SAN JUAN 17:26 - Lengua Sur (Enxet) Nuevo Testamento

²⁶ Elya'asásegwokmek axta ko'o aptémakxa exchep xa énxet'ák nak, alenxanmohok sat nahan sekteme xa, yakwayam enxoho keytek apwáxók ma'a ektémakxa nak seyásekhayo exchep, yakwayam enxoho ko'o xa atnehek sekyepetcheyo xa énxet'ák nak.”

SAN JUAN 17:26 ပူးပေါင်းရင်းမြစ်များ

SAN JUAN 14:20

Kólya'ásegwók sat kéxegke sektaha ko'o sekyepetcheyo Táta, cham'a ekhem sat, kólya'ásegwók sat nahan kéxegke kéltaha selyepetcheyo ko'o, tén han sektaha ko'o sekyepetcheyo kéxegke.

SAN JUAN 14:23

Aptahak axta apchátegmowágko Jesús se'e: —Enxet ektahakxa enxoho seyásekhayo ko'o, elyahakxohok ma'a ektémakxa nak sekpeywa; yásekhohok sat nahan ma'a Táta, ólchexyok sat nahan negko'o yakwayam antehek negyepetcheyo xa énxet nak, Táta tén han ko'o.

SAN JUAN 15:15

Massék ko'o sekxéna kaxwo' kéxegke kéltaha seláneykha, hakte énxet ektaha nak kélásenneykha mey'asagkek ma'a aksok apkelané nak wese' apagkok. Ekxénchek ko'o kéltaha kéxegke enámokkok, hakte elya'asásegwokmek kéxegke m'a ekyókxoho aptémakxa axta seyenagkama ko'o Táta.

SAN JUAN 15:4

Kóllenxanmoho kélteme selyepetcheyo ko'o ekhawo ektémakxa nak ko'o selenxáneykmoho sekyepetcheyo kéxegke. Yawanchek keyxek anmen yámet aktog megkeypetcha'a enxoho m'a awhak; ekhawo nak han kéxegkáxa, megkólwanchek kóllának xama aksok megkóltaha enxoho selyepetcheyo ko'o.

SAN JUAN 15:9

Elásekhayok ko'o kéxegke ekhawo ektémakxa nak seyásekhayo ko'o Táta; kóllenxanmoho kélteme selyaheykekxoho ko'o yakwayam enxoho alásekhohok ko'o kéxegke.

SAN JUAN 17:23

Ektemegkek ko'o sekyepetcheyo xa énxet'ák nak, keñe exchep aptaha sépetcheyo ko'o, yakwayam enxoho etnahagkok ekmámnaksoho agko' wánxa xama xa énxet'ák nak, keñe sat elya'ásegwók énxet'ák apheykha náxop aptaha seyáphaso ko'o exchep, tén han elya'ásegwók apkelásekhayo exchep ma'a ektaha nak énxet'ák apagkok, ekhawo ektémakxa nak seyásekhayo ko'o exchep.

SAN JUAN 17:6

“Elya'asásegwokmek ko'o aptémakxa exchep ma'a énxet'ák apkelyéseyncha'a axta exchep keso náxop, cham'a segkésa axta. Xép axta énxet'ák apagkok xa énxet'ák nak, egkések axta eyke ko'o exchep, apkelyahákxók axta nahan xép appeywa.

SAN JUAN 17:8

hakte eltennáseyha axta ko'o m'a amya'a segkésa axta exchep, axta nahan elya'ásekmok. Apkelya'ásegwokmek axta anhan eyámnaksoho señama ko'o m'a aphakxa nak xép, axta nahan elya'ásekmok aptaha seyáphaso exchep xa énxet'ák nak.

SAN JUAN 6:56

Enxet ektahakxa enxoho apto ahápetek ko'o, tén han ektahakxa enxoho apya éma ahagkok ko'o, hépetkohok sat cha'a ko'o, eypetkohok sat nahan cha'a ko'o xa.

SAN JUAN 8:50

Momenyék ko'o katakmelmakha sexeyenma énxet, yetneyk eyke m'a apmopmenyého nak katakmelek ko'o sexeyenma énxet, cham'a aptémol'a cha'a apyekpelchémo énxet.

ROMANOS 8:10

Apheyk agkok kélwáxok kéxegke Cristo, katsapok eykhe kélyókxa eñama m'a mólya'asáxma, megkatsepek eyke m'a kélhagák, hakte aptemésesek axta kéxegke kélpéwomo Dios.

1 CORINTIOS 1:30

Dios axta apyepetcháseykekxa kéxegke Cristo Jesús, aptemésesek axta anhan Cristo yakwayam etnehek segya'asásegwayam, tén han aptemésesama yakwayam etnehek sẽlteméseso nelpéwomo negko'o, keñe nahan antehek nempagkanchásamáxche Dios, tén han sẽlchexakkasama m'a nelsexnánémaxche axta eñama m'a segyanmaga axta.

1 CORINTIOS 12:12

Xámok eykhe ektémakxa ekhéyak nak negyókxa, wánxa eyke xama negyókxa, hawók nahan ma'a Cristo.

GÁLATAS 2:20

háwe ko'o kaxwo' sekha ahagko', Cristo eyke aphak ewáxok ko'o. Keso sektémakxa nak ko'o neyseksa sekha makham, ektemegkek cha'a ko'o m'a ektémakxa nak may'áseyam Dios Apketche, aptaha axta seyásekhayo, apchahayók axta anhan apmatñama ko'o eñamakxa.

EFESIOS 1:6

Ekeso eñamakxa neltemésesa nak cha'a negko'o apcheymákpoho Dios, eñama m'a segméso naksa axta ektémakxa nak segemleykekxoho, cháxa keñamak nahan sempasmo nak negko'o Dios xa, eñama m'a Apketche aptaha nak apchásekhayo.

EFESIOS 3:17

Elmaxnakkek nahan ko'o Dios seltamho exek kélwáxok kéxegke Cristo eñama xa megkólya'áseyam nak. Keñe sat keytek kéxegke kélwaskapma tén han kóllenxanmohok kélyennaktésamo kélteme kélásekhamaxkoho.

EFESIOS 5:30

hakte cháxa ektaha Cristo apyókxa xa, negko'o anhan nenteme neleñama xa Cristo apyókxa nak.

EFESIOS 5:32

Cháxa ektaha nak ekpowásamáxkoho agko' xa, ekxénchek ko'o m'a Cristo tén han ma'a Dios énxet'ák apagkok nak.

COLOSENSES 1:27

Apmenyék axta Dios elyekpelchásesók ma'a ektaha nak énxet'ák apagkok, cham'a ekwánxa nak ekxámokma aksok eltakmela apagkok, cham'a ektemésesama axta cha'a ekpowásamáxkoho énxet'ák metnaha nak judíos. Apheyk kélwáxok kéxegke Cristo, cháxa megkólya'áseykegko axta kéxegke xa, aptaha nak han eñamakxa nelhaxneykha m'a negeymáxkoho peya nak anxawak.

COLOSENSES 2:10

Sawhomáxkók kéxegke kélxawáya m'a aksok eleñama nak Dios eñama kélyepetcheyo m'a Cristo, aptaha nak apkemha apmonye neyseksa ekyókxoho aksok ekha nak elmowancha'a, tén han ma'a ekha nak kélyaheykekxoho.

COLOSENSES 3:11

Massegkek kaxwo' nenteme negyeykhamaxche egmók, megkeyxek nenteme enxoho griego esenhan nenteme enxoho judíos, megkeyxek nahan ma'a ekha enxoho sẽlkahaso kélyenyekhamol'a egyempehek, esenhan ma'a méko enxoho sẽlkahaso, megkeyxek nahan nenteme enxoho neñama mók nekha, megkeyxek nahan nenteme enxoho magya'áseyak aksok, megkeyxek nahan ma'a nenteme nak negmomaxche esenhan ma'a magmomaxche nak; Cristo eyke apwánxa apagko' meyke ekhémo, apheyk nahan kélwáxok Cristo kélyókxoho nak.

2 TESALONICENSES 2:16

Nelmaxnakkek negko'o Wese' egegkok Jesucristo, tén han Dios Egyap, neltamho etnésesek kéxegke ekmayheykegkoho kélwáxok, tén han etnésesek kéxegke ekha kélwaskapma, yakwayam enxoho katnehek ektakmalma m'a ekyókxoho kéltahakxa enxoho kélpeywa, tén han ma'a kéllanakxa enxoho, cham'a Dios aptaha nak segásekhayo eñama m'a ektémakxa nak ektakmeleykha apwáxok, tén han segmésama negko'o ektakmelwayam egwáxok megkatnegwayam enéxa, tén han segmésama negko'o ektakmela nak nelhaxneykha.

HEBREOS 2:12

ekhawo ektémakxa nak appeywa ekyetnama nak eknaktáxésamaxche s'e: “Altennasha sat ko'o elyáxeg xép apwesey, anneykmaksek sat nahan ko'o xép apwesey neyseksa kélakneykekxexa.”

1 SAN JUAN 3:24

Negko'o ektahakxa enxoho nelyaheykekxoho apkeltémókxa nak antehek Dios, negyepetcheyo antehek ma'a Dios, hegyepetkohok nahan negko'o xa Dios. Espíritu nahan keñamak negya'ásegkoho negko'o aptaha segyepetcheyo Dios, cham'a Espíritu aptaha axta segméso Dios.