SAN JUAN 17:2 - Lengua Sur (Enxet) Nuevo Testamento

² Hakte apmések axta exchep Apketche yakwayam etnehek meyke ekhémo nepyeseksa énxet'ák keso náxop, yakwayam enxoho elmésagkok elyennakte apnenya'ák ma'a apyókxoho énxet ektaha axta apméso exchep Apketche yakwayam eltakmelchesek.

SAN JUAN 17:2 ပူးပေါင်းရင်းမြစ်များ

SAN MATEO 11:27

“Egkések axta ko'o Táta ekyókxoho aksok. Méko keykpelkohok Dios Apketche, wánxa m'a Apyap; méko nahan keykpelkohok ma'a Apyap, wánxa ékpelkohok ma'a Apketche, tén han elyekpelkohok ma'a énxet'ák apkepmenyexa enxoho Apketche ékpelchásesamhok aptémakxa Apyap.

SAN MATEO 25:46

Cháxa peya nak elmahagkok megkatnegweykenxa nak néxa sẽllegasáseykegkoho xa, keñe m'a énxet apkelpéwomo nak peya elmahagkok ma'a megkatnegweykenxa nak néxa ekyennakte egnenyek.”

SAN MATEO 28:18

Apyepetchegwákxók axta Jesús xa énxet'ák nak. Aptahak axta apkeláneya s'e: —Egkések ko'o Dios yakwayam hetnehek selyaheykekxoho ekyókxoho aksok ma'a néten tén han keso náxop.

SAN JUAN 17:24

“Táta, egkések axta ko'o exchep xa énxet'ák nak, emenyék nahan ko'o hexhok xamo' xa énxet'ák nak, cham'a yakwánxa nak axnók ko'o, yakwayam enxoho elwetak ektémakxa nak ko'o seyeymáxkoho, cham'a seyeymáxkoho segkésa axta exchep; hakte eyásekhayók axta exchep amonye elánamáxche axta keso náxop.

SAN JUAN 17:6

“Elya'asásegwokmek ko'o aptémakxa exchep ma'a énxet'ák apkelyéseyncha'a axta exchep keso náxop, cham'a segkésa axta. Xép axta énxet'ák apagkok xa énxet'ák nak, egkések axta eyke ko'o exchep, apkelyahákxók axta nahan xép appeywa.

SAN JUAN 17:9

“Elmaxnakkek ko'o exchep seltamho epasmok xa énxet'ák nak, malmaxnesásak ko'o seltamho epasmok ma'a énxet'ák apkelyetleykekxa nak ektémakxa keso náxop, akke elmaxnesásak ko'o m'a énxet'ák segkéso axta exchep, hakte xép énxet'ák apagkok xa énxet'ák nak.

SAN JUAN 3:35

Apchásekhayók Apketche Dios, apmések axta nahan apmopwána yakwayam elának ekyókxoho aksok.

SAN JUAN 4:14

énxet ektahakxa enxoho apya yegmen peya nak agkések ko'o, megkakhekxék sat cha'a ekhem. Hakte katyapok sat aksa apwáxok énxet yegmen peya nak agkések ko'o, ektémol'a m'a ekteyapmakxal'a yegmen, kagkések sat nahan ekyennakte egnenyek megkatnegwayam enéxa.

SAN JUAN 6:27

Nágkóltemeykha aksa yakwayam kóltegyek ma'a nento eksawhomáxkohol'a, akke tásek kóltemeykha yakwayam kóltegyek ma'a nento ekyennaktésamo nak egnenyek ektaha nak han megkamassegwayam. Cháxa nento peya nak egkések kéxegke ektaha nak Apketche énxet xa, hakte apkelkahásek axta Dios Egyap xa.

SAN JUAN 6:37

Apyókxoho énxet ektaha nak segkéso ko'o Táta hey'ótak cha'a ko'o, matakheksók sat nahan ko'o m'a énxet ektahakxa enxoho sey'eykekta'.

SAN JUAN 6:39

Mopmenyék ko'o axñánegkesek xama énxet ektaha axta segkéso m'a aptaha axta seyáphaso, wánxa aksa apkepmenyého axátekhásók ma'a ekwokmo sat néxa ekhem.

ROMANOS 6:23

Nétsapma ekteme ekyanmaga m'a mólya'asáxma nak, wánxa agkok, ekyennakte egnenya'ák megkatnegwayam enéxa eñama negyepetcheyo Cristo Jesús Wese' egegkok akke m'a aksok segméso naksa nak Dios.

1 CORINTIOS 15:25

Hakte Cristo sat etnehek Wese' apwányam ekweykmoho kélnegkenchesa kóneg apmagkok ekyókxoho apkelenmexma;

EFESIOS 1:20

cham'a apxátekhásekmo axta Cristo, tén han aphésákxo m'a néten ekpayhókxa nak apkelya'asamakxa,

FILIPENSES 2:10

Yakwayam enxoho eltekxeyagkok aptapnák apyókxoho ektaha nak apheykha néten, tén han keso náxop, tén han ma'a elmaheykegkaxa nak eghagák Jesús apwesey eñamakxa ekteme ektakmela agko',

1 TIMOTEO 1:16

Ekeso eñamakxa meyakmagkáseykekxo nak Dios sektémakxa ko'o: yakwayam enxoho kañék ko'o ekwetamaxche m'a ekyókxoho ektémakxa nak mepekhésamap Jesucristo. Cháxa setnamakxa axta ko'o xa yakwayam enxoho elwetak ma'a énxet'ák peya nak han etnehek melya'áseyam Cristo, yakwayam enxoho étak ekyennakte apnenya'ák megkatnegwayam enéxa.

HEBREOS 1:2

Kaxwo' eyke keso negwánxa nak, eyágketwokmo nak ektemegwánxa néxa ekhem, ẽlpakhetchesek negko'o Dios eñama m'a Apketche nak appeywa, hakte Cristo axta keñamak apkeláneya Dios ekxámokxoho aksok, cham'a Cristo, appagkanchesa nak Dios yakwayam elmeyásekxak ekyókxoho aksok.

1 SAN PEDRO 3:22

cham'a Jesucristo apmeyeykekxo axta néten, aphákxeyk nahan ma'a ekpayhókxa nak apkelya'asamakxa Dios. Temék kaxwo' elyaheykekxoho Dios apkelásenneykha m'a Cristo, tén han ma'a aksok magweté nak ekyókxa ekheykencha'a nak tekhenxet, cham'a ekha nak kélyaheykekxoho, cham'a ekha nak han elmowancha'a.

1 SAN JUAN 1:2

Enxekmowáseyxkók axta negko'o xa amya'a ekyennaktésamo nak egnenyek, negwetayak axta, neltenneykha axta anhan cha'a negko'o nenxeyenma xa; neltennasegkek axta anhan kéxegke xa ekyennakte egnenyek megkatnegwayam enéxa nak, axta yetnók ma'a aphamakxa nak Dios Egyap, cháxa ekyennakte egnenyek senxekmowásamáxkoho axta negko'o xa.

1 SAN JUAN 2:25

Keso sẽltennasama axta Jesucristo hegmések se'e: ekyennakte egnenyek megkatnegwayam enéxa.

1 SAN JUAN 5:20

Negya'ásegkok nahan negko'o m'a apwaya axta Dios Apketche, tén han segmésama negya'ásegwayam yakwayam agyekpelkohok ma'a Dios aptaha nak apmámnaksoho. Negyepetcheyók negko'o m'a aptaha nak apmámnaksoho, cham'a Jesucristo aptaha nak Dios Apketche. Cháxa Dios aptaha nak apmámnaksoho xa, aptaha nak han eñamakxa ekyennakte egnenyek megkatnegwayam enéxa.

SAN JUDAS 1:21

Kóltakmelches ma'a segásekhayo eñama nak Dios, kólleyx nahan ma'a ekhem yakwánxa nak hegmések ekyennakte egnenyek megkatnegwayam enéxa Wese' egegkok Jesucristo, eñama m'a ektémakxa nak ektakmeleykha apwáxok henlano'.