SAN JUAN 20:19 - Lengua Sur (Enxet) Nuevo Testamento

¹⁹ Xama axta ekyaktésa m'a émha amonye ekxega ekhem la'a, apchápeykxók axta átog apchaknákxo apkeltámeséyak kañe' tegma, hakte judíos axta apkelakak. Aptaxneyk axta Jesús ma'a, apkenegwokmek axta nepyeseksa apkeltámeséyak. Aptahak axta apkelpeykásegko s'e: —¡Meyke ektahakxa kélwáxok sat katnehek kéxegke!

SAN JUAN 20:19 ပူးပေါင်းရင်းမြစ်များ

SAN MATEO 10:13

Enxet'ák eyéméxchexa enxoho keytek meyke ektahakxa egwáxok apxanák, katnehek sat ma'a, keñe m'a megkapayhawo nak keytek meyke ektahakxa egwáxok apxanák, megkeytek sat meyke ektahakxa egwáxok ma'a.

SAN MATEO 18:20

Kélaknákxeyk sat agkok kélkánet, kélkantanxo esenhan, kélxéna enxoho sekwesey, axek sat ko'o kélnepyeseksa.”

SAN MARCOS 16:14

Nano' axta entahak apxekmowáseykpekxoho nahan Jesús once apkeltámeséyak, cham'a apheyncha'a axta nekha mésa. Apkelpakhetchesek axta eñama m'a apkelya'áseyam axta, tén han eñama m'a elyennakte apwáxók axta, hakte apkelya'ásekmek axta apkelleg'a apkeltenneykha m'a ektaha axta apweté apxátekhágwokmo Jesús.

SAN JUAN 14:27

“Ekpekkenchásekxeyk kéxegke meyke ektahakxa kélwáxok. Ekmések ko'o kéxegke meyke ektahakxa kélwáxok eñama nak ko'o, megkaxnawók ma'a ektémakxal'a segméso meyke ektahakxa egwáxok énxet apheykha nak keso náxop. Nágkatneykha kélwáxok, nágkólé' nahan.

SAN JUAN 16:22

Hawók ektahakxa nak han kéxegkáxa elyakhápeykha kélwáxok keso kaxwo' nak; wánxa agkok, awatak sat eyke yakwayam alwetágwatak kéxegke, keñe sat kayawhok agko' elpayheykekxa kélwáxok, cham'a ekpayheykekxa egwáxok megkólmowána nak kólyementók.

SAN JUAN 16:33

Eltennásek kéxegke ekyókxoho xa, yakwayam enxoho kólwetak meyke ektahakxa kélwáxok neyseksók selyepetcheyo ko'o. Kóllegagkohok sat kéxegke keso náxop; wánxa agkok, kólteme kélwaskápeykekxoho, ekmalanchek ko'o ektémakxa nak keso náxop.

SAN JUAN 20:21

Keñe axta aptaha makham apkeláneya Jesús se'e: —¡Meyke ektahakxa kélwáxok sat katnehek kéxegke! Eláphásek ko'o kéxegke ekhawo ektahakxa axta seyáphaso ko'o Táta.

SAN JUAN 20:26

Ocho ekhem axta entahak ekyeykhe, keñe axta apchaknákxo makham Jesús apkeltámeséyak xama tegma, apheyk axta kaxwo' Tomás ma'a. Apkelápégkakxók axta nahan atña'ák, aptaxnegwokmek axta eyke Jesús ma'a, apkenegwokmek axta nepyeseksa. Aptahak axta apkelpeykásegko s'e: —Meyke ektahakxa kélwáxok sat katnehek kéxegke.

SAN JUAN 21:1

Apxekmowáseykpók axta makham Jesús apkeltámeséyak neyáwa ekpayhegwayam Tiberias natámen ekteme xa. Keso ektahakxa axta apxekmowásamákpekxoho Jesús se'e:

SAN JUAN 21:14

Cháxa ektahakxa axta antanxo apxekmowásamákpekxoho Jesús apkeltámeséyak natámen apxátekhágwayam xa.

SAN JUAN 7:13

Apkelyexákpók axta eyke cha'a énxet'ák apxéna Jesús, hakte judíos axta apcheykpok.

LOS HECHOS 1:3

Apxekmowásamákpekxók axta nahan natámen apketsapma, apxekmowásawók agko' axta aptaha memassegwayam. Cuarenta ekhem axta weykmohok apxekmowásamákpekxoho xa énxet'ák nak, apkeltennáseykha axta nahan ma'a aptémakxa nak Wese' apwányam Dios.

ROMANOS 15:33

Emenyék ko'o exek kélnepyeseksa kéxegke Dios, ektaha nak eñamakxa meyke ektahakxa egwáxok. Katnahagkok sat.

1 CORINTIOS 15:5

apxekmowáseykpekxók axta Pedro, keñe axta apxekmowáseykpekxoho nahan ma'a doce apkeltámeséyak axta.

EFESIOS 2:14

Cristo apteme senteméseso negko'o meyke ektahakxa egwáxok aptaha axta nahan appaxakteyáseykekxa énxet'ák judíos ma'a énxet'ák metnaha nak judíos, cham'a apmasésa axta ekhó kélhaxta nepyeseksa xa énxet'ák nak. Apyókxa axta keñamak

EFESIOS 6:23

Dios Egyap tén han Jesucristo Wese' egegkok sat egkések ẽlyáxeg'a meyke ektahakxa apwáxók, apchásekhayo, tén han melya'áseyam,

FILIPENSES 1:2

Dios Egyap tén han Jesucristo Wese' egegkok sat etnehek apméso naksa kéxegke m'a ektémakxa nak segemleykekxoho, tén han meyke ektahakxa kélwáxok.

2 TESALONICENSES 3:16

Wese' egegkok aptaha nak eñamakxa meyke ektahakxa egwáxok sat egkések kéxegke meyke ektahakxa kélwáxok ekyókxoho ekhem, cham'a ekyókxoho ektémakxa nak meyke ektahakxa egwáxok. Wese' egegkok sat exek kélnepyeseksa kélyókxoho kéxegke.

HEBREOS 7:2

Keñe axta apmésa cha'a Abraham Melquisedec xama aksok, cham'a ekyókxoho aksok ekwokmo axta cha'a diez ekyókxoho apkelma eñama apwatno kempakhakma. “Wese' apwányam appéwomo” nenteme nempeywa xa kélwesey nak Melquisedec; wese' apwányam tegma apwányam Salem axta anhan ma'a, nenteme nak nempeywa “wese' apwányam segmésamo nak meyke ektahakxa egwáxok”.

3 SAN JUAN 1:14

hakte emenyék ko'o kanyehémhok ótekxak xép, tén han alpakhetchesaxkohok.

APOCALIPSIS 1:4

Ko'o Juan, ektáxésesek ko'o siete apchakneykekxexa nak ma'a yókxexma Asia. Kólma kéxegke segméso naksa nak Dios segemleykekxoho, tén han ma'a meyke ektahakxa egwáxok eñama nak ma'a Dios, cham'a apha nak kaxwo', cham'a aphama axta nahan nano' axta, cham'a peya nak han ewata', cháxa eleñama nak han ma'a siete espíritu apheyncha'a nak nápakto' Wese' apwányam Dios aphamakxa xa,