SAN JUAN 19:15 - Lengua Sur (Enxet) Nuevo Testamento

¹⁵ Wánxa agkok, aptahak axta apkelyennaktésawo apkelpeywa judíos se'e: —¡Yána emátog! ¡Epetches aksok ektegyéso! Aptahak axta apkelmaxneyeyncha'a Pilato s'e: —¿Eypetcheseya ko'o aksok ektegyéso wese' kélagkok? Aptahak axta apkelátegmowágko apkelámha apmonye'e appasmo apkelmaxnéseso Dios énxet'ák apagkok se'e: —Méko negko'o pók wese' apwányam egagkok, wánxa m'a César, aptaha nak wese' apwányam egagkok.

SAN JUAN 19:15 ပူးပေါင်းရင်းမြစ်များ

SAN MATEO 22:17

¿Háxko katnehek xép elchetamso apwáxok?: ¿Táseya agmések selyakye wese' Roma, sagkek enxeykel'a?

SAN LUCAS 23:18

Wánxa agkok, apyókxoho énxet axta eyke aptahak apkelyennaktésawo apkelpeywa s'e: —¡Yána emátog xa! ¡Enyekxa' m'a Barrabás!

SAN JUAN 18:31

Aptahak axta Pilato apkeláneya énxet'ák se'e: —Kólyentemekxa kéxegke, kólyekpelkoho kélagko' ekhawo m'a ektémakxa nak segánamakxa kélagkok kéxegke. Aptahak axta apkelátegmowágko énxet'ák judíos se'e: —Akke kapayhawok negko'o agának emátog xama énxet nenteme nak judíos.

SAN JUAN 19:6

Xama axta apwet'a m'a apkelámha apmonye'e nak appasmo apkelmaxnéseso Dios énxet'ák apagkok, tén han ma'a ektaha axta aptakmelcheso tegma appagkanamap, aptahak axta apkelyennaktésawo apkelpeywa s'e: —¡Epetches aksok ektegyéso, épetches aksok ektegyéso! Aptahak axta Pilato apkeláneya énxet'ák se'e: —Kólyentemekxa kólyepetches kéxegke aksok ektegyéso, hakte mót'ak ko'o ekmaso aptémakxa s'e énxet nak.

LOS HECHOS 13:28

Axta eykhe elweteyk ektémakxa aksok eksexnenagko yakwayam yának emátog, apkeltémok axta eyke aksa énxet'ák yának Pilato emátog Jesús.

LOS HECHOS 21:36

hakte apyókxoho énxet'ák axta apkelxegak axayo' neptámen Pablo. Aptahak axta apkelyennaktésawo apkelpeywa s'e: “¡Yetsapok apagkok xa!”

LOS HECHOS 22:22

Axta néxa kélháxenmo appeywa Pablo xa; keñe axta aptaha apkelyennaktésawo apkelpeywa énxet'ák s'e: “¡Megkeyméxchek etepagkok cha'a xa énxet nak! ¡Kólmasésem neyseksa apha keso náxop!”