SAN JUAN 16:26 - Lengua Sur (Enxet) Nuevo Testamento

²⁶ Kólmaxnak sat kéxegke yetlo kélxeyenma sekwesey ekwokmo sat xa ekhem nak, maxénak ko'o peya almaxnak Táta yakwayam wának epasmok kéxegke,

SAN JUAN 16:26 ပူးပေါင်းရင်းမြစ်များ

SAN JUAN 14:16

Wának sat ko'o yáphásesek kéxegke Táta pók Apmasma aptaha nak Espíritu apmámnaksoho, yakwayam enxoho cha'a exek kélnepyeseksa kéxegke. Enxet'ák ektaha nak apkeleñamakxa apagko' keso náxop mopwanchek exkak xa Espíritu nak, hakte metyehe', mékpelchehek nahan. Kéxegke eyke kélya'ásegkok, hakte apheyk kélnepyeseksa, exek sat nahan cha'a kélwáxok.

SAN JUAN 14:20

Kólya'ásegwók sat kéxegke sektaha ko'o sekyepetcheyo Táta, cham'a ekhem sat, kólya'ásegwók sat nahan kéxegke kéltaha selyepetcheyo ko'o, tén han sektaha ko'o sekyepetcheyo kéxegke.

SAN JUAN 16:19

Apyekpelchék axta Jesús kélmoko kólmaxneyha. Aptahak axta apkeláneya s'e: —Eltennásek xeyk kéxegke peya mehelwetekxók cha'a, keñe sekxéna nahan yáma kawegkohok, keñe helwetekxak makham. ¿Keya kélmaxneyeyncha'a nak cha'a kélmók kéxegke kélxéna xa?

SAN JUAN 16:23

“Kamaskok sat selmaxneyeyncha'a kéxegke xama aksok ekwokmo enxoho m'a ekhem nak. Egkések sat kéxegke Táta ekyókxoho aksok kélmaxnagko nak eñama sekwesey. Nakso' xa sektahakxa nak seláneya kéxegke.

SAN JUAN 16:30

Negya'ásegwokmek kaxwo' negko'o apya'ásegkoho exchep ekyókxoho aksok, negya'ásegwokmek nahan megkeymexko elmaxneyha xama énxet enxoho, cháxa keñamak magya'ásekmo nak negko'o apkeñama exchep ma'a Dios.

SAN JUAN 17:19

Sekpagkanchásamáxkoho ahagko' ko'o ektahak xép, eñama xa énxet'ák nak, yakwayam enxoho etnahagkok nahan apkelpagkanamap xa énxet'ák nak eñama m'a amya'a ekmámnaksoho nak.

SAN JUAN 17:24

“Táta, egkések axta ko'o exchep xa énxet'ák nak, emenyék nahan ko'o hexhok xamo' xa énxet'ák nak, cham'a yakwánxa nak axnók ko'o, yakwayam enxoho elwetak ektémakxa nak ko'o seyeymáxkoho, cham'a seyeymáxkoho segkésa axta exchep; hakte eyásekhayók axta exchep amonye elánamáxche axta keso náxop.

SAN JUAN 17:9

“Elmaxnakkek ko'o exchep seltamho epasmok xa énxet'ák nak, malmaxnesásak ko'o seltamho epasmok ma'a énxet'ák apkelyetleykekxa nak ektémakxa keso náxop, akke elmaxnesásak ko'o m'a énxet'ák segkéso axta exchep, hakte xép énxet'ák apagkok xa énxet'ák nak.

ROMANOS 8:34

¿Yaksak sat kának kóllegásesagkohok? Cristo Jesús axta m'a apketsapa axta; háwe ekwánxa agkok ma'a apketsapa axta, apxátekhágwokmek axta anhan, apheyk nahan ma'a ekpayhókxa nak apkelya'asamakxa Dios, empakhetchesesek cha'a negko'o Dios.