SAN JUAN 15:4 - Lengua Sur (Enxet) Nuevo Testamento

⁴ Kóllenxanmoho kélteme selyepetcheyo ko'o ekhawo ektémakxa nak ko'o selenxáneykmoho sekyepetcheyo kéxegke. Yawanchek keyxek anmen yámet aktog megkeypetcha'a enxoho m'a awhak; ekhawo nak han kéxegkáxa, megkólwanchek kóllának xama aksok megkóltaha enxoho selyepetcheyo ko'o.

SAN JUAN 15:4 ပူးပေါင်းရင်းမြစ်များ

SAN MATEO 12:33

“Tásek agkok yámet, tásek katnehek ma'a ekyexna; asagkók agkok yámet, asagkek katnehek ma'a ekyexna; ekyexna cha'a kañék kélyekpelchémo yámet.

SAN LUCAS 8:15

Aktek ekpálwayam axta ektakmelakxa xóp ekyetchesamaxkoho m'a énxet'ák ektakmela nak apwáxók, emawhok nahan yeyxhok amya'a kéltenneykha, elyahakxohok nahan, meyensemek nahan apteme mey'áseyam, tásek nahan katnehek ekteyapma apkelyakmagkaso apkeltémakxa, ekhawo m'a aksok ekyexna eknakxamáxche nak.

SAN JUAN 14:20

Kólya'ásegwók sat kéxegke sektaha ko'o sekyepetcheyo Táta, cham'a ekhem sat, kólya'ásegwók sat nahan kéxegke kéltaha selyepetcheyo ko'o, tén han sektaha ko'o sekyepetcheyo kéxegke.

SAN JUAN 17:23

Ektemegkek ko'o sekyepetcheyo xa énxet'ák nak, keñe exchep aptaha sépetcheyo ko'o, yakwayam enxoho etnahagkok ekmámnaksoho agko' wánxa xama xa énxet'ák nak, keñe sat elya'ásegwók énxet'ák apheykha náxop aptaha seyáphaso ko'o exchep, tén han elya'ásegwók apkelásekhayo exchep ma'a ektaha nak énxet'ák apagkok, ekhawo ektémakxa nak seyásekhayo ko'o exchep.

SAN JUAN 6:56

Enxet ektahakxa enxoho apto ahápetek ko'o, tén han ektahakxa enxoho apya éma ahagkok ko'o, hépetkohok sat cha'a ko'o, eypetkohok sat nahan cha'a ko'o xa.

SAN JUAN 8:31

Aptahak axta Jesús apkeláneya judíos ektaha axta apteme melya'áseyam se'e: —Kélyaheykekxók agkok kéxegke sektémakxa nak cha'a sekpeywa, kóltehek sat kéxegke ekmámnaksoho seltámeséyak;

LOS HECHOS 11:23

Xama axta apwokmo Bernabé m'a, apwet'ak axta ektémakxa aksok eltakmela eleñama néten apméso Dios xa énxet'ák nak. Awanhok agko' axta anhan ekpayheykekxa apwáxok. Apkeltennásek axta énxet'ák apkeltamho elenxanmohok apteme melya'áseyam Wese' egegkok.

LOS HECHOS 14:22

Apkelwaskakkásekxók axta énxet'ák apteme axta melya'áseyam xa yókxexma nak, apkeltennásek axta apkeltamho elenxanmohok apkelyennaktésamo apteme melya'áseyam. Apkeltennásek axta anhan megkatnehek manlegeykegkoho ekyókxoho aksok negmoko enxoho antexek ma'a aptémakxa nak Wese' apwányam Dios.

2 CORINTIOS 13:5

Kólyetsátekxa hana kéxegke kélagko' kéltémakxa, yakwayam enxoho kólya'ásegwomhok ekyennakwokmo kélteme megkólya'áseyam; nakso' kexaha ekyenná kélteme megkólya'áseyam; kólyekpelchaxkoho kélagko'. ¿Yagkólyekpelchágwokmok kéxegke apha kélwáxok Jesucristo? ¿Enxoho axta eykel'a kóllanak kéxegke apkeltamhókxa axta kóllának Dios?

