SAN JUAN 17:11 - Lengua Sur (Enxet) Nuevo Testamento

¹¹ “Kaxwo' sat eyke kamassegwók ko'o sekha keso náxop, elenxanmohok sat eyke apheykha xa énxet'ák nak, keñe sat ko'o amyekxak ma'a aphakxa nak xép. Táta aptakmalma, eltakmelches xép xa énxet'ák nak, eñama nak ma'a ektémakxa nak ekmowána exchep apwesey, cham'a apwesey segkésa axta, yakwayam enxoho etnehek mekxeymákpoho xa énxet'ák nak, ekhawo ektémakxa nak negyepetcheyo egmók negko'o.

SAN JUAN 17:11 ပူးပေါင်းရင်းမြစ်များ

SAN MATEO 10:16

“¡Kóllano, máxa ektemesásak kéxegke nekkések seláphasa neyseksa m'a aksok nawha'ák ello nak, kólteme ekha kélya'áseykegkoho ektémol'a yéwa, kólteme anhan megkólyementé aptémol'a wáx'ay.

SAN MATEO 5:48

Kólteme kéxegke kélpéwomo, ekhawo aptémakxa nak Kélyap Dios apha nak néten apteme appéwomo.

SAN MATEO 6:9

Kéméxchek kóltehek kéltaha enxoho nempeywa nelmaxnagko s'e: ‘Egyap negko'o apha néten, kólpagkanchesek sat apwesey exchep.

SAN JUAN 13:1

Apya'ásegkok axta Jesús ekwokmo ekhem yakwánxa kamaskok apha keso náxop, yakwayam enxoho exnakxak makham xamo' Apyap, amonye ekwayam ekhem melwagkayam axta énxet'ák judíos, cham'a apkeltéma axta Pascua. Apkelásekhayók axta cha'a Jesús ma'a énxet'ák ektaha axta apkelxegexma'a keso náxop, cháxa ektémakxa axta apkelásekhayo ekwokmoho néxa apha xa.

SAN JUAN 14:20

Kólya'ásegwók sat kéxegke sektaha ko'o sekyepetcheyo Táta, cham'a ekhem sat, kólya'ásegwók sat nahan kéxegke kéltaha selyepetcheyo ko'o, tén han sektaha ko'o sekyepetcheyo kéxegke.

SAN JUAN 16:28

Axta eñamak ko'o m'a aphakxa nak Táta, yakwayam awak keso náxop, kaxwo' eyke peyk kamaskok makham sekha keso náxop, yakwayam amyekxak ma'a aphakxa nak Táta.

SAN JUAN 16:33

Eltennásek kéxegke ekyókxoho xa, yakwayam enxoho kólwetak meyke ektahakxa kélwáxok neyseksók selyepetcheyo ko'o. Kóllegagkohok sat kéxegke keso náxop; wánxa agkok, kólteme kélwaskápeykekxoho, ekmalanchek ko'o ektémakxa nak keso náxop.

SAN JUAN 17:23

Ektemegkek ko'o sekyepetcheyo xa énxet'ák nak, keñe exchep aptaha sépetcheyo ko'o, yakwayam enxoho etnahagkok ekmámnaksoho agko' wánxa xama xa énxet'ák nak, keñe sat elya'ásegwók énxet'ák apheykha náxop aptaha seyáphaso ko'o exchep, tén han elya'ásegwók apkelásekhayo exchep ma'a ektaha nak énxet'ák apagkok, ekhawo ektémakxa nak seyásekhayo ko'o exchep.

SAN JUAN 17:25

Xép Táta appéwomo, melya'ásegkok énxet'ák apheykha náxop aptémakxa exchep; ekya'ásegkok eyke ko'o exchep, apkelya'ásegkok nahan aptaha seyáphaso ko'o exchep se'e ektaha nak énxet'ák apagkok.

