SAN JUAN 2:23 - Lengua Sur (Enxet) Nuevo Testamento

²³ Apxámok axta énxet apteme mey'áseyam Jesús neyseksa apha axta Jerusalén ekhem kéltéma axta Pascua, cham'a apkelwet'a axta apkelana Jesús aksok sempelakkaso nak agweta'.

SAN JUAN 2:23 ပူးပေါင်းရင်းမြစ်များ

SAN LUCAS 8:13

Aktek ekpálwayam axta neyseksa meteymog ekyetchesamaxkoho m'a énxet'ák apkellegé nak tásek amya'a, ñohok nahan emok heykxa yetlo ekpayheykekxa apwáxók, wánxa agkok megkeytek eyke kañók agko' apwáxók amya'a kéllegaso. Yakwatakxoho etnehek mey'áseyam, wa'ak agkok ekyekkónma, elwátesagkok apteme melya'áseyam.

SAN JUAN 11:45

Axta keñamak apxáma judíos apteme mey'áseyam Jesús xa, cham'a ektaha axta elxegexma'a María, cháxa ektaha axta nahan apweteykegkoho ektahakxa aksok apkelané Jesús xa.

SAN JUAN 2:11

Cháxa apkelana axta Jesús émha amonye aksok sempelakkaso agweta' tegma apwányam Caná yókxexma Galilea xa, cham'a apxekmósa axta anhan ektémakxa apcheymákpoho, axta anhan elya'ásekmok apkeltámeséyak.

SAN JUAN 2:13

Apmeyákxeyk axta Jesús ma'a tegma apwányam Jerusalén hakte chágketwokmek axta ekhem melwagkayam axta cha'a judíos kéltéma axta Pascua.

SAN JUAN 3:2

Yáktések axta aptaha meyk'a Nicodemo Jesús. Aptahak axta apcháneya s'e: —Sẽlxekmóso, negya'ásegkok negko'o aptaha exchep Dios apcháphaso yakwayam hẽlxekmósak negko'o, hakte méko kawának kalának ma'a aksok sempelakkaso agweta' apkelana nak xép, cham'a metnaha enxoho apxegexma Dios.

SAN JUAN 4:45

Xama axta apwákxo Jesús Galilea, apchápeyha axta énxet'ák ektaha axta apheykha m'a yókxexma nak, hakte apkelmahágkek axta anhan Jerusalén xa énxet'ák nak, cham'a elánéxko axta apchakneykekxa énxet ekhem melwagkayam axta judíos kéltéma axta Pascua, apkelwet'ak axta anhan ma'a ekyókxoho aksok ektahakxa axta apkelané Jesús ma'a.

SAN JUAN 5:36

Yetneyk eyke ko'o m'a aptaha nak ektakmela sexeyenma ko'o, megkaxnawok ma'a ektémakxa axta cha'a sexeyenma ko'o Juan. Aksok selané nak cha'a ko'o ekteme ekxekmóso ektaha nakso' seyáphaso ko'o Táta, cham'a sektamheykha apkeltémo axta alának Táta.

SAN JUAN 6:14

Xama axta apkelwet'a énxet'ák aksok sempelakkaso agweta' apkelané Jesús, aptahak axta apkelpakmeta s'e: —Neykexa nakso' Dios appeywa aplegaso apxénamakpo nak ewa' náxop xa.

SAN JUAN 6:2

Apxámok axta énxet apyetleykekxa Jesús ma'a, hakte apkelwet'ak axta apkelana aksok sempelakkaso nak agweta', cham'a apkeltakmelchesekmo axta apkelháxamap.

SAN JUAN 7:31

Apxámok axta énxet apteme mey'áseyam Jesús. Aptahak axta nahan cha'a apkelpakmeta s'e: —¿Xámok enxoho sat eykel'a katnehek apkelané Mesías aksok sempelakkaso agweta' apwa'a enxoho, megkaxók sat kexaha ekwánxa nak apkelané xa énxet nak?

GÁLATAS 5:6

Nentemék agkok negko'o negyepetcheyo Cristo, méko katnehek ekha enxoho sẽlkahaso kélyenyekhamol'a egyempehek esenhan ma'a méko enxoho. Akke tásek keytek negko'o m'a magya'áseyam nak, cham'a magya'áseyam sentemésesamol'a ekha nelásekhamaxkoho.

1 SAN JUAN 3:23

Apkeltamhok negko'o Dios antehek magya'áseyam Jesucristo aptaha nak Dios Apketche, tén han apkepmenyého ólásekhaxkohok negko'o ekhawo m'a apkeltamhókxa axta antehek Dios.