SAN JUAN 18:37 - Lengua Sur (Enxet) Nuevo Testamento

³⁷ Aptahak axta apkelmaxneyeyncha'a Pilato s'e: —¿Wese' apwányam neyke exchep? Aptahak axta apchátegmowágko Jesús se'e: —Cháxa aptahakxa nak appeywa: ko'o sekteme Wese' apwányam. Ekteyekmek axta ko'o, ekwayak axta anhan keso náxop, yakwayam axének ma'a amya'a ektaha nak ekmámnaksoho agko'. Yeyxhok cha'a sekpeywa ko'o m'a apyókxoho énxet'ák ektaha nak apkelyaheykekxoho amya'a ekmámnaksoho.

SAN JUAN 18:37 ပူးပေါင်းရင်းမြစ်များ

SAN MATEO 26:64

Aptahak axta apchátegmowágko Jesús se'e: —Cháxa aptahakxa nak appeywa exchep. Eltennásek nahan ko'o xa kéxegke peya kólwetak exek ekpayhókxa apkelya'asamakxa Dios ekha apyennakte m'a aptaha nak Apketche énxet, tén han kólwetak exyók neyseksa yaphopé m'a néten.

SAN MATEO 27:11

Kélyentegkek axta Jesús aphakxa Pilato, aptaha axta wese' apwányam Roma apchásenneykha apkeláneykha yókxexma. Aptahak axta apkelmaxneyeyncha'a Pilato s'e: —¿Xépya judíos Wese' apwányam apagkok? —Cháxa aptahakxa nak appeywa sexéna exchep —axta aptahak apchátegmowágko Jesús.

SAN MARCOS 14:62

Aptahak axta Jesús se'e: —Nakso', ko'o neykhe. Kólwetak sat kéxegke aptaha nak Apketche énxet exek ekpayhókxa apkelya'asamakxa m'a Dios ekha nak apyennakte, kólwetak sat nahan éxyok neyseksa yaphopé m'a néten.

SAN MARCOS 15:2

Aptahak axta Pilato apkelmaxneyeyncha'a s'e: —¿Xépya judíos Wese' apwányam apagkok? —Cháxa aptahakxa nak appeywa sexéna exchep —axta aptahak appeywa apchátegmowágko Jesús.

SAN LUCAS 22:70

Keñe axta aptaha apkelmaxneyeyncha'a apyókxoho énxet se'e: —¿Xép neyke Dios Apketche? Aptahak axta apchátegmowágko Jesús se'e: —Kéxegke kélagko' neykhe exénak ko'o sektaha xa.

SAN LUCAS 23:3

Aptahak axta apkelmaxneyeyncha'a Pilato Jesús se'e: —¿Xépya judíos Wese' apwányam apagkok? —Cháxa aptahakxa nak appeywa exchep —axta aptahak apchátegmowágko Jesús.

SAN JUAN 1:14

Enxet apagko' axta aptamheykekxak ma'a ektaha nak Appeywa, aphegkek axta nahan negyeseksa, negwet'ak axta anhan negko'o ektémakxa apcheymákpoho. Cháxa apcheymákpoho apmésa axta Apyap eñama apteme wánxa xama Apketche xa. Láneyok axta apwáxok segásekhayo tén han ma'a ekmámnaksoho nak.

SAN JUAN 1:17

Moisés axta keñamak ekteyapma m'a segánamakxa, Cristo axta eyke keñamak segweyktámho negko'o m'a segásekhayo tén han ma'a ekmámnaksoho nak.

SAN JUAN 14:6

Aptahak axta apchátegmowágko Jesús se'e: —Ko'o sekteme ámay, ekmámnaksoho, tén han ekyennakte egnenyek. Ko'o sekwánxa ahagkok apkelmeyeykemxa énxet yakwayam elmahagkok ma'a aphakxa nak Táta.

SAN JUAN 3:32

exének nahan ma'a aksok apwetaya nak, tén han ma'a aplegaya nak; wánxa agkok, kólya'asók eyke m'a ektahakxa enxoho aksok apxeyenma.

SAN JUAN 7:17

Apmokók agkok elának xama énxet Dios apmopmenyého, apwanchek ékpelkohok ektaha eñama Dios se'e ektémakxa nak selxekmóso, tén han ékpelkohok ma'a sektaha enxoho selxekmóso ahagko'.

SAN JUAN 8:14

Aptahak axta apchátegmowágko Jesús se'e: —Sekxénamaxchekxoho ahagko' eykhe ektahak ko'o, háwe eyke eyakhémo xa sektahakxa nak sekpeywa. Hakte ekya'ásegkok ko'o m'a señamakxa axta, ekya'ásegkok nahan ma'a yakwánxa nak amhagkok. Akke kólya'ásegkok kéxegke.

