SAN JUAN 17:6 - Lengua Sur (Enxet) Nuevo Testamento

⁶ “Elya'asásegwokmek ko'o aptémakxa exchep ma'a énxet'ák apkelyéseyncha'a axta exchep keso náxop, cham'a segkésa axta. Xép axta énxet'ák apagkok xa énxet'ák nak, egkések axta eyke ko'o exchep, apkelyahákxók axta nahan xép appeywa.

SAN JUAN 17:6 ပူးပေါင်းရင်းမြစ်များ

SAN JUAN 1:18

Méko ekwetaya aptémakxa Dios xama enxoho; axta eyke segyekpelcháseseyam negko'o m'a aptaha nak wánxa xama Dios Apketche, aptaha nak han Dios, aptaha nak han cha'a meyenyaweykha Apyap.

SAN JUAN 12:28

Táta, yána kóltemésesek eyeymáxkoho apwesey exchep. Keñe axta eklegáxko kélpeywa eñama néten, entahak axta s'e: “Ektemésesek axta ko'o eyémáxkoho exchep apwesey, atnésesek sat makham eyémáxkoho apwesey exchep.”

SAN JUAN 15:19

Kéltemék axta agkok kélyetleykekxa kéxegke ektémakxa nak keso náxop, yásekhohok axta énxet apkelyetleykekxa nak ektémakxa keso náxop, ekhawo ektémakxa nak cha'a apkelásekhayo m'a ektaha nak apnámokkok. Wánxa agkok elyesáha axta eyke ko'o kéxegke nepyeseksa énxet'ák apkelyetleykekxa nak ektémakxa keso náxop. Ekeso eñamakxa aptaknawe nak kéxegke xa énxet'ák nak, hakte megkóltahak kaxwo' kélyetleykekxa kéxegke apkeltémakxa nak énxet keso náxop.

SAN JUAN 15:3

Kéltemék kaxwo' kéxegke kéláxñeyo eñama m'a sekpeywa sektahakxa axta seláneya kéxegke.

SAN JUAN 15:7

“Kéllenxanakmók agkok kélteme selyepetcheyo ko'o, tén han kéllenxanakmoho enxoho kélyetlo m'a ektémakxa nak nelxekmowásamáxche eñama ko'o, kólmaxna aksok kélámenyexa enxoho, kólxawak sat kéxegke.

SAN JUAN 17:12

Eltakmelchesegkek axta cha'a ko'o xa énxet'ák nak, neyseksók sekha xamo' keso náxop, ekmasmeyk axta anhan cha'a yetlo m'a xép apwesey ekha nak ekmowána, cham'a apwesey segkésama axta exchep. Axta anhan exyánegweykmok xama enxoho xa énxet'ák nak, wánxa axta apxegánegweykmo m'a aptaha axta apxegányam, yakwayam enxoho katnehek ma'a ektémakxa nak eknaktáxésamaxche weykcha'áhak.

SAN JUAN 17:14

Eltennáseyha axta ko'o exchep appeywa xa énxet'ák nak, wánxa agkok, aptaknagkamchek eyke énxet'ák apkelyetleykekxa nak ektémakxa náxop xa énxet'ák nak, hakte háwe apkeleñamakxa apagko' keso náxop, ekhawo nak han ko'o xa magwañamak keso náxop.

SAN JUAN 17:16

Háwe apkeleñamakxa apagko' náxop xa énxet'ák nak, ekhawo ektémakxa nak ko'o magwañamak keso náxop.

SAN JUAN 17:2

Hakte apmések axta exchep Apketche yakwayam etnehek meyke ekhémo nepyeseksa énxet'ák keso náxop, yakwayam enxoho elmésagkok elyennakte apnenya'ák ma'a apyókxoho énxet ektaha axta apméso exchep Apketche yakwayam eltakmelchesek.

SAN JUAN 17:24

“Táta, egkések axta ko'o exchep xa énxet'ák nak, emenyék nahan ko'o hexhok xamo' xa énxet'ák nak, cham'a yakwánxa nak axnók ko'o, yakwayam enxoho elwetak ektémakxa nak ko'o seyeymáxkoho, cham'a seyeymáxkoho segkésa axta exchep; hakte eyásekhayók axta exchep amonye elánamáxche axta keso náxop.

SAN JUAN 17:26

Elya'asásegwokmek axta ko'o aptémakxa exchep xa énxet'ák nak, alenxanmohok sat nahan sekteme xa, yakwayam enxoho keytek apwáxók ma'a ektémakxa nak seyásekhayo exchep, yakwayam enxoho ko'o xa atnehek sekyepetcheyo xa énxet'ák nak.”

SAN JUAN 17:7

Apkelya'ásegkok nahan kaxwo' ektaha eñama exchep m'a ekyókxoho aksok segkéso axta exchep;

SAN JUAN 18:9

Cháxa ektahakxa axta xa, yakwayam enxoho katnehek ma'a aptémakxa axta appeywa Jesús se'e: “Táta, mexyenakmok xama enxoho m'a énxet'ák segkéso axta exchep.”

SAN JUAN 6:37

Apyókxoho énxet ektaha nak segkéso ko'o Táta hey'ótak cha'a ko'o, matakheksók sat nahan ko'o m'a énxet ektahakxa enxoho sey'eykekta'.

SAN JUAN 6:39

Mopmenyék ko'o axñánegkesek xama énxet ektaha axta segkéso m'a aptaha axta seyáphaso, wánxa aksa apkepmenyého axátekhásók ma'a ekwokmo sat néxa ekhem.

SAN JUAN 8:51

Enxet ektahakxa enxoho apkelyaheykekxoho sekpeywa megyetsepek sat. Nakso' xa sektahakxa nak seláneya kéxegke.

