SAN JUAN 18:33 - Lengua Sur (Enxet) Nuevo Testamento

³³ Aptaxneykxeyk axta makham Pilato kañe' apxagkok, apwóneyha axta Jesús, keñe axta aptaha apkelmaxneyeyncha'a s'e: —¿Xépya judíos Wese' apwányam apagkok?

SAN JUAN 18:33 ပူးပေါင်းရင်းမြစ်များ

SAN MATEO 27:11

Kélyentegkek axta Jesús aphakxa Pilato, aptaha axta wese' apwányam Roma apchásenneykha apkeláneykha yókxexma. Aptahak axta apkelmaxneyeyncha'a Pilato s'e: —¿Xépya judíos Wese' apwányam apagkok? —Cháxa aptahakxa nak appeywa sexéna exchep —axta aptahak apchátegmowágko Jesús.

SAN MATEO 27:27

Kélyentegkek axta Jesús wese' apxagkok, wese' apwányam Roma apchásenneykha apkeláneykha yókxexma sẽlpextétamo apagkok axta apyentama. Apwakha'ak axta anhan apkenmágkaxa Jesús xa apyókxoho nak.

SAN MARCOS 15:2

Aptahak axta Pilato apkelmaxneyeyncha'a s'e: —¿Xépya judíos Wese' apwányam apagkok? —Cháxa aptahakxa nak appeywa sexéna exchep —axta aptahak appeywa apchátegmowágko Jesús.

SAN LUCAS 23:2

Nápakto' Pilato axta kéltamhok kólsexnenak Jesús, entahak axta amya'a apxénákpo s'e: —Negwet'ak axta negko'o apkelyáteyágkoho énxet etekkesek ekmaso s'e énxet nak. Apxénchek axta megkapayhawok agmések selyakye wese' apwányam Roma, apxeyenmék nahan aptaha Mesías, tén han aptaha Wese' apwányam.

SAN JUAN 1:49

Aptahak axta Natanael apcháneya Jesús se'e: —Sẽlxekmóso, ¡Xép apteme Dios Apketche, xép nahan apteme Israel Wese' apwányam apagkok!

SAN JUAN 12:13

Apkelyaktenágkek axta yam'áx'áwa apkelanyexágko Jesús xa énxet'ák nak. Aptahak axta apkelyennaktésawo apkelpeywa s'e: —¡Apcheymákpoho Dios! ¡Dios sat epasmok xa apxegakmo nak, aptaha nak Wese' egegkok Dios apcháphaso! ¡Dios sat epasmok Israel Wese' apwányam apagkok!

SAN JUAN 12:15

“Xép tegma apwányam Sión, nágye'; elano, apxegakmek xép Wese' apwányam apagkok yetlo yamelyeheykok étkok apchánte.”

SAN JUAN 18:34

Aptahak axta apchátegmowágko Jesús se'e: —¿Selmaxneyeykha apagkoya xa aptahakxa nak seyáneya? ¿Kéltennaso enxeykel'a sekxénamaxko ko'o?

SAN JUAN 18:37

Aptahak axta apkelmaxneyeyncha'a Pilato s'e: —¿Wese' apwányam neyke exchep? Aptahak axta apchátegmowágko Jesús se'e: —Cháxa aptahakxa nak appeywa: ko'o sekteme Wese' apwányam. Ekteyekmek axta ko'o, ekwayak axta anhan keso náxop, yakwayam axének ma'a amya'a ektaha nak ekmámnaksoho agko'. Yeyxhok cha'a sekpeywa ko'o m'a apyókxoho énxet'ák ektaha nak apkelyaheykekxoho amya'a ekmámnaksoho.

SAN JUAN 18:38

—¿Yaksa m'a amya'a ekmámnaksoho nak? —axta aptahak apchátegmowágko Pilato. Aptekkek axta makham Pilato apkelpakhetchesákxo judíos natámen axta apteme apkelmaxneyeykha xa. Aptahak axta apkeláneya s'e: —Mót'ak ko'o aksok ekmaso apkelané s'e énxet nak.

SAN JUAN 19:12

Keñe axta apkelenxanakmo étak Pilato yakwánxa etnehek ényekxak Jesús; wánxa agkok, aptahak axta apkelyennaktésawo apkelpeywa judíos se'e: —Apyenyekxeyk agkok xép xa énxet nak, metnehek apchásekhayókxa m'a César aptaha nak wese' apwányam Roma. Enxet ektahakxa enxoho apkeltemesásamap wese' apwányam, apkenmexma etnehek ma'a wese' Roma.

SAN JUAN 19:3

Keñe axta apkelyepetchegwokmoho sẽlpextétamo, aptahak axta apcháneya s'e: —¡Etnehek sat cha'a exchep judíos Wese' apwányam apagkok! kéltekpagkasek axta nahan cha'a nápát Jesús.

SAN JUAN 19:4

Aptekkek axta makham yókxexma Pilato, aptahak axta apkeláneya énxet'ák se'e: —Kóllano, ekyentamanteyk ko'o s'e yakwayam enxoho kólya'asagkohok mót'a ko'o ekmaso aptémakxa s'e énxet nak.

SAN JUAN 19:9

Aptaxnekxeyk axta makham kañe' apxagkok Pilato. Aptahak axta makham apkelmaxneyeyncha'a Jesús se'e: —¿Háxko apkeñamakxa exchep? Wánxa agkok, axta eyke yátegmowagkok Jesús.

1 TIMOTEO 6:13

Ekmések ko'o sekpeywa exchep nápakto' Dios, aptaha nak apméso elyennakte ekyókxoho aksok ekhágko nak, tén han nápakto' ma'a Jesucristo, cham'a appékáso axta appeywa nápakto' Poncio Pilato apxénákpekxoho apagko', eltamhok ko'o