SAN JUAN 21:14 - Lengua Sur (Enxet) Nuevo Testamento

¹⁴ Cháxa ektahakxa axta antanxo apxekmowásamákpekxoho Jesús apkeltámeséyak natámen apxátekhágwayam xa.

SAN JUAN 21:14 ပူးပေါင်းရင်းမြစ်များ

SAN MARCOS 16:12

Mók ektémakxa apxekmowásamákpekxoho axta aptahak Jesús apkánet apkeltámeséyak natámen xa, cham'a apkelxega axta apkelmahágko yókxexma.

SAN MARCOS 16:14

Nano' axta entahak apxekmowáseykpekxoho nahan Jesús once apkeltámeséyak, cham'a apheyncha'a axta nekha mésa. Apkelpakhetchesek axta eñama m'a apkelya'áseyam axta, tén han eñama m'a elyennakte apwáxók axta, hakte apkelya'ásekmek axta apkelleg'a apkeltenneykha m'a ektaha axta apweté apxátekhágwokmo Jesús.

SAN JUAN 20:19

Xama axta ekyaktésa m'a émha amonye ekxega ekhem la'a, apchápeykxók axta átog apchaknákxo apkeltámeséyak kañe' tegma, hakte judíos axta apkelakak. Aptaxneyk axta Jesús ma'a, apkenegwokmek axta nepyeseksa apkeltámeséyak. Aptahak axta apkelpeykásegko s'e: —¡Meyke ektahakxa kélwáxok sat katnehek kéxegke!

SAN JUAN 20:26

Ocho ekhem axta entahak ekyeykhe, keñe axta apchaknákxo makham Jesús apkeltámeséyak xama tegma, apheyk axta kaxwo' Tomás ma'a. Apkelápégkakxók axta nahan atña'ák, aptaxnegwokmek axta eyke Jesús ma'a, apkenegwokmek axta nepyeseksa. Aptahak axta apkelpeykásegko s'e: —Meyke ektahakxa kélwáxok sat katnehek kéxegke.

SAN JUAN 21:1

Apxekmowáseykpók axta makham Jesús apkeltámeséyak neyáwa ekpayhegwayam Tiberias natámen ekteme xa. Keso ektahakxa axta apxekmowásamákpekxoho Jesús se'e:

LOS HECHOS 1:3

Apxekmowásamákpekxók axta nahan natámen apketsapma, apxekmowásawók agko' axta aptaha memassegwayam. Cuarenta ekhem axta weykmohok apxekmowásamákpekxoho xa énxet'ák nak, apkeltennáseykha axta nahan ma'a aptémakxa nak Wese' apwányam Dios.