SAN JUAN 20:17 - Lengua Sur (Enxet) Nuevo Testamento

¹⁷ Aptahak axta apcháneya Jesús se'e: —Náhepaknegwoho, hakte mamyákxak ko'o makham ma'a aphakxa nak Táta. Katakhoho, kaltennásekxa sat elyáxeg peya amyekxak ko'o kaxwo' ma'a aphakxa nak Táta, aptaha nak kélyap kéxegke, aptaha nak han Dios ahagkok tén han Dios kélagkok kéxegke.

SAN JUAN 20:17 ပူးပေါင်းရင်းမြစ်များ

SAN MATEO 12:50

Enxet ektahakxa enxoho apkelané m'a apmopmenyého nak Táta apha nak néten, cha'a aptaha eyáxeg ko'o m'a, tén han elyáxeg kelwán'ák, tén han méme ahagkok ko'o m'a.

SAN MATEO 25:40

Keñe sat etnehek yátegmowagkok Wese' apwányam se'e: ‘Eltennásek ko'o kéxegke elyáxeg ahancha'awók meleymákpoho kéltemésesama xa ektaha nak, ko'o nahan eltemesesók xa ektaha nak.’

SAN MATEO 28:7

Kóltakhoho heykxa, kólteme sat kólának apkeltámeséyak se'e: ‘Apxátekhágwokme', exnek peyk emyekxak ma'a Galilea yakwayam yanchásekxak makham kéxegke; exnek kólwetágwakxak ma'a.’ Cháxa sekmoko exchek ko'o altennaksek kéxegke xa.

SAN MARCOS 12:26

¿Yagkólyetseteyk kéxegke Moisés weykcha'áhak apagkok, ekxeyenma nak nennakxétekhágwayam, cham'a ekyetnamakxa nak han kéltáxéso ekxeyenma m'a eyálewoma axta xama yámet étkok? Aptahak axta Dios apcháneya Moisés se'e: ‘Ko'o sekteme Abraham Dios apagkok, Isaac, tén han ma'a Jacob.’

SAN MARCOS 16:19

Kélya'ásekxeyk axta néten Jesús natámen apkelpakhetcheso apkeltámeséyak, aphákxeyk axta m'a ekpayhókxa nak apkelya'asamakxa Dios.

SAN LUCAS 10:4

Nágkólsawho aksa nahápa, tén han ma'a selyakye axagkok nak, tén han ma'a kéltéto kélmagkok; nágkólchánwom nahan ámay neyseksa kélxega yakwayam kólpeykesek xama énxet enxoho.

SAN JUAN 13:1

Apya'ásegkok axta Jesús ekwokmo ekhem yakwánxa kamaskok apha keso náxop, yakwayam enxoho exnakxak makham xamo' Apyap, amonye ekwayam ekhem melwagkayam axta énxet'ák judíos, cham'a apkeltéma axta Pascua. Apkelásekhayók axta cha'a Jesús ma'a énxet'ák ektaha axta apkelxegexma'a keso náxop, cháxa ektémakxa axta apkelásekhayo ekwokmoho néxa apha xa.

SAN JUAN 14:2

Awanhexma yakwayam anxek ma'a Táta apxagkok; maltennaksek axta ko'o peya alánegwakxések kélxanak kéxegke méko enxoho neghakxa m'a.

SAN JUAN 14:28

Kélleg'ak axta kéxegke sekxéna ko'o peya atakhekxa', tén han peya awatak makham yakwayam axnaták kélnepyeseksa kéxegke. Nakso' agkok selásekhayo ko'o kéxegke, kalpayhekxak kélwáxok kélyekpelcha enxoho peya amyekxak ko'o m'a aphakxa nak Táta, hakte maxnawo ko'o Táta.

SAN JUAN 14:6

Aptahak axta apchátegmowágko Jesús se'e: —Ko'o sekteme ámay, ekmámnaksoho, tén han ekyennakte egnenyek. Ko'o sekwánxa ahagkok apkelmeyeykemxa énxet yakwayam elmahagkok ma'a aphakxa nak Táta.

SAN JUAN 16:28

Axta eñamak ko'o m'a aphakxa nak Táta, yakwayam awak keso náxop, kaxwo' eyke peyk kamaskok makham sekha keso náxop, yakwayam amyekxak ma'a aphakxa nak Táta.

