SAN JUAN 17:3 - Lengua Sur (Enxet) Nuevo Testamento

³ Enxet'ák ektahakxa enxoho apya'áseykegkoho exchep aptaha wánxa xama Dios, tén han apya'ásegkoho enxoho m'a Jesucristo aptaha axta apcháphaso exchep, keytek sat ekyennakte apnenya'ák megkatnegwayam enéxa.

SAN JUAN 17:3 ပူးပေါင်းရင်းမြစ်များ

SAN MARCOS 9:37

—Enxet ektahakxa enxoho apchápeykha sakcha'a eñama apxeyenma ko'o sekwesey, heyáhapmakha nahan ko'o xa; keñe m'a énxet ektaha nak seyápeykha ko'o, meheyáhapmakha exakko' ko'o, yáhapmakha nahan ma'a aptaha axta seyáphaso ko'o.

SAN LUCAS 9:48

Aptahak axta apkeláneya s'e: —Enxet ektahakxa enxoho apchápeykha s'e sakcha'a nak eñama apxeyenma ko'o sekwesey, heyahapmakha nahan ko'o xa; keñe énxet ektahakxa enxoho seyápeykha ko'o, yahapmakha nahan ma'a aptaha axta seyáphaso ko'o. Enxet meyke nak kéláyo kélnepyeseksa kéxegke, cháxa ektahakxa ekyawe kéláyo xa.

SAN JUAN 10:36

Epagkanchek axta ko'o Dios, eyáphásek axta nahan keso náxop, ¿yaksak ektaha kélxéna nak kéxegke sekwañeyncha'a ko'o m'a Dios, cham'a sekxéna nak ko'o sektaha Dios Apketche?

SAN JUAN 11:42

Ekya'ásegkok ko'o yeyxhok cha'a exchep selmaxnagko, ektemék eyke ko'o seyáneya exchep nápakta'awo' énxet apheyncha'a nak se'e, yakwayam enxoho kapasmok, yakwayam enxoho nahan mehey'ásemek aptaha exchep seyáphaso.

SAN JUAN 14:26

Espíritu Santo sat eyke elxekmósek kéxegke ekyókxoho aksok, elya'asásegwakxohok sat nahan ma'a ekyókxoho sektémakxa nak selanagkama kéxegke, cham'a Espíritu aptaha nak Apmasma kéxegke, peya nak yáphásesek kéxegke Táta eñama ko'o sekwesey.

SAN JUAN 17:18

Eláphásek nahan ko'o xa nepyeseksa énxet'ák apkelyetleykekxa ektémakxa náxop xa énxet'ák nak, ekhawo ektahakxa axta nahan seyáphaso exchep nepyeseksa énxet'ák keso náxop.

SAN JUAN 17:21

Elmaxnakkek ko'o exchep seltamho etnahagkok mekxeymákpoho apyókxoho xa énxet'ák nak; emenyék ko'o etnehek segyepetcheyo xa énxet'ák nak ekhawo ektémakxa nak xép sépetcheyo ko'o, ekhawo ektémakxa nak han sekyepetcheyo ko'o exchep, yakwayam enxoho melya'ásemek énxet'ák apheykha náxop aptaha seyáphaso ko'o exchep.

SAN JUAN 17:23

Ektemegkek ko'o sekyepetcheyo xa énxet'ák nak, keñe exchep aptaha sépetcheyo ko'o, yakwayam enxoho etnahagkok ekmámnaksoho agko' wánxa xama xa énxet'ák nak, keñe sat elya'ásegwók énxet'ák apheykha náxop aptaha seyáphaso ko'o exchep, tén han elya'ásegwók apkelásekhayo exchep ma'a ektaha nak énxet'ák apagkok, ekhawo ektémakxa nak seyásekhayo ko'o exchep.

SAN JUAN 17:25

Xép Táta appéwomo, melya'ásegkok énxet'ák apheykha náxop aptémakxa exchep; ekya'ásegkok eyke ko'o exchep, apkelya'ásegkok nahan aptaha seyáphaso ko'o exchep se'e ektaha nak énxet'ák apagkok.

SAN JUAN 17:8

hakte eltennáseyha axta ko'o m'a amya'a segkésa axta exchep, axta nahan elya'ásekmok. Apkelya'ásegwokmek axta anhan eyámnaksoho señama ko'o m'a aphakxa nak xép, axta nahan elya'ásekmok aptaha seyáphaso exchep xa énxet'ák nak.

