SAN JUAN 19:28 - Lengua Sur (Enxet) Nuevo Testamento

²⁸ Apya'ásegkok axta Jesús ekpenchásexko elánamáxche xa, yakwayam enxoho katnehek ma'a ektémakxa axta eknaktáxésamaxche weykcha'áhak, aptahak axta appakmétencha'a s'e: —Hem eyakhak ko'o.

SAN JUAN 19:28 ပူးပေါင်းရင်းမြစ်များ

SAN LUCAS 12:50

Asagko' agko' sat ko'o katnehek seklegeykegkoho, eklegágkok ko'o kaxwo' nak, kawomhok sat ma'a ektemegwokmo sat néxa seklegeykegkoho.

SAN LUCAS 18:31

Mók nekha axta apkelya'ásak Jesús doce apkeltámeséyak. Aptahak axta apkeláneya s'e: “Jerusalén kaxwo' nelmeyákxak, cham'a yakwánxa sat kasawhaxkohok katnehek ma'a ektémakxa axta apnaktáxeséyak énxet'ák ektaha axta apkellegaso Dios appeywa apxeyenma m'a aptaha nak Apketche énxet.

SAN LUCAS 22:37

Eltennásek kéxegke peya hetnehek ko'o ektémakxa nak eknaktáxésamaxche s'e: ‘Máxa énxet ekmaso aptémakxa axta kéltemésesók nepyeseksa m'a énxet'ák elmasagcha'a nak apkeltémakxa.’ Hetnehek sat ko'o m'a ekyókxoho ektémakxa nak eknaktáxésamaxche sexeyenma ko'o.

SAN LUCAS 9:31

Wakha'ak axta elseyexma eyeymáxkoho; axta apxénak yakwánxa katnehek apketsapma Jesús ma'a tegma apwányam Jerusalén.

SAN JUAN 13:1

Apya'ásegkok axta Jesús ekwokmo ekhem yakwánxa kamaskok apha keso náxop, yakwayam enxoho exnakxak makham xamo' Apyap, amonye ekwayam ekhem melwagkayam axta énxet'ák judíos, cham'a apkeltéma axta Pascua. Apkelásekhayók axta cha'a Jesús ma'a énxet'ák ektaha axta apkelxegexma'a keso náxop, cháxa ektémakxa axta apkelásekhayo ekwokmoho néxa apha xa.

SAN JUAN 17:4

“Ekxekmósek axta ko'o ektémakxa aptakmalma exchep keso náxop, hakte eksawhawók axta ko'o selana sektamheykha apkeltamho axta alána' xép.

SAN JUAN 18:4

Apya'ásegkok axta Jesús yakwánxa katnehek, apkelanyexagkek axta, aptahak axta apkelmaxneyeyncha'a s'e: —¿Yaksak kélchetama?

SAN JUAN 19:24

Ekeso eñamakxa aptaha axta apkelpakhetcháseykpoho sẽlpextétamo s'e: —Mólyeptek sat, antawaksek sat xama aksok, ekwatnakxa sat kamok. Cháxa ektahakxa axta ektaha m'a ektémakxa nak eknaktáxésamaxche weykcha'áhak se'e: “Apkelyapetcháseykpek selnakta, keñe aptawásegko xama aksok yakwayam emok apáwa apwenakte m'a ektahakxa enxoho apchakhémo.” Cháxa apkelánegko axta sẽlpextétamo xa.

SAN JUAN 19:30

Apyenchek axta Jesús xa anmen ekmanyása nak, aptahak axta appakmétencha'a s'e: —Penchásexchek elánamáxche. Keñe axta ekwéweynto apkátek apketsapa.

SAN JUAN 19:36

Temék axta ekyókxoho xa ektaha nak, yakwayam enxoho kasawhaxkohok katnehek ektémakxa nak eknaktáxésamaxche s'e: “Megkólekkexchesek sat apexchakkok xama enxoho.”

SAN JUAN 4:34

Aptahak axta apchátegmowágko Jesús se'e: —Neykhe ko'o sekto m'a selané nak cha'a apmopmenyého m'a aptaha nak seyáphaso ko'o, tén han apencheshok alának ma'a ektémakxa nak aptamheykha apkeltémo axta alána'.

LOS HECHOS 13:29

Xama axta apsawhawo énxet'ák aptemésesa Jesús ma'a ektémakxa nak ekxeyenma eknaktáxésamaxche yakweykenxa katnehek ma'a Jesús, kéllekkek axta aphápak néten aksok ektegyéso, kélatawanyek axta anhan.