SAN JUAN 20:25 - Lengua Sur (Enxet) Nuevo Testamento

²⁵ Aptahak axta apkeltennáseyncha'a apkelxegexma'a s'e: —Negwetákxeyk xeyk negko'o Wese' egegkok. Aptahak axta apchátegmowágko Tomás se'e: —Agkok ko'o ót'ak láwa axta kélyetxakkaso apmék, agkok nahan watchásak ephék ma'a láwa elyagkaxkatma nak, agkok nahan watchásak émek ma'a nápakha, ay'ásók sat ko'o apxátekhágwokmo m'a.

SAN JUAN 20:25 ပူးပေါင်းရင်းမြစ်များ

SAN MATEO 27:42

—Apkelwagkasegkek axta cha'a teyp apnámokkok, wánxa agkok mopwanchek eyke apmoko ewagkasakpoho' apagko' teyp. Israel Wese' apwányam apagkok xa, magya'ásemek sat negko'o m'a aptepa enxoho xa néten aksok ektegyéso nak.

SAN MARCOS 16:11

Xama axta apkelleg'a amya'a apxátekhágwokmo Jesús xa énxet'ák nak, cham'a ekxéna axta ekwet'a xa kelán'a nak, apkelya'ásekmek axta.

SAN MARCOS 16:13

Apkeltakhawok axta anhan xa, apkeltennáseykxeyk axta apkelxegexma'a, apkelya'ásekmek axta eyke nahan xa.

SAN MARCOS 16:14

Nano' axta entahak apxekmowáseykpekxoho nahan Jesús once apkeltámeséyak, cham'a apheyncha'a axta nekha mésa. Apkelpakhetchesek axta eñama m'a apkelya'áseyam axta, tén han eñama m'a elyennakte apwáxók axta, hakte apkelya'ásekmek axta apkelleg'a apkeltenneykha m'a ektaha axta apweté apxátekhágwokmo Jesús.

SAN LUCAS 24:25

Keñe axta aptaha apkeláneya Jesús se'e: —Méko kélya'áseyak kéxegke, askehek nahan cha'a yakwayam megkólya'ásemek ma'a ekyókxoho ektémakxa axta apkeltenneykha énxet'ák apkellegaso axta Dios appeywa.

SAN JUAN 1:41

Apxegkek axta Andrés apketama apepma' apwesey Simón, aptahak axta apcháneya s'e: —Negwetákxeyk negko'o Mesías (kéltéma nak: Cristo)

SAN JUAN 20:27

Aptahak axta Jesús apcháneya Tomás se'e: —Yetches apophék se'e. Elano nahan emék. Ey'ásegma nahan apmek se'e, yetches neheykha ko'o. Ná etne aksa apya'áseyam; ¡ná ey'ásem!

SAN JUAN 21:7

Xama Jesús apkeltámeso axta appakhetchásak Pedro cham'a ektaha axta apchásekhayókxa Jesús. Aptahak axta apcháneya s'e: —¡Wese' egagkok nak xa! Aplegók axta aksa Simón Pedro aptaha Wese' egagkok ma'a, apkelántaxneykxeyk axta apkelnakta, hakte meyke apáwa axta aphak, apnextegkek axta anhan neygmen.

SAN JUAN 6:30

Aptahak axta énxet'ák apkelmaxneyeyncha'a Jesús se'e: —¿Yaksak aksok sempelakkaso agweta' apwanchek henxekmósek xép, yakwayam enxoho magya'asók negko'o negwet'a enxoho? ¿Háxko ektémakxa aptamheykha exchep?

HEBREOS 3:12

Elyáxeg kólawho sat keytek ekmaso elchetamso kélwáxok kéxegke, cham'a segyenyókasamol'a Dios memassegwayam nak, eñama ekteme ekya'áseyam kélwáxok.

HEBREOS 3:18

¿Yaksak axta énxet'ák apxéna Dios peya melántexek ma'a sẽllókasesamakxa nak nelyampé? Axta apxénak Dios ma'a énxet'ák melyaheykekxoho axta appeywa.