SAN JUAN 20:31 - Lengua Sur (Enxet) Nuevo Testamento

³¹ Wánxa agkok, naktáxésamaxchek eyke weykcha'áhak xa yakwayam enxoho megkólya'asók kéxegke Jesús aptaha Mesías, aptaha nak Dios Apketche, yakwayam enxoho nahan kólwetak ekyennakte kélnenya'ák eñama Cristo, neyseksa kélteme megkólya'áseyam.

SAN JUAN 20:31 ပူးပေါင်းရင်းမြစ်များ

SAN MATEO 16:16

Aptahak axta Simón Pedro apchátegmowágko s'e: —Xép aptaha Mesías, Dios memassegwayam Apketche.

SAN MATEO 27:54

Apwet'ak axta ektahakxa ekyawheykha xóp ma'a sẽlpextétamo apkemha apmonye tén han ma'a apkelxegexma'a axta, cham'a ektaha axta apkeláneykha apyexnakxa Jesús. Apkelakak axta nahan ma'a ekyókxoho ektahakxa axta. Aptahak axta apkelpakmeta s'e: —¡Nakso' neyke agkok aptaha Dios Apketche xa énxet nak.

SAN MATEO 4:3

Yo'ókmek axta Jesús kelyekhama' yakwayam keykkónek. Entahak axta eyáneya s'e: —Nakso' agkok xép aptaha Dios Apketche, yána katnekxak apto s'e meteymog nak.

SAN MARCOS 16:16

Kólwagkasaxchek sat teyp kéxegke kélteme nak megkólya'áseyam tén han kéltegye nak yakpasama yegmen; kólsexnánéxchek sat eyke kéxegke kélteme nak kélya'áseyam.

SAN LUCAS 1:35

Aptahak axta apchátegmowágko Dios apchásenneykha s'e: Eweywenták sat Espíritu Santo takháxet xeye', káhapwatak sat Dios meyke ekhémo apmopwána, máxa yaphopé sat katnehek. Ekeso eñamakxa peya nak eltamhakpok Appagkanamap, tén han Dios Apketche m'a sakcha'a peya nak etyamok.

SAN LUCAS 1:4

yakwayam enxoho ey'ásegwomhok ektakmela m'a amya'a ektémakxa axta kélxekmóso exchep.

SAN LUCAS 24:47

kóltennaha sat ekyókxoho yókxexma amya'a eñama nak Mesías, Jerusalén sat kólénhok sekxo', yakwayam enxoho elyakmagkasek apwáxók énxet'ák, yakwayam enxoho megkólyakmagkásekxék ma'a apkeltémakxa nak melya'asáxma.

SAN JUAN 1:49

Aptahak axta Natanael apcháneya Jesús se'e: —Sẽlxekmóso, ¡Xép apteme Dios Apketche, xép nahan apteme Israel Wese' apwányam apagkok!

SAN JUAN 10:10

“Exegmak cha'a apmenyexma wánxa aksa etegyaha m'a apmenyexma, tén han etegyaha yakwayam yakhek, tén han etegyaha yakwayam enaktawasha aksok; wánxa agkok, ekxegakmek axta eyke ko'o yakwayam enxoho keytek ekyennakte kélnenya'ák, yakwayam enxoho anhan kayágwomhok agko' ekyetna kéxegke ekyennakte kélnenya'ák.

SAN JUAN 19:35

Cháxa énxet ektaha axta apweteykegkoho xa, ektaha nak han apxeyenma xa, ekmámnaksoho nahan apxeyenma; apya'ásegkok nahan aptéma ekmámnaksoho appeywa, yakwayam enxoho kóltehek kéxegkáxa megkólya'áseyam.

SAN JUAN 20:28

Aptahak axta Tomás se'e: —¡Wese' ahagkok!, ¡Dios ahagkok!

SAN JUAN 3:18

“Negko'o ektahakxa enxoho nenteme magya'áseyam Dios Apketche mantehek nensexnánemaxche; keñe m'a énxet ektahakxa enxoho apteme apya'áseyam aptemék apsexnánémap eñama apya'áseyam ma'a Dios Apketche aptaha nak wánxa xama.

SAN JUAN 3:36

Negko'o ektahakxa enxoho nenteme magya'áseyam Dios Apketche, keytek ekyennakte egnenyek megkatnegwayam enéxa; keñe m'a ektahakxa enxoho apya'áseyam Dios Apketche mexkeyk sat xa ekyennakte egnenyek nak, wánxa sat exkak ma'a ekmaso senlegasáseykegkoho nak Dios.