SAN JUAN 17:11

“Kaxwo' sat eyke kamassegwók ko'o sekha keso náxop, elenxanmohok sat eyke apheykha xa énxet'ák nak, keñe sat ko'o amyekxak ma'a aphakxa nak xép. Táta aptakmalma, eltakmelches xép xa énxet'ák nak, eñama nak ma'a ektémakxa nak ekmowána exchep apwesey, cham'a apwesey segkésa axta, yakwayam enxoho etnehek mekxeymákpoho xa énxet'ák nak, ekhawo ektémakxa nak negyepetcheyo egmók negko'o.

SAN JUAN 17:25

Xép Táta appéwomo, melya'ásegkok énxet'ák apheykha náxop aptémakxa exchep; ekya'ásegkok eyke ko'o exchep, apkelya'ásegkok nahan aptaha seyáphaso ko'o exchep se'e ektaha nak énxet'ák apagkok.

SAN JUAN 17:5

Táta hegkes ko'o makham seyeymáxkoho ekyetnama axta ko'o xamo' xép amonye elánamáxche keso náxop, eñama m'a aphamakxa nak xép.

SAN JUAN 20:27

Aptahak axta Jesús apcháneya Tomás se'e: —Yetches apophék se'e. Elano nahan emék. Ey'ásegma nahan apmek se'e, yetches neheykha ko'o. Ná etne aksa apya'áseyam; ¡ná ey'ásem!

SAN JUAN 7:33

Keñe axta aptaha Jesús apkeláneya énxet'ák se'e: —Yakwatakxoho sat axek ko'o kélnepyseksa kéxegke, keñe sat amyekxak makham ma'a aphakxa nak ektaha axta seyáphaso.

ROMANOS 8:29

Apkelpagkanchek axta Dios ma'a énxet'ák ektaha axta apkelyekpelchémo nano' axta, yakwayam enxoho exnágwakxohok ma'a Apketche, yakwayam enxoho etnehek apwányam nepyeseksa apkelyáxeg ma'a Apketche.

2 CORINTIOS 6:18

ko'o sat nahan atnehek Kélyap kéxegke, keñe sat kéxegke atnehek étchek, aptahak appeywa m'a Wese' egegkok ekha nak apyennakte.”

GÁLATAS 3:26

hakte megkólya'áseyam Cristo Jesús keñamak kéltaha kélyókxoho kéxegke Dios apketchek,

HEBREOS 11:16

wánxa agkok apmenyék axta eyke étak apkelókxa ektakmela xa énxet'ák nak, cham'a negókxa ekyetna nak néten. Ekeso eñamakxa memegkaktama nak Dios apkeltéma énxet'ák apagkok xa énxet'ák nak, hakte yetneyk apkeláneso xama tegma apwányam.

HEBREOS 8:10

Sat katnehek seláneso ekhémo mók nelpakhetchásamáxkoho énxet'ák Israel se'e, cham'a natámen sat xa. Aptahak axta Wese' egegkok apxéna s'e: apekkenchesek sat ko'o apwáxok seltémókxa etnahagkok xa énxet'ák nak, atáxésesek sat nahan apwáxok. Ko'o sat atnehek Dios apagkok xa énxet'ák nak, keñe sat etnahagkok énxet'ák ahagkok xa énxet'ák nak.

1 SAN PEDRO 1:3

Oltemésesek hana apcheymákpoho Dios, Jesucristo Wese' egegkok Apyap, entemésesek axta negko'o eghaxnancha'ák Dios eñama m'a ekyawe ektakmeleykha nak apwáxok henlano', eñama nahan ma'a apxátekhágwayam axta Jesucristo. Cháxa segmésa nak nelhaxneykha ektaha nak ekmámnaksoho agko' xa,

1 SAN JUAN 3:2

Elyáxeg selásekhayo, nentemegkek negko'o Dios apketchek. Eykhe agya'ásegkok makham negko'o yakwánxa hentéhek ma'a natámen sat, negya'ásegkok eyke peya anxohok Jesucristo m'a apwakto sat makham, hakte agwetak sat aptémakxa.

APOCALIPSIS 21:3

Ekleg'ak axta ko'o kélpeywa ekyennakte agko' eñama m'a ekyetnakxa axta taháno ektakmalma. Entahak axta amya'a s'e: “Apheyk kaxwo' Dios nepyeseksa énxet'ák. Exek sat nahan cha'a xamo', énxet'ák apagkok sat nahan etnahagkok xa énxet'ák nak. Dios sat nahan etnehek Dios apagkok xa énxet'ák nak.

APOCALIPSIS 21:7

Enxet ektahakxa enxoho apmalanma, exkekxak sat ekyókxoho xa aksok kélpagkancheso nak, Dios apagkok sat ko'o hetnehek xa énxet nak, keñe sat ko'o atnehek hatte xa énxet nak.