SAN JUAN 17:6

“Elya'asásegwokmek ko'o aptémakxa exchep ma'a énxet'ák apkelyéseyncha'a axta exchep keso náxop, cham'a segkésa axta. Xép axta énxet'ák apagkok xa énxet'ák nak, egkések axta eyke ko'o exchep, apkelyahákxók axta nahan xép appeywa.

SAN JUAN 7:33

Keñe axta aptaha Jesús apkeláneya énxet'ák se'e: —Yakwatakxoho sat axek ko'o kélnepyseksa kéxegke, keñe sat amyekxak makham ma'a aphakxa nak ektaha axta seyáphaso.

LOS HECHOS 3:21

Kéméxchek eykhe exek aksa kaxwo' Jesucristo m'a néten ekwokmoho aptemesáseykxo ekhéyak Dios aksok ma'a ektémakxa axta ekhéyak, ekhawo m'a ektémakxa axta apxeyenma eñama apkelxeyenma m'a Dios appeywa apkellegaso apkelpagkanamap apheykencha'a axta nano'.

ROMANOS 12:5

ekhawo nahan negko'o xa, nenxámok eykhe, xama eyke nentamhákxak nempasmeykekxa Cristo, negyepetchawók nahan egmók nentamhákxo wánxa xama.

ROMANOS 9:17

Hakte yetneyk eknaktáxésamaxche aptéma axta apkenagkama Dios wese' apwányam Egipto s'e: “Ektemésesek axta ko'o exchep wese' apwányam yakwayam enxoho kañék xép ekwetamaxche ektémakxa sekmowána ko'o, yakwayam enxoho kóllegaksek sekwesey ekyókxoho yókxexma.”

1 CORINTIOS 1:10

Elyáxeg, yetlo sekxeyenma Jesucristo Wese' egegkok apwesey ko'o, eltamhok kaxhok mók kélpakmeyesma kélyókxoho kéxegke, yakwayam enxoho megkólexpanchesaxche. Kólteme megkólchexémáxkoho, yetlo kélhésamo mók elchetamso kélwáxok ma'a yakwánxa enxoho kóllána'.

GÁLATAS 3:28

Méko kaxwo' negyeykhamaxche egmók, megkeyxek nenteme enxoho judío esenhan griego, megkeyxek nahan nenteme enxoho negmomaxche esenhan ma'a magmomaxche nak, énxet esenhan ma'a kelán'a, hakte kélyókxoho kéxegke kélteme wánxa xama kélteme nak kélyepetcheyo Cristo Jesús.

EFESIOS 4:4

Negko'o nenteme wánxa xama Cristo apyókxa, wánxa nahan xama Espíritu, ekhawo m'a ektahakxa axta anhan kéxegkáxa apkelwónencha'a Dios yakwayam kóltehek wánxa xama kélhaxneykha.

FILIPENSES 2:9

Ekeso eñamakxa apmésa nak Dios yakwayam etnehek néten agko' meyke ekhémo, aptemésesek axta nahan ektakmela agko' apwesey neyseksa m'a ekxámokxoho kélwesey nak.

HEBREOS 1:3

Cristo keñamak ekwetamaxko m'a ektémakxa nak apcheymákpoho Dios, hakte aphawók apagko' Cristo m'a Dios, aptaha nak han appasmo ekyókxoho aksok yetlo m'a appeywa ekha nak ekmowána. Aphákxek axta néten ekpayhókxa nak nelya'asamakxa nekha Dios aptaháno, cham'a, natámen axta segmaséseso nentémakxa mólya'asáxma.

HEBREOS 9:24

Hakte axta etaxnegwákxak Cristo m'a tegma appagkanamap énxetla'a apkelané, cham'a kélheyáseykegkoho nak ma'a tegma appagkanamap apmámnaksoho nak, axta eyke aptaxnegwákxak ma'a néten ekpagkanamaxchexa nak, cham'a aphákxexa nak kaxwo' nápakto' Dios yakwayam hẽlmaxnésesek negko'o yának hempasmok Dios.