SAN JUAN 8:45

Elya'ásekmek eyke kéxegke, hakte ekmámnaksoho aksok sekxeyenma ko'o.

SAN JUAN 8:46

¿Yaksak énxet apyetna kélnepyeseksa kéxegke apmopwána exekmósek ekyetna ko'o may'asáxma? Ektemék agkok cha'a ekmámnaksoho sekpeywa, ¿yaksak ektaha selya'ásekmo nak cha'a kéxegke?

SAN JUAN 8:47

Enxet ektahakxa enxoho Dios énxet apagkok, yeyxhok ma'a amya'a eñama nak Dios, háwe eyke kéxegke Dios énxet'ák apagkok, ékeso eñamakxa megkólmoko nak kóleyxho Dios appeywa.

1 TIMOTEO 6:13

Ekmések ko'o sekpeywa exchep nápakto' Dios, aptaha nak apméso elyennakte ekyókxoho aksok ekhágko nak, tén han nápakto' ma'a Jesucristo, cham'a appékáso axta appeywa nápakto' Poncio Pilato apxénákpekxoho apagko', eltamhok ko'o

1 SAN PEDRO 1:22

Kaxwo' eyke kéltemék kéxegke eyáxñeyo kélwáxok, yakwayam enxoho kólásekhohok ekmámnaksoho agko' ma'a ẽlyáxeg nentémo xamo' nak magya'áseyam, cham'a kélyahákxoho axta kéxegke amya'a ekmámnaksoho nak. Kéméxchek kéxegke kóltehek ekmámnaksoho kélásekhamaxkoho ekweykmoho kañók agko' kélwáxok.

1 SAN JUAN 2:21

Háwe eñama megkólya'áseyak amya'a ekmámnaksoho sektáxésesa kéxegke weykcha'áhak, wánxa agkok amya'a ekmámnaksoho kélya'áseyak akke keñamak sektáxésesa kéxegke; kélya'ásegkok nahan kéxegke megkañama negmowána amya'a m'a amya'a ekmámnaksoho nak.

1 SAN JUAN 3:14

Negyeykhayak axta negko'o nétsapma negmoma ekyennakte egnenyek, negya'ásegkok nahan negko'oxa xa, hakte nelásekhayók negko'o ẽlyáxeg'a nentémo xamo' nak magya'áseyam. Kéxegke ektahakxa enxoho megkólásekhayo kélmók, máxa kéletsapma makham kóltehek.

1 SAN JUAN 3:19

Agya'ásegwók sat negko'o nentaha neleñama Dios aptaha nak apmámnaksoho eñama nenteme xa, nakso' sat nahan katnehek megkatnaheykha egwáxok nápakto' Dios;

1 SAN JUAN 4:6

Negko'o eyke nentaha Dios énxet'ák apagkok. Enxet ektahakxa enxoho apya'áseykegkoho Dios, yeyxhok cha'a negko'o neltenneykha, keñe m'a metnaha nak Dios énxet'ák apagkok megyeyxók cha'a negko'o neltenneykha. Cháxa keñamak negkegwagko nak kaxwo' agyekpelkohok negko'o m'a énxet apyetna nak espíritu apmámnaksoho, tén han agyekpelkohok ma'a énxet apyetna nak espíritu sẽlyexancháseykha nak.

1 SAN JUAN 5:20

Negya'ásegkok nahan negko'o m'a apwaya axta Dios Apketche, tén han segmésama negya'ásegwayam yakwayam agyekpelkohok ma'a Dios aptaha nak apmámnaksoho. Negyepetcheyók negko'o m'a aptaha nak apmámnaksoho, cham'a Jesucristo aptaha nak Dios Apketche. Cháxa Dios aptaha nak apmámnaksoho xa, aptaha nak han eñamakxa ekyennakte egnenyek megkatnegwayam enéxa.

APOCALIPSIS 1:4

Ko'o Juan, ektáxésesek ko'o siete apchakneykekxexa nak ma'a yókxexma Asia. Kólma kéxegke segméso naksa nak Dios segemleykekxoho, tén han ma'a meyke ektahakxa egwáxok eñama nak ma'a Dios, cham'a apha nak kaxwo', cham'a aphama axta nahan nano' axta, cham'a peya nak han ewata', cháxa eleñama nak han ma'a siete espíritu apheyncha'a nak nápakto' Wese' apwányam Dios aphamakxa xa,

APOCALIPSIS 3:14

“Etáxéses nahan Dios apchásenneykha nak ma'a apchakneykekxexa nak énxet tegma apwányam Laodicea: ‘Keso aptahakxa nak appeywa aptaha nak apmámnaksoho s'e, aptaha nak han meyeykháseykegkoho appeywa, ekmámnaksoho agko' nahan etnehek appeywa, aptaha nak han eñamakxa ekyókxoho aksok ektaha axta Dios apkelané: