SAN JUAN 21:25 - Lengua Sur (Enxet) Nuevo Testamento

²⁵ Xámok axta nahan mók aksok apkelané Jesús, kélsawhawók axta agkok kélnaktáxesagko weykcha'áhak ekyókxoho aksok apkelané Jesús, méko axta katnehek ekhágkaxa weykcha'áhak kélnaktáxeseyak keso náxop.

SAN JUAN 21:25 ပူးပေါင်းရင်းမြစ်များ

SAN MATEO 11:5

Kóltennasha sat Juan apkelwetákxoxma énxet'ák meyke nak apakta'ák, keñe apkelxegákxo m'a énxet meyke aptapnák nak, keñe anhan apkeltakmelwokmo m'a énxet ektamhéyak nak negmasé ektepelchamáxche egyempehek, keñe anhan apkellegákxoxma m'a énxet'ák meyke apeyk'ák nak, keñe anhan apnakxétekhágwokmo m'a énxet'ák apkeletsapma axta, keñe anhan kéllegasa amya'a segwagkasamo teyp ma'a énxet'ák meyke nak aksok apagkok.

SAN MATEO 19:24

Keñe yeskohok etxek yágyatnáxeg ma'a sóketáma aktek, keñe m'a énxet ekxákma nak aksok apagkok askehe' etxek ma'a aptémakxa nak Wese' apwányam Dios.

SAN MARCOS 5:16

Apkeltennáseyha axta apnámokkok ma'a énxet'ák ektaha axta apweteykegkoho ektahakxa m'a kelyekhama' ektawáseykha axta, tén han ma'a ektahakxa axta yátapomap.

LOS HECHOS 10:38

Kélya'ásegkok kéxegke apmésama axta ekyawe agko' apmopwána Dios ma'a Jesús apkeñama nak Nazaret, tén han apmésama m'a Espíritu Santo. Kélya'ásegkok nahan ma'a apkeláneya axta cha'a Jesús ektakmela aptamheykha, apkeltakmelcheseykmek axta m'a apyókxoho énxet eknaktawáseykegkoho axta kelyekhama'. Apwanchek axta apkelana Jesús xa, hakte apxegexma axta aptemék Dios.

LOS HECHOS 20:35

Alxekmóshok axta cha'a kéxegke eyéméxko antehek nentamheykha xa, ampasmok ma'a énxet'ák ekha nak eyéméxchexa aksok yetlo ekxeyenma egwáxok aptémakxa axta appeywa Wese' egegkok Jesús se'e: ‘Kapayhekxak cha'a egwáxok negmésa enxoho aksok egmók, kaxnók ma'a nenxawé nak aksok.’ ”

HEBREOS 11:32

¿Yaksak eyéméxko axének kaxwo' ko'o? Masawhók sat ko'o neyk sekxeyenma m'a Gideón, tén han ma'a Barac, tén han ma'a Sansón, tén han ma'a Jefté, tén han ma'a David, tén han ma'a Samuel tén han ma'a apyókxoho énxet ektaha nak apkellegaso Dios appeywa.