GÁLATAS 2:20

háwe ko'o kaxwo' sekha ahagko', Cristo eyke aphak ewáxok ko'o. Keso sektémakxa nak ko'o neyseksa sekha makham, ektemegkek cha'a ko'o m'a ektémakxa nak may'áseyam Dios Apketche, aptaha axta seyásekhayo, apchahayók axta anhan apmatñama ko'o eñamakxa.

EFESIOS 3:17

Elmaxnakkek nahan ko'o Dios seltamho exek kélwáxok kéxegke Cristo eñama xa megkólya'áseyam nak. Keñe sat keytek kéxegke kélwaskapma tén han kóllenxanmohok kélyennaktésamo kélteme kélásekhamaxkoho.

FILIPENSES 1:11

Kalánhok sat kélwáxok kéxegke kéltémakxa ektakmela eñama apméso m'a Jesucristo, yakwayam enxoho kóltehek kéláyo Dios, tén han kóltemésesek apcheymákpoho.

COLOSENSES 1:23

Cháxa keñamak eyéméxko nak kóltehek kéxegke kélwaskápeykekxoho eñama ekpasmo m'a megkólya'áseyam nak, meyke kélyenseyam ma'a kélhaxneykha ekyetna nak kéxegke eñama kéllegé m'a tásek amya'a kéltenneykha nak. Cháxa amya'a kéltenneykencha'a nak ekyókxoho yókxexma xa, sekpasmoma nak han ko'o xa ektémakxa kéltenneykha, ko'o Pablo.

COLOSENSES 1:27

Apmenyék axta Dios elyekpelchásesók ma'a ektaha nak énxet'ák apagkok, cham'a ekwánxa nak ekxámokma aksok eltakmela apagkok, cham'a ektemésesama axta cha'a ekpowásamáxkoho énxet'ák metnaha nak judíos. Apheyk kélwáxok kéxegke Cristo, cháxa megkólya'áseykegko axta kéxegke xa, aptaha nak han eñamakxa nelhaxneykha m'a negeymáxkoho peya nak anxawak.

COLOSENSES 2:6

Kéméxchek kéxegke kóltehek kélyepetcheyo Jesucristo Wese' egegkok ekhawo kéltahakxa axta kélma takha'.

1 TESALONICENSES 3:5

Axta alenmaxexchágwokmok ektahakxa ewáxok. Ekeso eñamakxa seyáphasa axta Timoteo yakwayam etegyaha amya'a ektémakxa megkólya'áseyam kéxegke, hakte tamháha axta ko'o ewáxok kalyekkónek kéxegke kelyekhama', keñe m'a nentamheykha nak negko'o katnégwók eyakhémo.

HEBREOS 10:39

Háwe negko'o neleñama nepyeseksa m'a énxet'ák apkelyenseykmo nak apteme apcháyo Dios, cham'a apkelmahágko nak yakwánxa kólmasesók, akke negko'o nelxegexma'a m'a énxet'ák peya nak elwagkasakpok teyp eñama apteme melya'áseyam.

1 SAN JUAN 2:6

Apxénchek agkok enxama aptaha apyepetcheyo Dios, kéméxchek etnehek ma'a aptémakxa axta Jesucristo.

2 SAN JUAN 1:9

Negko'o ektahakxa enxoho negmáheyo agyeykhasagkohok ektémakxa axta sẽlxekmóso Cristo, mantehek negyepetcheyo Dios, keñe m'a énxet ektahakxa enxoho meyenseyam ektémakxa axta nelxekmowásamáxche eñama Cristo, etnehek apyepetcheyo Dios Egyap xa, tén han ma'a Apketche.