SAN JUAN 5:24

“Aphaxnawók agkok énxet sekpeywa ko'o, aptemék agkok nahan mey'áseyam ma'a aptaha nak seyáphaso ko'o, cháxa ekyetna ekyennakte apnenyek xa; metnehek sat nahan apsexnánémap, hakte apyeyk'a ma'a nétsapma nak, yennakwokmek kaxwo' apnenyek. Nakso' xa sektahakxa nak sekpeywa seláneya kéxegke.

SAN JUAN 6:40

Apmenyék ko'o Táta keytek ekyennakte apnenya'ák megkatnegwayam enéxa m'a apyókxoho énxet ektaha nak apkelanyo Dios Apketche, cham'a apteme nak han mey'áseyam, ko'o sat nahan anakxétekhasók ma'a ektemegwokmo sat néxa ekhem.

LOS HECHOS 10:43

Apyókxoho Dios appeywa apkellegaso axta apxeyenmak Jesús. Apkelxeyenmék axta peya megkólyakmagkásekxék nentémakxa mólya'asáxma nenteme nak magya'áseyam eñama m'a Jesús.

LOS HECHOS 3:16

Magya'áseyam Jesús apwesey keñamak ekmeyaseykxo apyennakte xa énxet nak, cháxa kélwet'a nak kéxegke, kélyekpelchawók nahan. Cháxa ektakmelchesakmo agko' nak énxet xa magya'áseyam nak Jesús, cháxa ektahakxa nak kélweté kéxegke ektaha xa.

LOS HECHOS 8:36

Xama axta apyeykhágwokmo xama yókxexma ekyetnakxa axta yegmen, aptahak axta wese' eyásenneykha s'e: —Yetné nak yegmen se'e. ¿Apwancheya sat heyakpásesek yegmen?

LOS HECHOS 8:37

Aptahak axta apcháneya Felipe s'e: —Aptemék agkok xép mey'áseyam ekweykmoho kañó' agko' apwáxok, apwanchek. —May'ásekmok ko'o Jesucristo aptaha Dios Apketche, axta aptahak apchátegmowágko xa énxet nak.

LOS HECHOS 9:20

Apchénawók axta apkeltenneykha Saulo apchakneykekxexa judíos apxéna Jesús aptaha Dios Apketche.

1 SAN PEDRO 1:9

eñama m'a kélwagkásamáxche teyp nak kéxegke, ektaha nak ekwetaso m'a ektémakxa nak megkólya'áseyam.

1 SAN JUAN 4:15

Negko'o ektahakxa enxoho nenxeyenma Jesús aptaha Dios Apketche, antehek negyepetcheyo Dios, hegyepetkohok nahan ma'a Dios.

1 SAN JUAN 5:1

Negyókxoho nenteme nak magya'áseyam Jesús aptaha Mesías, nentemék negko'o Dios apketchek; enxama apchásekhayo enxoho xama énxet ekha nak apketchek, elásekháseshok nahan ma'a apketchek.

1 SAN JUAN 5:20

Negya'ásegkok nahan negko'o m'a apwaya axta Dios Apketche, tén han segmésama negya'ásegwayam yakwayam agyekpelkohok ma'a Dios aptaha nak apmámnaksoho. Negyepetcheyók negko'o m'a aptaha nak apmámnaksoho, cham'a Jesucristo aptaha nak Dios Apketche. Cháxa Dios aptaha nak apmámnaksoho xa, aptaha nak han eñamakxa ekyennakte egnenyek megkatnegwayam enéxa.

2 SAN JUAN 1:9

Negko'o ektahakxa enxoho negmáheyo agyeykhasagkohok ektémakxa axta sẽlxekmóso Cristo, mantehek negyepetcheyo Dios, keñe m'a énxet ektahakxa enxoho meyenseyam ektémakxa axta nelxekmowásamáxche eñama Cristo, etnehek apyepetcheyo Dios Egyap xa, tén han ma'a Apketche.

APOCALIPSIS 2:18

“Etáxéses nahan Dios apchásenneykha nak ma'a apchakneykekxexa nak énxet tegma apwányam Tiatira: ‘Keso apxeyenma nak Dios Apketche s'e, cham'a ekhó nak táxa eyálewe apakta'ák, keñe m'a apmagkok ekhó sawo ekyentaxno kélyamasmol'a neyseksa táxa amonye kélyenmaso;