SAN JUAN 16:3 - Lengua Sur (Enxet) Nuevo Testamento

³ Elanagkok sat énxet'ák xa, hakte mehẽlya'ásegkok negko'o, melya'ásegkok nahan ma'a Táta, mehey'ásegkok nahan ko'o xa.

SAN JUAN 16:3 ပူးပေါင်းရင်းမြစ်များ

SAN LUCAS 10:22

“Egkések axta ko'o Táta ekyókxoho aksok. Méko kay'asagkohok aptémakxa m'a Dios Apketche, Apyap aksa ey'asagkohok; méko nahan kay'asagkohok aptémakxa m'a Dios, Apketche aksa ey'asagkohok, tén han ma'a énxet'ák apkepmenyéxa enxoho elya'asásegwomhok Dios Apketche aptémakxa Apyap.”

SAN JUAN 15:21

Etnésesek sat kéxegke énxet'ák ekyókxoho xa, ko'o eñamakxa, hakte melya'ásegkok énxet'ák ma'a aptaha axta seyáphaso ko'o.

SAN JUAN 15:23

hakte énxet ektahakxa enxoho setaknagko ko'o, etaknók nahan ma'a Táta.

SAN JUAN 17:25

Xép Táta appéwomo, melya'ásegkok énxet'ák apheykha náxop aptémakxa exchep; ekya'ásegkok eyke ko'o exchep, apkelya'ásegkok nahan aptaha seyáphaso ko'o exchep se'e ektaha nak énxet'ák apagkok.

SAN JUAN 17:3

Enxet'ák ektahakxa enxoho apya'áseykegkoho exchep aptaha wánxa xama Dios, tén han apya'ásegkoho enxoho m'a Jesucristo aptaha axta apcháphaso exchep, keytek sat ekyennakte apnenya'ák megkatnegwayam enéxa.

SAN JUAN 8:19

Entahak axta amya'a apcháneyákpo s'e: —¿Háxko aphakxa apyap xép? Aptahak axta apchátegmowágko Jesús se'e: —Mehelya'ásegkok ko'o kéxegke, megkólya'ásegkok nahan ma'a Táta; kaxtemek axta selya'áseykegkoho kéxegke, kólya'asagkohok axta m'a Táta.

SAN JUAN 8:55

Akke kólya'ásegkok kéxegke m'a Dios, ko'o eyke ekya'ásegko', ekxénchek agkok ko'o may'ásegko m'a Dios, sekmowána amya'a atnehek, ekhawo kéltémakxa nak kéxegke; nakso' eyke ko'o sekya'ásegkoho m'a Dios, elyaheykekxók nahan ma'a appeywa.

LOS HECHOS 3:17

“Elyáxeg, ekya'ásegkok ko'o m'a ektémakxa axta kélakhama Jesús neyseksa megkólya'áseyak ektémakxa aksok apkelané, kéxegke, tén han ma'a apkelámha apmonye'e kélagkok nak.

1 CORINTIOS 2:8

Cháxa melya'áseykegko axta kelwese'e náxop xa, kaxtemek axta apkelya'áseyak, megkólyepetchesek axta aksok ektegyéso Wese' egegkok ekha nak apcheymákpoho.

2 TESALONICENSES 1:8

Ewatak sat yakwayam ellegásesagkohok ma'a énxet'ák melyekpelchémo nak Dios, cham'a melyaheykekxoho nak tásek amya'a eñama nak Wese' egegkok Jesús.

1 TIMOTEO 1:13

neyseksa axta eykhe enmexeykha sekpeywa Dios, ekyakmáseykha axta anhan, ekwanyeykha axta anhan, wánxa agkok, axta eyke eyakmagkásekxak sektémakxa ko'o Dios, hakte matnamakxa axta makham ko'o may'áseyam ma'a, axta anhan ay'áseykegkok ko'o m'a aksok seláneya axta.

1 SAN JUAN 2:23

Negko'o ektahakxa enxoho manxeyenma apwesey Dios Apketche mantehek negyepetcheyo m'a Dios Egyap; negko'o ektahakxa enxoho nenxeyenma apwesey Dios Apketche, antehek negyepetcheyo m'a Dios Egyap.

1 SAN JUAN 3:1

Kóllano hana, awanhek segásekhayo Dios Egyap, ékeso eñamakxa neltamhomaxko nak negko'o Dios apketchek, nentemegkek nahan negko'o Dios apketchek. Ekeso eñamakxa mehẽlyekpelchama nak han negko'o énxet'ák ektaha nak apkeleñamakxa apagko' keso náxop, hakte melyekpelchék ma'a Dios Egyap.

1 SAN JUAN 4:8

Enxet ektahakxa enxoho megyásekhayo pók, mey'ásegkok Dios ma'a, hakte Dios apteme eñamakxa m'a negásekhayo nak.

1 SAN JUAN 5:20

Negya'ásegkok nahan negko'o m'a apwaya axta Dios Apketche, tén han segmésama negya'ásegwayam yakwayam agyekpelkohok ma'a Dios aptaha nak apmámnaksoho. Negyepetcheyók negko'o m'a aptaha nak apmámnaksoho, cham'a Jesucristo aptaha nak Dios Apketche. Cháxa Dios aptaha nak apmámnaksoho xa, aptaha nak han eñamakxa ekyennakte egnenyek megkatnegwayam enéxa.