SANTIAGO 4:4

Kéxegke kéltaha nak kélyenseyam kélyetlo Dios, ¿yagkólya'ásegkok kéxegke ektaha enmexma Dios ma'a negásekhayo nak aksok keso náxop? Negko'o ektahakxa enxoho negmáheyo agásekhohok ektémakxa nak keso náxop, nenmexma antemekxak ma'a Dios.

1 SAN PEDRO 1:5

Apkeltakmelchesegkek kéxegke Dios yetlo m'a ektémakxa nak apmopwána, eñama m'a ektémakxa nak megkólya'áseyam, yakwayam enxoho kólxawak kéxegke kélwagkásamáxche teyp, cham'a aptakmelchesesama nak kéxegke Dios, cháxa peya nak hegya'asásegwók ektemegwánxa néxa ekhem xa.

1 SAN JUAN 3:12

Mantehek sat negko'o aptémakxa axta Caín, aptaha axta kelyekhama' énxet agkok, apchakhak axta apyáxeg. ¿Yaksak axta ektéma apchakhama apyáxeg Caín? Axta keñamak ma'a eyesagko axta aksok apkelané Caín, keñe axta apyáxeg apkelana aksok ektakmela.

1 SAN JUAN 5:19

Negya'ásegkok negko'o nentaha Dios énxet'ák apagkok, negya'ásegkok nahan eláneykencha'a kelyekhama' ekyókxoho keso náxop.

SAN JUDAS 1:1

Ko'o Judas, sektaha nak Jesucristo apkeláneykha, sektaha nak han Santiago apyáxeg, ektáxésesek ko'o weykcha'áhak ma'a énxet'ák apkelásekhayókxa nak Dios Egyap, cham'a ektaha axta anhan apkelwóneykha, cham'a apkeltakmelchesama nak han Jesucristo.

SAN JUDAS 1:24

Yetneyk apmopwána Dios yakwayam eltakmelchesek kéxegke, yakwayam enxoho megkólpalegme', yakwayam enxoho anhan enaklakxak meyke ekyepetche xama aksok, yetlo ekyawe ekpayheykekxa kélwáxok ma'a aphamakxa nak yetlo apcheymákpoho, cham'a Dios aptaha nak wánxa xama apagko', aptaha nak han segwagkasamo teyp. Apcheymákpoho sat cha'a kóltemésesek Dios, tén han kóltemésesek meyke ekhémo, ekha apmopwána, tén han ekha kélyaheykekxoho, eñama m'a Jesucristo Wese' egegkok, eyeynamókxa m'a nano' axta, ekwokmoho s'e kaxwo' nak, megkamassegwomek nahan cha'a. Katnahagkok sat.

APOCALIPSIS 15:4

¿Wese', yaksak sat megkakyek xép? ¿Yaksak sat megkaltemésesek apcheymákpoho? Xép apwánxa apagkok aptakmalma apagko'; apyókxoho pók aptémakxa énxet'ák sat elxegma, elpeykeshok sat nahan xép. Hakte wetáxchek axta exchep ma'a ektémakxa nak aptamheykha ekpéwomo.”

APOCALIPSIS 19:12

Máxa axta táxa elálewe m'a apakta'ák, xámok axta nahan apkelatcheso apkátek eltakmela ekhágko m'a apkátek, yetnegkek axta nahan kéltáxeso xama kélwesey meyke ekya'áseyak, wánxa axta aksa apya'áseykegkoho apagko' ma'a ektaha axta apchánte yatnáxeg.

APOCALIPSIS 4:8

Seis axta cha'a apxempenák xama xa hawók nápakha aphó énxet nak, xámok axta kélakta'ák ekheyegko apyempe'ék, tén han ma'a kañe' apwáxok. Yókxoho ekhem, yókxoho axta'a axta meyenseyam aptéma cha'a apkelpeywa s'e: “¡Aptakmalma, aptakmalma, aptakmalma Wese' egegkok Dios ekha apyennakte, cham'a aphama axta nano', keso apha nak makham kaxwo' nak, cham'a peya nak han ewata'!”