SAN JUAN 18:11 - Lengua Sur (Enxet) Nuevo Testamento

¹¹ Aptahak axta Jesús apcháneya Pedro s'e: —Yakxegkásekxa axagkok sókwenakte apagkok. Egkések agkok ko'o Táta yakwayam añegkohok ekyetchesamaxkoho nak aksok égmenek negya ekmáskel'a, ¿meynheya sat ko'o xa?

SAN JUAN 18:11 ပူးပေါင်းရင်းမြစ်များ

SAN MATEO 20:22

Aptahak axta apchátegmowágko Jesús se'e: —Megkólya'ásegkok kéxegke xa selmaxneya nak. ¿Kélwanchek enxeykel'a kóllegagkohok ma'a peya nak ko'o añegkoho' ekyetchesamaxkoho nak xama egheykok negyal'a aksok ekmáske? Aptahak axta apkelátegmowágko s'e: —Egwanchek.

SAN MATEO 26:39

Yetlókók axta apxega Jesús apmahágko yámmakhawo, apháxegwokmek axta ekwokmoho aptekxeya ekpayhakxa nápát xóp. Aptahak axta aptaha nempeywa nelmaxnagko s'e: “Táta, apwanchek agkok xép, nágyána aksa añegkohok ko'o yakwánxa nak hetnehek ekyetchesamaxkoho nak xama egheykok negya aksok ekmáskel'a, momenyék ko'o kalanaxchek ma'a sekmamenyého ahagko' nak, wánxa m'a apmopmenyého nak xép.”

SAN MATEO 26:42

Aptakháwok axta makham Jesús. Aptahak axta aptaha nempeywa nelmaxnagko s'e: “Táta, mowanchek agkok ko'o sektakhésawo xa peya nak añegkoho', katnehek sat ma'a apkepmenyého nak katnehek xép.”

SAN LUCAS 12:30

Cháxa ekyetnakhasamol'a apwáxók énxet'ák apheykha nak náxop ekyókxoho xa aksok nak, yetneyk eyke kéxegke Kélyap apha nak ma'a néten, apya'áseykegkoho nak eyéméxko kéxegke xa.

SAN LUCAS 22:42

Aptahak axta se'e: “Táta, apmenyék agkok xép, hényókas ko'o s'e seklegeykegkoho ekyetchesamaxkoho nak aksok ekmáske negyal'a; momenyék ko'o kalanaxchek ma'a sekmámenyého ahagko' nak, wánxa m'a apmopmenyého nak xép.”

SAN JUAN 15:10

Kélyahakxók agkok kéxegke m'a seltémókxa nak kóltehek, alenxanmohok sat nahan ko'o xa selásekhayo kéxegke, ekhawo ektémakxa nak ko'o selyaheykekxoho m'a apkeltémókxa nak atnehek Táta, apkelenxanakmok nahan apteme seyásekhayo.

SAN JUAN 17:24

“Táta, egkések axta ko'o exchep xa énxet'ák nak, emenyék nahan ko'o hexhok xamo' xa énxet'ák nak, cham'a yakwánxa nak axnók ko'o, yakwayam enxoho elwetak ektémakxa nak ko'o seyeymáxkoho, cham'a seyeymáxkoho segkésa axta exchep; hakte eyásekhayók axta exchep amonye elánamáxche axta keso náxop.

SAN JUAN 18:36

Aptahak axta apchátegmowágko Jesús se'e: —Háwe ko'o wese' apwányam keso náxop. Ektemék axta agkok ko'o wese' apwányam keso náxop, yetneyk axta katnehek seláneykha yakwayam ennapakpok yakwayam enxoho ko'o mehelmések ma'a énxet'ák judíos. Háwe eyke ko'o wese' apwányam keso náxop.

SAN JUAN 20:17

Aptahak axta apcháneya Jesús se'e: —Náhepaknegwoho, hakte mamyákxak ko'o makham ma'a aphakxa nak Táta. Katakhoho, kaltennásekxa sat elyáxeg peya amyekxak ko'o kaxwo' ma'a aphakxa nak Táta, aptaha nak kélyap kéxegke, aptaha nak han Dios ahagkok tén han Dios kélagkok kéxegke.

2 CORINTIOS 10:4

Háwe eleñamakxa agko' náxop nelmeykha nelmeykencha'a nak negko'o, Dios apmopwána eyke negmeykha negko'o, ekmowána nak kamassesók ma'a aksok ekhaxtamoma nak negyáwa negko'o. Cháxa ektémakxa nak cha'a negko'o negmaseseykmo amya'a megkamámnaksoho xa,

2 CORINTIOS 6:7

eñama anhan ma'a neltenneykha nak amya'a ekmámnaksoho, tén han eñama ekyetno negko'o m'a Dios apmopwána nak. Negmáha cha'a negko'o m'a ekpéwomo nak nentémakxa ektémol'a agmaha negmeykha, yakwayam nak agmaha nennapéxchexa enxoho, tén han antehek negahakkásamáxche.

HEBREOS 12:2

Anlanok hana wánxa m'a Jesús, hakte cha'a keñamak magya'áseyam nak negko'o m'a, Jesús nahan apteme apteméseso ektakmela m'a magya'áseyam nak negko'o. Aplegágkók axta Jesús néten aksok ektegyéso, axta yenmexmók Jesús ma'a nétsapma segmegkasamo nak, hakte apya'ásegkok axta peya étak ekpayheykekxa apwáxok natámen aplegeykegkoho apketsapma; aphákxeyk axta anhan ma'a ekpayhókxa nak nelya'asamakxa nekha Dios aptaháno.