SAN JUAN 3:11 - Lengua Sur (Enxet) Nuevo Testamento

¹¹ Nenxénchek cha'a negko'o m'a negya'áseykegkoho nak, nenxénchek nahan cha'a m'a aksok negwetayo nak; kélya'áseykmek eyke kéxegke nentémakxa nak cha'a neltennaso kéxegke. Nakso' xa sektahakxa nak seyáneya exchep.

SAN JUAN 3:11 ပူးပေါင်းရင်းမြစ်များ

SAN MATEO 11:27

“Egkések axta ko'o Táta ekyókxoho aksok. Méko keykpelkohok Dios Apketche, wánxa m'a Apyap; méko nahan keykpelkohok ma'a Apyap, wánxa ékpelkohok ma'a Apketche, tén han elyekpelkohok ma'a énxet'ák apkepmenyexa enxoho Apketche ékpelchásesamhok aptémakxa Apyap.

SAN MATEO 23:37

“¡Jerusalén, Jerusalén! ¡Kélnapmakxa nak cha'a Dios appeywa apkellegaso nak! ¡Kélyetneykxa nak han cha'a meteymog ma'a seykha amya'a Dios apkeláphaso nak! Hágkaxwe amawhok wánchásekxak énxet'ák apheykha xa Jerusalén, ektémol'a kánchásekxak étkók tat'a kóneg axampagkok, axta eyke kólmáheyók kéxegke.

SAN LUCAS 10:22

“Egkések axta ko'o Táta ekyókxoho aksok. Méko kay'asagkohok aptémakxa m'a Dios Apketche, Apyap aksa ey'asagkohok; méko nahan kay'asagkohok aptémakxa m'a Dios, Apketche aksa ey'asagkohok, tén han ma'a énxet'ák apkepmenyéxa enxoho elya'asásegwomhok Dios Apketche aptémakxa Apyap.”

SAN JUAN 1:11

Apwayak axta eykhe apheykegkaxa m'a ektaha nak énxet'ák apagkok, wánxa agkok axta eyke yápeykha m'a ektaha nak énxet'ák apagkok.

SAN JUAN 1:18

Méko ekwetaya aptémakxa Dios xama enxoho; axta eyke segyekpelcháseseyam negko'o m'a aptaha nak wánxa xama Dios Apketche, aptaha nak han Dios, aptaha nak han cha'a meyenyaweykha Apyap.

SAN JUAN 12:49

Hakte matnék ko'o sekxénamaxchekxoho ahagko'; egkések axta ko'o Táta apkeltamhókxa atnehek sekpeywa, cham'a aptaha axta seyáphaso, axta anhan eltennásak ma'a apkeltamhókxa axta atnehek selxekmóso.

SAN JUAN 14:24

Enxet aptaha nak meheyásekhayo ko'o, melyahakxók cha'a m'a sektémakxa nak sekpeywa ko'o. Háwe ko'o sekpeywa ahagko' sektahakxa nak sekpeywa kélhaxno nak kéxegke, Táta appeywa xa, aptaha axta seyáphaso ko'o.

SAN JUAN 3:12

Kélya'ásekmek agkok seltennasa enxoho kéxegke aksok eleñama nak keso náxop, kólya'asók nahan seltennasa enxoho m'a aksok eleñama nak néten.

SAN JUAN 3:13

“Méko xama énxet apmeyeykekxo m'a néten, wánxa m'a apwéweykento axta apkeñama néten, cham'a aptaha nak Apketche Enxet.

SAN JUAN 3:3

Aptahak axta apcháneya Jesús se'e: —Agkok etnahákxak énxet kaxwé apteyam, mopwanchek étak ma'a aptémakxa nak Wese' apwányam Dios.

SAN JUAN 3:5

Aptahak axta apchátegmowágko Jesús se'e: —Agkok etnahak énxet kaxwé apteyam eñama nak yegmen tén han ma'a eñama nak Espíritu, mopwanchek etxek ma'a aptémakxa nak Wese' apwányam Dios. Nakso' xa sektahakxa nak sekpeywa seyáneya exchep.

SAN JUAN 5:43

Ekwa'ak axta ko'o eñama seyáphaso Táta, wánxa agkok, akke helápeyha kéxegke; apwa'ak axta agkok pók énxet apwé apagko' enxoho megkatnaha enxoho kélápháseykha, kóláhapmakha axta kéxegke.

SAN JUAN 7:16

Aptahak axta apchátegmowágko Jesús se'e: —Háwe selxekmóso ahagko' ko'o s'e ektémakxa nak selxekmóso, cha'a keñamak ma'a aptaha axta seyáphaso ko'o.

SAN JUAN 8:14

Aptahak axta apchátegmowágko Jesús se'e: —Sekxénamaxchekxoho ahagko' eykhe ektahak ko'o, háwe eyke eyakhémo xa sektahakxa nak sekpeywa. Hakte ekya'ásegkok ko'o m'a señamakxa axta, ekya'ásegkok nahan ma'a yakwánxa nak amhagkok. Akke kólya'ásegkok kéxegke.

SAN JUAN 8:26

Xámok eykhe yakwayam altennásekxohok kéltémakxa kéxegke, xámok eykhe nahan yakwayam alsexnenak kéxegke. Ekmámnaksoho eyke aksok apxeyenma m'a aptaha axta seyáphaso ko'o, altennaksohok cha'a ko'o énxet'ák apheykha náxop ma'a seklegaya nak cha'a aptémakxa appeywa m'a aptaha axta seyáphaso ko'o.

SAN JUAN 8:38

Axénhok cha'a ko'o m'a ektémakxa axta sexekmóso Táta, kólteme nahan kéxegkáxa, kóllána cha'a m'a aptahakxa enxoho apkeláneya kélyap.

LOS HECHOS 22:18

Ekwet'ak axta ko'o Wese' egegkok. Aptahak axta seyáneya s'e: ‘Epekhésha sat, etyep heykxa xa tegma apwányam Jerusalén, hakte megkahaxnaxkók sat apxéna enxoho exchep sekwesey xa.’

2 CORINTIOS 4:4

Apkelya'ásekmek cha'a xa énxet'ák nak, hakte meyke apakta'ák temésesók ma'a dios ektaha nak eláneykha keso náxop, yakwayam enxoho melwetyehek ma'a tásek amya'a elseyexma agkok eñama nak ma'a Cristo ekha nak apcheymákpoho, aptaha nak aphémo apagko' ma'a Dios.

APOCALIPSIS 1:5

tén han eleñama m'a Jesucristo, aptaha nak ekmámnaksoho agko' apxeyenma aptémakxa Dios, aptaha axta nahan apmonye apxátekhágwayam nepyeseksa apkeletsapma axta, aptaha nak han ekha kélyaheykekxoho nepyeseksa kelwese'e apkelwányam nak keso náxop. Egásekhayok negko'o Cristo, egmasésesek axta nahan mólya'asáxma, cham'a apyegkena axta éma apagkok,

APOCALIPSIS 3:14

“Etáxéses nahan Dios apchásenneykha nak ma'a apchakneykekxexa nak énxet tegma apwányam Laodicea: ‘Keso aptahakxa nak appeywa aptaha nak apmámnaksoho s'e, aptaha nak han meyeykháseykegkoho appeywa, ekmámnaksoho agko' nahan etnehek appeywa, aptaha nak han eñamakxa ekyókxoho aksok ektaha axta Dios apkelané: