SAN JUAN 3:26 - Lengua Sur (Enxet) Nuevo Testamento

²⁶ Keñe axta apya'aweykto apkeltámeséyak Juan apkeltennasakto. Entahak axta amya'a apcháneyákpo Juan se'e: —Sẽlxekmóso, apyakpasásegkek kaxwo' yegmen énxet'ák ma'a aptaha axta exchep apxegexma wátsam Jordán, cham'a énxet sẽltennasa axta exchep. Apxámok nahan énxet apyetleykekxa.

SAN JUAN 3:26 ပူးပေါင်းရင်းမြစ်များ

SAN MATEO 23:7

Apmenyék nahan kólpeykesek yetlo kéláyo m'a ámay nepyeseksa tegma nak, apmenyék nahan kóltehek kólának ‘sẽlxekmóso’.

SAN MATEO 23:8

“Wánxa agkok, nágkólho aksa kóltamhaxche kéxegke sẽlxekmóso, hakte kélyókxoho kéxegke kélteme kélyáxeg xamo', wánxa aksa xama apyetna m'a Apkelxekmóso nak kéxegke.

SAN JUAN 1:15

Apkeltenneykha axta Juan apxeyenma aptémakxa m'a. Aptahak axta apxéna s'e: “Cháxa sekxeyenma axta cha'a ko'o seltenneykencha'a xa, sektéma axta cha'a sekpeywa s'e. Enxet peya nak ewak netámen, apteme maxnawo ko'o, hakte aphegkek axta meykexa ko'o.”

SAN JUAN 1:7

Apwa'ak axta yakwayam enxoho exének ektémakxa m'a elseyexma, yakwayam enxoho melya'asók apyókxoho énxet'ák ektémakxa apkeltenneykha.

SAN JUAN 1:9

Wayak axta elseyexma ekmámnaksoho agko' keso náxop ektaha nak elsásesóxma apyókxoho énxet'ák.

SAN JUAN 11:48

Neg'awók agkok apkelana xa, apxámok sat etnehek énxet apteme mey'áseyam, keñe sat elxegmak ma'a wese' apkelásenneykha apkeleñama nak Roma, etegkesak sat tegma appagkanamap egagkok, emasésak sat nahan ma'a negókxa nak.

SAN JUAN 12:19

Wánxa agkok, aptahak axta apkelpakhetcháseykpoho énxet'ák fariseos se'e: —Kélwet'ak kéxegke méko nenlana negko'o. ¡Kóllano hana, apxámok énxet'ák apkelyetlo Jesús!

SAN JUAN 3:2

Yáktések axta aptaha meyk'a Nicodemo Jesús. Aptahak axta apcháneya s'e: —Sẽlxekmóso, negya'ásegkok negko'o aptaha exchep Dios apcháphaso yakwayam hẽlxekmósak negko'o, hakte méko kawának kalának ma'a aksok sempelakkaso agweta' apkelana nak xép, cham'a metnaha enxoho apxegexma Dios.

SAN JUAN 4:1

Apkelleg'ak axta amya'a fariseos apxáma énxet apyetleykekxa Jesús, tén han apxáma apyakpasáseyak yegmen, axta kaxnawok ma'a Juan.

SAN JUAN 4:2

(Háwe axta eykhe Jesús ma'a apyakpasásegko axta yegmen énxet, apkeltámeséyak axta eyke m'a).

SAN JUAN 4:31

Amonye apkelwé énxet'ák axta aptaha apkeltámeséyak apcháneya Jesús se'e: —Sẽlxekmóso, etaw hana sekxo'.

SAN JUAN 5:33

Kéláphásek axta kéxegke énxet aphakxa Juan yakwayam elmaxneyha, nakso' axta anhan ma'a aptahakxa axta apchátegmoweyak Juan.