SAN JUAN 17:24 - Lengua Sur (Enxet) Nuevo Testamento

²⁴ “Táta, egkések axta ko'o exchep xa énxet'ák nak, emenyék nahan ko'o hexhok xamo' xa énxet'ák nak, cham'a yakwánxa nak axnók ko'o, yakwayam enxoho elwetak ektémakxa nak ko'o seyeymáxkoho, cham'a seyeymáxkoho segkésa axta exchep; hakte eyásekhayók axta exchep amonye elánamáxche axta keso náxop.

SAN JUAN 17:24 ပူးပေါင်းရင်းမြစ်များ

SAN MATEO 25:21

Aptahak axta apcháneya wese' apagkok se'e: ‘Takmelakxoho, xép aptaha seláneykha ektakmela aptémakxa apteme nahan meyenseyam aptamheykha; axámaseshok sat kaxwo' selméso exchep selyakye yakwayam heltakmelchesesek, hakte aptakmelchesek axta m'a selyakye étkok sekmésa axta exchep. Etex kañe', kalpayhekxak sat egwáxok.’

SAN MATEO 25:23

Aptahak axta apcháneya wese' apagkok se'e: ‘Takmelakxoho, xép aptaha seláneykha ektakmela aptémakxa, apteme nahan meyenseyam aptamheykha; axámaseshok sat kaxwo' selméso exchep selyakye yakwayam heltakmelchesesek, hakte aptakmelchesek axta m'a selyakye étkok sekmésa axta exchep. Etex kañe', kalpayhekxak sat egwáxok.’

SAN MATEO 25:34

Sat etnehek yának Wese' énxet'ák apheykha ekpayhókxa apkelya'asamakxa s'e: ‘Kólchexyem kéxegke kéltaha nak ektakmela apkelxeyenma Táta; Kólma m'a aptémakxa nak Wese' apwányam Dios, kéllánesamakxa axta kéxegke amonye apkelané Dios keso náxop.

SAN MATEO 26:29

Eltennásek eyke ko'o kéxegke peya meynekxók cha'a ko'o vino elánamáxche nak anmen yámet ekyexna, ekwokmoho sekyenawo xamo' kéxegke vino axnagkok ekyetna nak ma'a aptémakxa nak Wese' apwányam Dios.

SAN LUCAS 12:37

Apkeleñémo apagko' wese' apkeláneykha apwakto enxoho m'a wese' apagkok, cham'a apwetágwakto enxoho menaktena. Yának sat nahan exmakha wese' apagkok ma'a nekha mésa, keñe sat elagkok aptéyak. Nakso' xa sektahakxa nak seláneya kéxegke.

SAN LUCAS 23:43

Aptahak axta apchátegmowágko Jesús se'e: —Sakhem sat hexhok xamo' xép ma'a yókxexma apkelmaheykegkaxa nak Dios énxet'ák apagkok apkeletsapma. Nakso' xa sektahakxa nak seyáneya exchep.

SAN JUAN 1:14

Enxet apagko' axta aptamheykekxak ma'a ektaha nak Appeywa, aphegkek axta nahan negyeseksa, negwet'ak axta anhan negko'o ektémakxa apcheymákpoho. Cháxa apcheymákpoho apmésa axta Apyap eñama apteme wánxa xama Apketche xa. Láneyok axta apwáxok segásekhayo tén han ma'a ekmámnaksoho nak.

SAN JUAN 12:26

Enxet ektahakxa enxoho apmáheyo etnehek seláneykha ko'o, hetlawha sat; exnók sat nahan ma'a sekhámxa enxoho. Táta sat egkések yakwayam kóltehek kéláyo m'a énxet apteme nak seláneykha ko'o.

SAN JUAN 14:3

Atakhekxak sat ko'o, sat awatak makham ma'a sekpenchesa enxoho seláneso yakwánxa kólhakha kéxegke m'a néten, yakwayam enxoho anaklósawatak kéxegke, yakwayam enxoho nahan kólhakha m'a yakwánxa nak axek ko'o.

SAN JUAN 15:9

Elásekhayok ko'o kéxegke ekhawo ektémakxa nak seyásekhayo ko'o Táta; kóllenxanmoho kélteme selyaheykekxoho ko'o yakwayam enxoho alásekhohok ko'o kéxegke.

SAN JUAN 17:2

Hakte apmések axta exchep Apketche yakwayam etnehek meyke ekhémo nepyeseksa énxet'ák keso náxop, yakwayam enxoho elmésagkok elyennakte apnenya'ák ma'a apyókxoho énxet ektaha axta apméso exchep Apketche yakwayam eltakmelchesek.

SAN JUAN 17:22

Ekmések axta ko'o yakwayam etnahagkok apkeltakmalma xa énxet'ák nak, ekhawo setnésesakxa axta exchep setnésesa sektakmalma, yakwayam enxoho etnahagkok mekxeymákpoho xa énxet'ák nak, ekhawo nentémakxa nak negko'o, xép tén han ko'o, nenteme wánxa xama:

SAN JUAN 17:5

Táta hegkes ko'o makham seyeymáxkoho ekyetnama axta ko'o xamo' xép amonye elánamáxche keso náxop, eñama m'a aphamakxa nak xép.

SAN JUAN 6:37

Apyókxoho énxet ektaha nak segkéso ko'o Táta hey'ótak cha'a ko'o, matakheksók sat nahan ko'o m'a énxet ektahakxa enxoho sey'eykekta'.

SAN JUAN 6:39

Mopmenyék ko'o axñánegkesek xama énxet ektaha axta segkéso m'a aptaha axta seyáphaso, wánxa aksa apkepmenyého axátekhásók ma'a ekwokmo sat néxa ekhem.

SAN JUAN 8:58

Aptahak axta apchátegmowágko Jesús se'e: —Ekhegkek axta ko'o meykexa Abraham. Nakso' xa sektahakxa nak seláneya kéxegke.

1 CORINTIOS 13:12

Kaxwo' eyke yáma negyekpelchágkek negko'o ektémol'a nelanyantáxama ápak, cham'a ekmasextohol'a negyekpelche; Xama ekhem sat eyke katnehek negweté egagko' xa. Háwe ko'o ekyókxoho sekya'ásegwayam se'e kaxwo' nak, xama ekhem sat eyke ay'ásegwomhok ma'a Dios, ekhawo ektémakxa nak sey'áseykegkoho ko'o Dios.

2 CORINTIOS 3:18

Negko'o ektaha nak meyke apáwa apchapma negát, neghawók ma'a ektémakxal'a nelanyantáxama, negmoma m'a ektémakxa nak apcheymákpoho Wese' egegkok, peyk nahan hẽlhésekxohok ma'a aptémakxa nak Cristo, hakte yáwegkek cha'a negko'o ekyetno m'a ektémakxa nak apcheymákpoho Wese' egegkok, Wese' egegkok nahan apkelané xa, aptaha nak han Espíritu.

2 CORINTIOS 4:6

Dios apagko' axta apkeltémo katyapok aksa elseyexma neyseksa ekyaktesóxma, axta anhan apkeltémo katyapok elseyexma egwáxok negko'o m'a Dios, yakwayam enxoho agya'ásegwomhok ektémakxa nak Dios apcheymákpoho elyenmasama nak nápát ma'a Jesucristo.

2 CORINTIOS 5:8

wánxa agkok, akke agya'ásekmok negko'o, egmenyék nahan negko'o agyenyók se'e negyókxa nak, yakwayam enxoho aghamok xamo' Wese' egegkok.

FILIPENSES 1:23

Eyapagkánexchek ko'o alyésha xa ánet nak. Mók ekxeyenma ewáxok nahan, emenyék watsapok yakwayam axhok xamo' Cristo, hakte xénchek ko'o ewáxok ektakmela agko' hetnehek ko'o xa ektaha nak.

1 TESALONICENSES 4:17

Keñe sat negko'o nelyenna nak hẽnnaklakxohok xamo' neyseksa yaphopé xa énxet'ák nak, yakwayam enxoho antahanyohok Wese' egegkok ma'a néten, keñe sat anxek xamo' Wese' egegkok megkatnegwayam enéxa.

1 SAN PEDRO 1:21

Cristo nahan keñamak kéltaha megkólya'áseyam kéxegke Dios, cham'a Dios aptaha axta apxátekháseyam Cristo, aptaha axta anhan apméso apcheymákpoho; cháxa keñamak kéltéma nak kéxegke megkólya'áseyam Dios xa, tén han ma'a ektémakxa nak elhaxneykha kélwáxok.

1 SAN JUAN 3:2

Elyáxeg selásekhayo, nentemegkek negko'o Dios apketchek. Eykhe agya'ásegkok makham negko'o yakwánxa hentéhek ma'a natámen sat, negya'ásegkok eyke peya anxohok Jesucristo m'a apwakto sat makham, hakte agwetak sat aptémakxa.

APOCALIPSIS 21:22

Axta ko'o ót'ak tegma apagkanamap xa tegma apwányam nak, hakte Wese' egegkok Dios ekha apyennakte apteme apyakmagkaso tegma appagkanamap, tén han ma'a Nekkések Apketkok.

APOCALIPSIS 3:21

Enxet'ák ektahakxa enxoho apkelmalanma, agkések sat ko'o yakwayam exek nekha sektáhano sekhamakxa nak, ekhawo ektémakxa axta ko'o xa sekmalanmá, ekhákxek axta m'a nekha aphamakxa nak Táta.