SAN JUAN 8:52

Aptahak axta apkelátegmowágko judíos se'e: —Nakso' nentemesásak kaxwo' negko'o ekyetna apwáxok xép kelyekhama'. Apketsepmeyk axta Abraham, apsawhomakpók nahan apkeletsapma m'a énxet'ák ektaha axta apkellegaso Dios appeywa, keñe exchep aptaha appeywa s'e: ‘Enxet ektahakxa enxoho apkelyaheykekxoho sekpeywa, megyetsepek sat.’

LOS HECHOS 13:48

Xama axta apkelleg'a énxet'ák metnaha judíos xa, kelpayhekxeyk axta apwáxók, apkelxénchek axta amya'a eñama nak Dios ektaha ektakmela; axta elya'ásekmok ma'a apyókxoho kélpagkancheso axta yakwayam elxawagkok ekyennakte apnenya'ák.

ROMANOS 11:2

Apxeyenmék axta Dios aptaha énxet'ák apagkok ma'a énxet'ák Israel, cham'a sekxo' axta; meltaknawágweykmok nahan kaxwo'. ¿Yagkólya'ásegkok kéxegke ekxeyenma nak eknaktáxésamaxche ektémakxa axta Elías, aptaha axta Dios appeywa aplegaso, cham'a apxeyenma axta ekmaso énxet'ák Israel aptéma nempeywa nelmaxnagko? Aptéma axta s'e.

2 CORINTIOS 4:6

Dios apagko' axta apkeltémo katyapok aksa elseyexma neyseksa ekyaktesóxma, axta anhan apkeltémo katyapok elseyexma egwáxok negko'o m'a Dios, yakwayam enxoho agya'ásegwomhok ektémakxa nak Dios apcheymákpoho elyenmasama nak nápát ma'a Jesucristo.

COLOSENSES 3:16

Keytek sat cha'a kélwáxok kéxegke ekyókxoho amya'a eñama nak Cristo. Kólxekmós cha'a kélnámokkok, kólwaskakkásekxoho nahan cha'a kélnámokkok yetlo kélmeykha m'a ekyókxoho ektémakxa nak kélya'ásegwayam. Kólmeneykmes negmeneykmaso eñama nak salmos, tén han ma'a negmeneykmaso nak, tén han ma'a negmeneykmaso aptekkeso nak egwáxok Espíritu apkeñama nak Dios, yetlo kélméso ekxeyenma kélwáxok Dios.

2 TIMOTEO 1:13

Etlaw xép ma'a nelxekmowásamáxche ektakmela apxaka axta eñama ko'o, neylwatés nahan apteme mey'áseyam, tén han ma'a ektémakxa nak nelásekhamaxkoho ekyetna nak negko'o eñama negyepetcheyo Cristo Jesús.

HEBREOS 2:12

ekhawo ektémakxa nak appeywa ekyetnama nak eknaktáxésamaxche s'e: “Altennasha sat ko'o elyáxeg xép apwesey, anneykmaksek sat nahan ko'o xép apwesey neyseksa kélakneykekxexa.”

HEBREOS 3:6

Cristo aptaha nak Dios Apketche apteme melwátéseyam apkeltakmelcheso xa Dios énxet'ák apagkok nak, negko'o nenteme Dios énxet'ák apagkok, cham'a magyenseyam nak nenteme magya'áseyam, tén han magyenseyam nak ma'a ekpayheykekxa egwáxok neyseksa nelhaxneykha ekyetna nak negko'o.

1 SAN PEDRO 1:1

Ko'o Pedro, sekteme Jesucristo seykha amya'a apagkok. Enxet'ák apkexpakneykha mexneykha apkelókxa ektáxesásak ko'o s'e weykcha'áhak nak, cham'a apheykha nak yókxexma Ponto, Galacia, Capadocia, Asia tén han ma'a Bitinia,

1 SAN JUAN 5:20

Negya'ásegkok nahan negko'o m'a apwaya axta Dios Apketche, tén han segmésama negya'ásegwayam yakwayam agyekpelkohok ma'a Dios aptaha nak apmámnaksoho. Negyepetcheyók negko'o m'a aptaha nak apmámnaksoho, cham'a Jesucristo aptaha nak Dios Apketche. Cháxa Dios aptaha nak apmámnaksoho xa, aptaha nak han eñamakxa ekyennakte egnenyek megkatnegwayam enéxa.

APOCALIPSIS 2:13

Ekya'ásegkok ko'o apha exchep ma'a ektémakxa nak wese' Satanás; wánxa agkok apkelenxáneykmok eyke exchep apxeyenma sekwesey. Axta anhan elwáteseykmok apteme mehey'áseyam ko'o, cham'a apmatña axta Antipas, aptaha axta meyenseyam aplegaso sekwesey. Axta payhok apmatñamakxa m'a tegma apwányam ektémakxa nak wese' Satanás.

APOCALIPSIS 3:10

Apkelanak axta exchep seltémókxa etnehek, cham'a meyensakmo nak. Ekeso eñamakxa sekmoko nak ko'o amyók xép ekwa'a sat ma'a ekhem ekyawe nenlegeykegkoho keso náxop, yakwayam enxoho keykkónek apyókxoho énxet'ák apheykha nak keso náxop.

APOCALIPSIS 3:8

Ekya'ásegkok ko'o ekyókxoho aksok apkelané nak xép; elano, ekmeykesek ko'o átog apmonye exchep magmowána nak agápekxa', asexto' eykhe exchep apyennakte, apkelyahakxók eyke sekpeywa, apxénchek nahan sekwesey.