SAN JUAN 18:12 - Lengua Sur (Enxet) Nuevo Testamento

¹² Apmeyk axta sẽlpextétamo apnaktetchesa apmék Jesús, axta anhan ma'a sẽlpextétamo aptaha nak apkemha apmonye, axta anhan ma'a judíos ektaha nak aptakmelcheso tegma appagkanamap.

SAN JUAN 18:12 ပူးပေါင်းရင်းမြစ်များ

SAN MATEO 26:57

Caifás apxagkok axta apyentamákxak Jesús ma'a énxet'ák ektaha axta apma, cham'a Caifás aptaha axta apkemha apmonye appasmo apkelmaxnéseso Dios énxet'ák apagkok. Axta apchaknákxak énxet'ák apkelxekmóso axta ektémakxa segánamakxa m'a, tén han ma'a apkelámha apmonye'e nak énxet'ák judíos.

SAN MATEO 27:2

Kélnaktetchesek axta apmék Jesús kélyentama aphakxa Pilato, aptaha axta wese' Roma apchásenneykha apkeláneykha yókxexma.

SAN MATEO 27:27

Kélyentegkek axta Jesús wese' apxagkok, wese' apwányam Roma apchásenneykha apkeláneykha yókxexma sẽlpextétamo apagkok axta apyentama. Apwakha'ak axta anhan apkenmágkaxa Jesús xa apyókxoho nak.

SAN MARCOS 14:53

Kélyentamákxeyk axta Jesús aphakxa apkemha apmonye nak appasmo apkelmaxnéseso Dios énxet'ák apagkok, apchaknákxeyk axta anhan apyókxoho énxet'ák apkelámha apmonye'e nak appasmo apkelmaxnéseso Dios énxet'ák apagkok, tén han ma'a apkelámha apmonye'e nak apchakneykekxexa judíos, tén han ma'a apkelxekmóso nak apnámokkok ektémakxa segánamakxa.

SAN MARCOS 15:1

Axto'ok agko' axta apchaknákxo apkelámha apmonye'e nak appasmo apkelmaxnéseso Dios énxet'ák apagkok yetlo m'a apkelámha apmonye'e nak apchakneykekxexa énxet'ák judíos, tén han ma'a apkelxekmóso nak apnámokkok ektémakxa segánamakxa, axta anhan ma'a apyókxoho énxet'ák ekyawakxa kéláyo nak. Kélyentegkek axta Jesús yetlo kélnaktetcheso apmék aphakxa Pilato.

SAN LUCAS 22:54

Apmákpek axta Jesús, apkemha apmonye appasmo apkelmaxnéseso Dios énxet'ák apagkok apxagkok axta kélya'áseykxak. Axta etétegkohok apyetlawa Pedro.

SAN JUAN 18:3

Apwokmek axta Judas yetlo apkelxegexma'a sẽlpextétamo m'a, axta anhan nápakha m'a ektaha nak aptakmelcheso tegma appagkanamap, ektaha axta apkeláphaso m'a apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák fariseos. Yetlo apkelmeykha axta apkelwokmok ma'a, chálewaso axta anhan apkelmeykha, tén han ma'a yámet eyálewomol'a naw'a.

LOS HECHOS 10:1

Apheyk axta xama énxet apwesey Cornelio m'a tegma apwányam Cesarea, sẽlpextétamo apwese' axta m'a, aptaha axta apkeláneykha nápakha sẽlpextétamo kéltéma axta apkeleñama Italia.

LOS HECHOS 21:31

Keto' axta apmatñamakxa Pablo aplegágweykxo amya'a xama sẽlpextétamo apwese' apkeñama Roma apyennegkesáxma énxet'ák ma'a tegma apwányam Jerusalén.

LOS HECHOS 21:37

Xama axta peya kóltaxnések Pablo kañe' sẽlpextétamakxa, aptahak axta Pablo apkelmaxneyeyncha'a sẽlpextétamo apwese' s'e: —¿Ewancheya ko'o apakhetchesek sekxo' xép? Aptahak axta apchátegmowágko sẽlpextétamo apwese' s'e: —¿Apwanche neyke exchep griego appeywa?

LOS HECHOS 23:10

Yágwokmok axta apyenegkesóxma énxet'ák, tamháha axta apwáxok sẽlpextétamo apwese' kóltemésesek nápakha apketkók Pablo, keñe axta apkeltamho kólnaklósawakxak nápakha sẽlpextétamo yakwayam enxoho etekkesek Pablo m'a, tén han éntemekxak makham ma'a sẽlpextétamo apxagkok.