SAN JUAN 20:16 - Lengua Sur (Enxet) Nuevo Testamento

¹⁶ Aptahak axta Jesús se'e: —¡María! Peyncháxkók axta ekpayheykxoho apkenmágkaxa, entahak axta eyáneya hebreo appeywa s'e: —¡Rabuni! —(nenteme nak nempeywa: “sẽlxekmóso”).

SAN JUAN 20:16 ပူးပေါင်းရင်းမြစ်များ

SAN MATEO 14:27

Aptahak axta apkelpakhetchesa Jesús se'e: —¡Kólyennakteyásekxoho kélwáxok! ¡Náhelé', ko'o s'e!

SAN MARCOS 10:51

Aptahak axta apkelmaxneyeyncha'a Jesús se'e: —¿Yaksak apkeltamho atnésesek xép? Aptahak axta apchátegmowágko énxet meyke apakta'ák se'e: —Sẽlxekmóso, emenyék ko'o ótekxaxma.

SAN LUCAS 10:41

Aptahak axta apchátegmowágko Jesús se'e: —Marta, yetnakhásawók awáxok ekxáma elanakxa exche',

SAN JUAN 1:38

Appeynchakpok axta neptámen Jesús. Xama axta apwet'a kélemhágko, aptahak axta apkelmaxneyeyncha'a ektaha axta apkemheyak se'e: —¿Yaksak kélchetama? —Sẽlxekmóso, ¿háxko aphakxa exchep? axta aptahak apkelátegmowágko.

SAN JUAN 1:49

Aptahak axta Natanael apcháneya Jesús se'e: —Sẽlxekmóso, ¡Xép apteme Dios Apketche, xép nahan apteme Israel Wese' apwányam apagkok!

SAN JUAN 10:3

Emeykesesek nahan átog ma'a énxet ektaha nak aptakmelcheso átog, keñe keláneykha nekkések exének cha'a apwesey ewónmakha ektémakxa enxoho apwesey nekkések. Ekpelkohok nahan nekkések ma'a appeywa. Elántekkesek nahan ma'a apxagkok,

SAN JUAN 11:28

Keltennásekxeyk axta yáxeg Marta ekwesey axta María natámen axta ekteme ekpeywa xa, entahak axta ekyexchásawo eltennasa s'e: —Exchek aphak Sẽlxekmóso á, apcháneyáha exchek.

SAN JUAN 13:13

Sẽlxekmóso cha'a kóltehek helwónmakha kéxegke tén han heltehek cha'a Wese', payhawók heltehek, hakte ko'o sekteme m'a.

SAN JUAN 20:28

Aptahak axta Tomás se'e: —¡Wese' ahagkok!, ¡Dios ahagkok!

SAN JUAN 3:2

Yáktések axta aptaha meyk'a Nicodemo Jesús. Aptahak axta apcháneya s'e: —Sẽlxekmóso, negya'ásegkok negko'o aptaha exchep Dios apcháphaso yakwayam hẽlxekmósak negko'o, hakte méko kawának kalának ma'a aksok sempelakkaso agweta' apkelana nak xép, cham'a metnaha enxoho apxegexma Dios.

SAN JUAN 5:2

Yetneyk nahan ekhó yammáxek ma'a tegma apwányam Jerusalén, cham'a keto' átog ekwesey nak Nekkések átog apagkok, cháxa ekhó yammáxek apkeltéma nak hebreo Betzatá xa. Cinco nahan kélpakxeneyak neyáwa xa ekhó yammáxek nak.

SAN JUAN 6:25

Xama axta apkelwákxo neyáwa xa énxet'ák nak apwetágweykxeyk axta Jesús ma'a. Aptahak axta apkelmaxneyeyncha'a énxet'ák Jesús se'e: —Sẽlxekmóso, ¿Yaksak axta ekhem apwakto s'e?

LOS HECHOS 10:3

Xama ekhem axta apwet'a aksok kélxekmósamo Cornelio, las tres taxnamla'a. Tásók agko' axta apweté xama Dios apchásenneykha aptaxnegwokmo m'a aphamakxa axta Cornelio. Aptahak axta apcháneya s'e: “¡Cornelio!”

LOS HECHOS 9:4

Apteyekmek axta náxop Saulo, apleg'ak axta anhan ektaha amya'a apcháneyákpo s'e: “Saulo, Saulo, ¿Yaksak ektaha seyakmásencha'a nak xép?”