SAN JUAN 18:4 - Lengua Sur (Enxet) Nuevo Testamento

⁴ Apya'ásegkok axta Jesús yakwánxa katnehek, apkelanyexagkek axta, aptahak axta apkelmaxneyeyncha'a s'e: —¿Yaksak kélchetama?

SAN JUAN 18:4 ပူးပေါင်းရင်းမြစ်များ

SAN MATEO 16:21

Axta apchénhok nahan apkeltennaso Jesús apkeltámeséyak peya emhagkok ma'a tegma apwányam Jerusalén, tén han apkeltennasa peya eñásesagkohok agko' ma'a énxet'ák apkelámha apmonye'e nak kélakneykekxexa, tén han ma'a apkelámha apmonye'e nak appasmo apkelmaxnéseso Dios énxet'ák apagkok, tén han ma'a apkelxekmóso nak apnámokkok ektémakxa segánamakxa. Apkeltennásek axta anhan peya yakhek xa énxet'ák nak, wánxa agkok, apxénchek axta eyke peya exátekhágwók antanxo ekhem.

SAN MATEO 26:2

—Kélya'ásegkok kéxegke eyéméxko ánet ekhem yakwayam kalanaxchek ma'a ekhem melwagkayam nak énxet'ák judíos kéltéma nak Pascua, cham'a yakwánxa sat kólának emakpok aptaha nak Apketche énxet yakwayam kólyepetchesek aksok ektegyéso.

SAN MATEO 26:21

Aptahak axta apkeláneya neyseksa aptéyak se'e: —Kélxama sat kólának amaxchek kéxegke. Nakso' xa sektahakxa nak seláneya kéxegke.

SAN MATEO 26:31

Aptahak axta apkeláneya Jesús apkeltámeséyak se'e: —Kélyókxoho sat kamaskok kéltaha mehelya'áseyam ko'o keso axta'a nak. Hakte temegkek eknaktáxésamaxche weykcha'áhak se'e: ‘Wakhek sat ko'o keláneykha nekkések, keñe sat yexpaknek ma'a nekkések.’

SAN LUCAS 24:44

Keñe axta aptaha apkeláneya s'e: —Cha'a etnahak ko'o m'a sektémakxa axta seltennáseykha kéxegke sekhamakxa axta makham kélnepyeseksa: eltennasegkek axta cha'a kéxegke ekmáheyo kasawhaxkohok katnehek ma'a ekyókxoho ektémakxa nak eknaktáxésamaxche Moisés segánamakxa apagkok sexeyenma ko'o, tén han ma'a eknaktáxésamaxko axta énxet'ák Dios appeywa apkellegaso weykcha'áhak apagkok, tén han ma'a eknaktáxésamaxko nak Salmos.

SAN JUAN 13:1

Apya'ásegkok axta Jesús ekwokmo ekhem yakwánxa kamaskok apha keso náxop, yakwayam enxoho exnakxak makham xamo' Apyap, amonye ekwayam ekhem melwagkayam axta énxet'ák judíos, cham'a apkeltéma axta Pascua. Apkelásekhayók axta cha'a Jesús ma'a énxet'ák ektaha axta apkelxegexma'a keso náxop, cháxa ektémakxa axta apkelásekhayo ekwokmoho néxa apha xa.

SAN JUAN 13:11

Aptahak axta appeywa Jesús se'e: “Háwe eyke kélyókxoho kéláxñeyo”, hakte apya'ásegkok axta Jesús ma'a énxet apmáheyo axta etlakkasesek yának emakpok.

SAN JUAN 18:5

Aptahak axta apkelátegmowágko s'e: —Jesús apkeñama nak Nazaret. Aptahak axta apchátegmowágko Jesús se'e: —Ko'o neykhe s'e. Judas axta anhan apkelxegexma'a xa énxet'ák nak, cham'a ektaha axta apmáheyo etlakkasesek yának emakpok Jesús.

SAN JUAN 18:7

Aptahak axta makham apkelmaxneyeyncha'a Jesús se'e: —¿Yaksak kélchetama? Aptahak axta makham apkelátegmowágko énxet'ák se'e: —Jesús apkeñama nak Nazaret.

SAN JUAN 19:28

Apya'ásegkok axta Jesús ekpenchásexko elánamáxche xa, yakwayam enxoho katnehek ma'a ektémakxa axta eknaktáxésamaxche weykcha'áhak, aptahak axta appakmétencha'a s'e: —Hem eyakhak ko'o.

SAN JUAN 6:64

Apyetneyk eyke makham kélnepyeseksa kéxegke apteme nak apya'áseyam xa. Nano' axta apya'áseykegkoho Jesús ma'a énxet'ák ektaha axta apkelya'áseyam, nano' axta anhan apya'áseyak ma'a énxet apmáheyo axta etlakkasesek yának emakpok Jesús.

LOS HECHOS 2:28

Exekmósek axta exchep ámay ekyennaktésamo nak egnenyek, heyáncheseshok sat nahan xép ekpayheykexa ewáxok, sekwokmo enxoho nápakto'.’

1 SAN PEDRO 4:1

Kéméxchek kéxegkáxa kólmawhok kóllegagkohok, ekhawo m'a ektahakxa axta aplegeykegkoho Cristo. Enxet ektahakxa enxoho aplegeykegkoho neyseksa apha makham, kamaskok apkelana mey'asáxma,