SAN JUAN 3:17

Hakte axta yáphásak Apketche Dios keso náxop yakwayam enxoho elsexnenak énxet'ák apheykha nak keso náxop, wánxa agkok, apcháphásek axta yakwayam elwagkasek teyp.

SAN JUAN 3:34

énxet aptaha nak Dios apcháphaso, wánxa aksa exének ma'a amya'a eñama nak Dios, hakte memyágwakxék egkések Dios ma'a Espíritu apagkok.

SAN JUAN 5:44

Kélmenyék agkok cha'a kéxegke kóltehek kéláyo kélmók, ¿háxko katnehek heltehek mehelya'áseyam ko'o, megkólchetama enxoho m'a ektakmela senxeyenma nak Dios aptaha nak wánxa xama?

SAN JUAN 6:57

Yetneyk ekyennakte egnenyek ma'a Táta aptaha axta seyáphaso ko'o, Táta anhan keñamak ekyennaktama egkenyek ko'o; ekhawo nahan ektémakxa énxet ektahakxa enxoho apto ahápetek ko'o, étak sat ekyennakte apnenyek eñama ko'o.

SAN JUAN 7:29

Ko'o eyke ekya'ásegkok, hakte eñamak ko'o m'a, axta anhan seyáphaso m'a.

SAN JUAN 8:19

Entahak axta amya'a apcháneyákpo s'e: —¿Háxko aphakxa apyap xép? Aptahak axta apchátegmowágko Jesús se'e: —Mehelya'ásegkok ko'o kéxegke, megkólya'ásegkok nahan ma'a Táta; kaxtemek axta selya'áseykegkoho kéxegke, kólya'asagkohok axta m'a Táta.

1 CORINTIOS 15:34

Kólya'ásegwakxoho hana, nágkóllánekxa megkólya'asáxma, hakte melya'ásegkok kélnápakha kéxegke Dios. Ektemek ko'o seláneya kéxegke xa yakwayam enxoho kólmegkágwakxak.

1 CORINTIOS 8:4

Peyk kaxwo' axének ko'o ektémakxa m'a nento nak aksok kélmésol'a kéleykmáseso, negya'ásegkok negko'o ektaha mékoho agko' aksok kéleykmáseso keso náxop, negya'ásegkok nahan negko'o apyetna wánxa xama Dios.

2 CORINTIOS 4:6

Dios apagko' axta apkeltémo katyapok aksa elseyexma neyseksa ekyaktesóxma, axta anhan apkeltémo katyapok elseyexma egwáxok negko'o m'a Dios, yakwayam enxoho agya'ásegwomhok ektémakxa nak Dios apcheymákpoho elyenmasama nak nápát ma'a Jesucristo.

FILIPENSES 3:10

Emenyék eyke eykpelchágwomhok ko'o m'a Cristo, tén han eykpelchágwomhok agko' ma'a ektémakxa axta apmopwána apxátekhágweykmo, tén han hewatámho ko'o m'a ektémakxa axta aplegeykegkoho, tén han kaxhok sétsapma m'a ektahakxa axta apketsapma,

FILIPENSES 3:8

Mók sekxeyenma anhan. Maxneyásawok ko'o ekyókxoho aksok sekyetchásawo enxoho m'a ektémakxa nak negyekpelchágwayam Cristo Jesús Wese' ahagkok. Cristo nahan keñamak ekmassa ekyetna ko'o ekyókxoho aksok, máxa apák ektemesásak ko'o ekyókxoho aksok yakwayam enxoho atnehek Cristo énxet apagkok,

1 TESALONICENSES 1:9

Hakte apkelxeyenma apancha'awok axta eyke nentaha axta negko'o meyk'a kéxegke xa énxet'ák nak, exénhok nahan cha'a ektakmela axta sẽlapeykha kéxegke, exénhok nahan cha'a ektémakxa kélyenseykmo kéxegke kélpeykesamo kéleykmáseso, yakwayam kólyetlakxak ma'a Dios memassegwayam aptaha nak apmámnaksoho.

