxwo' yakwayam kának kóllegásesagkohok ma'a énxet'ák apyepetcheyo nak Cristo,

GÁLATAS 3:10

Enxet'ák ektaha nak apcháyo m'a eltémókxa nak antehek segánamakxa exkak sat Dios aplo, hakte temegkek eknaktáxésamaxche s'e: “Exkak sat Dios aplo énxet ektahakxa enxoho mesawhomo apkelané ekyókxoho ektémakxa nak eknaktáxésamaxche weykcha'áhak segánamakxa antehek.”

EFESIOS 5:6

Nágkólho aksa kalyexanchesha kéxegke m'a énxet apkelpeywa ektaha nak mékoho, hakte cháxa keñamak ekxegakmo nak yakwayam ellegásesagkohok ekmaso agko' Dios xa énxet'ák nak, cham'a melyaheykekxoho nak Dios.

1 TESALONICENSES 1:10

Exénhok nahan cha'a ektémakxa nak kélhaxneykha kéxegke yakwayam ewatak makham Jesús apkenyekta néten, Dios Apketche, aptaha axta nahan apxátekháseyam. Jesús apteme sẽlwagkaso teyp ekyentaxnakxa nak Dios senlegasáseykegkoho ekxegakmo nak.

1 TESALONICENSES 5:9

Hakte axta hempagkanmak negko'o Dios yakwayam henlegásesagkohok, wánxa agkok, empagkanchek axta yakwayam anxawak nelwagkásamáxche teyp eñama m'a Wese' egagkok Jesucristo.

HEBREOS 10:29

¿Yagkaxénak kélwáxok kéxegke peya kayeykhágwomhok kéllegasáseykegkoho ekyentaxno agko' ma'a ektaha nak apwanyeykha Dios Apketche, cham'a aptaknagko nak Cristo éma apagkok, tén han ma'a apyemneykha nak Dios Espíritu apagkok, cham'a Dios aptaha nak apkelásekhayo xa énxet'ák nak? Hakte cháxa ektaha nak ekteméseso ekmámnaksoho nelpakhetchásamáxkoho Dios xa Cristo éma apagkok nak, cháxa ektaha nak han ekteméseso apkelpagkanamap énxet xa.

HEBREOS 2:3

¿Háxko sat antehek ólegketaxchek negko'o mantakmelchesa enxoho m'a nelwagkásamáxche teyp ektaha nak ektakmela agko'? Wese' egegkok Jesús apagko' axta ektaha aplegaso apmonye xa nelwagkásamáxche teyp nak, axta senxekmóso negko'o ektaha ekmámnaksoho m'a énxet'ák ektaha axta apkellegé.

HEBREOS 3:18

¿Yaksak axta énxet'ák apxéna Dios peya melántexek ma'a sẽllókasesamakxa nak nelyampé? Axta apxénak Dios ma'a énxet'ák melyaheykekxoho axta appeywa.

HEBREOS 3:19

Negyekpelchawók negko'o megkalepwagko elántexek xa énxet'ák nak, eñama m'a ektémakxa axta apkelya'áseyam.

APOCALIPSIS 21:8

Keñe m'a énxet apcháyo nak aksok, tén han ma'a énxet'ak apkelyenseyam nak apteme melya'áseyam, tén han ma'a énxet'ák ekmaso nak apkeltémakxa, tén han ma'a énxet'ák apchakhamol'a pók, tén han ma'a énxet'ák ekmaso nak apkeltémakxa kalmopsexta'a, tén han ma'a énxet'ák aptamhéyak nak kelyohóxma'a, tén han ma'a énxet'ák apkelpeykesamo nak kéleykmáseso, tén han ma'a apyókxoho énxet'ák apkelmopwancha'a amya'a nak, sat kalpehemmok apkelmahéyak neyseksa aksok ánek eyálewomakxa xa énxet'ák nak, cham'a ektahakxa nak ánet nétsapma.”