2 TESALONICENSES 1:8

Ewatak sat yakwayam ellegásesagkohok ma'a énxet'ák melyekpelchémo nak Dios, cham'a melyaheykekxoho nak tásek amya'a eñama nak Wese' egegkok Jesús.

HEBREOS 3:1

Elyáxeg, kélteme nak Dios énxet'ák apagkok, kéltaha nak han Dios apkelpagkanma, kéxegke ektaha axta apkelwóneykha Dios yakwayam kóltehek énxet'ák apagkok, kaxén kélwáxok Cristo Jesús, aptaha nak seykha amya'a, aptaha nak han apkemha apmonye appasmo apkelmaxnéseso Dios énxet'ák apagkok, cha'a keñamak nenxeyenma ekyetna negko'o magya'áseyam ma'a.

2 SAN PEDRO 1:2

Kólyánchesho kélma kéxegke m'a segméso naksa nak Dios ektémakxa nak segemleykekxoho, tén han ma'a meyke ektahakxa egwáxok eñama nak kélya'ásegwayam Dios, tén han ma'a kélya'ásegwayam nak Jesús, aptaha nak Wese' egegkok.

2 SAN PEDRO 1:3

Egmések axta negko'o Dios ekxámokxoho aksok eyéméxchexa nak negko'o yakwayam enxoho antehek negyetlo Cristo tén han antehek nempagkanchásamáxche Dios eñama m'a apmopwána nak, cham'a segyekpelchásesakmo axta Dios ma'a Jesucristo, cham'a Jesucristo aptaha axta segwóneykha negko'o eñama m'a ektémakxa nak apcheymákpoho, tén han eñama m'a ektémakxa nak ektakmela aptamheykha.

2 SAN PEDRO 1:8

Kéltemegkek agkok kéxegke xa ektaha nak, tén han ma'a kélyanchásegkoho enxoho kélteme xa, megkatnehek sat eyakhémo m'a kéltémakxa nak kéxegke, megkatnehek sat nahan eyakhémo kélyekpelchágwayam ma'a Wese' egegkok Jesucristo.

1 SAN JUAN 1:2

Enxekmowáseyxkók axta negko'o xa amya'a ekyennaktésamo nak egnenyek, negwetayak axta, neltenneykha axta anhan cha'a negko'o nenxeyenma xa; neltennasegkek axta anhan kéxegke xa ekyennakte egnenyek megkatnegwayam enéxa nak, axta yetnók ma'a aphamakxa nak Dios Egyap, cháxa ekyennakte egnenyek senxekmowásamáxkoho axta negko'o xa.

1 SAN JUAN 1:3

Neltennáseyha negko'o kéxegke neltennasa m'a negwetaya axta negko'o, cham'a nenlegaya axta anhan, yakwayam enxoho hegyepetchekxak negko'o kéxegke, ekhawo ektémakxa nak negko'o negyepetcheyo Dios Egyap tén han ma'a Jesucristo aptaha nak Dios Apketche.

1 SAN JUAN 2:23

Negko'o ektahakxa enxoho manxeyenma apwesey Dios Apketche mantehek negyepetcheyo m'a Dios Egyap; negko'o ektahakxa enxoho nenxeyenma apwesey Dios Apketche, antehek negyepetcheyo m'a Dios Egyap.

1 SAN JUAN 4:6

Negko'o eyke nentaha Dios énxet'ák apagkok. Enxet ektahakxa enxoho apya'áseykegkoho Dios, yeyxhok cha'a negko'o neltenneykha, keñe m'a metnaha nak Dios énxet'ák apagkok megyeyxók cha'a negko'o neltenneykha. Cháxa keñamak negkegwagko nak kaxwo' agyekpelkohok negko'o m'a énxet apyetna nak espíritu apmámnaksoho, tén han agyekpelkohok ma'a énxet apyetna nak espíritu sẽlyexancháseykha nak.

1 SAN JUAN 5:20

Negya'ásegkok nahan negko'o m'a apwaya axta Dios Apketche, tén han segmésama negya'ásegwayam yakwayam agyekpelkohok ma'a Dios aptaha nak apmámnaksoho. Negyepetcheyók negko'o m'a aptaha nak apmámnaksoho, cham'a Jesucristo aptaha nak Dios Apketche. Cháxa Dios aptaha nak apmámnaksoho xa, aptaha nak han eñamakxa ekyennakte egnenyek megkatnegwayam enéxa.