SAN JUAN 15:20 - Lengua Sur (Enxet) Nuevo Testamento

²⁰ Kaxénwakxoho kélwáxok sektaha exchek seláneya kéxegke s'e: ‘Enxet ektaha nak kélásenneykha metnehek apyeykhágweykmoho m'a wese' apagkok.’ Elyakmáseykha axta agkok ko'o, kólmenxenmakha sat nahan kéxegkáxa; aptemék axta agkok apkelyaheykekxoho sekpeywa énxet, elyahakxohok sat nahan kélpeywa kéxegke.

SAN JUAN 15:20 ပူးပေါင်းရင်းမြစ်များ

SAN MATEO 10:24

“Méko xama kélxekmóso eyeykhágwomhok ma'a ektaha nak apkelxekmóso, keñe m'a énxet ektaha nak kélásenneykha meyeykhágwomok ma'a wese' apagkok.

SAN MARCOS 10:39

Aptahak axta apkelátegmowágko s'e: —Egwanchek neykhe. Aptahak axta apkeláneya Jesús se'e: —Kóllegagkohok sat kéxegke xa nenlegeykegkoho nak, cham'a ekyetchesamaxkoho nak xama egheykok negyal'a aksok ekmáske peya nak ko'o eynek, kólxawak sat nahan nétsapma peya nak ko'o axka' ekyetchesamaxkoho nak yakpasama yegmen;

SAN LUCAS 2:34

Keñe axta apkelmaxnésásegko Simeón, aptahak axta anhan apcháneya María, Jesús egken se'e: —Kalano, appagkanákpek se'e sakcha'a nak, yakwayam enxoho exámak énxet'ák Israel apkelxegányam, exámak esenhan apteme apkelmeyámap. Etnehek sat nahan magkenatcheso apkeñama Dios, cham'a peya sat exámhok énxet megkaleklo apwáxok,

SAN LUCAS 6:40

Metnehek apyeykhágweykmoho apkelxekmóso m'a énxet ektaha nak kélxekmóso: apsawhegwokmek agkok ektémakxa apkeltámesamap, keñe exnágwakxohok ma'a ektaha axta apkelxekmóso.

SAN JUAN 10:31

Apkelmákxeyk axta makham meteymog énxet'ák judíos peya elyetnak Jesús,

SAN JUAN 11:57

Apmések axta appeywa fariseos énxet'ák, tén han ma'a apkelámha apmonye'e nak appasmo apkelmaxnéseso Dios énxet'ák apagkok apkeltamho eltennásekxak énxet ektahakxa enxoho apya'áseykegkoho aphakxa Jesús, yakwayam enxoho emok.

SAN JUAN 13:16

Enxet ektaha nak kélásenneykha metnehek cha'a apyeykhágweykmoho wese' apagkok, keñe m'a énxet ektaha nak kéláphaso metnehek cha'a apyeykhágweykmoho m'a ektaha nak apcháphaso.

SAN JUAN 5:16

Ekeso eñamakxa melwatésekmo axta énxet'ák judíos aptaknagko Jesús, hakte apkelanak axta aksok Jesús ekhem nellókasamakxa nelyampé.

SAN JUAN 7:32

Apkelleg'ak axta amya'a fariseos ektahakxa apkelpeywa énxet'ák apxéna Jesús, apkeláphásek axta sẽlpextétamo apkeleñama tegma appagkanamap xa énxet'ák fariseos tén han ma'a apkelámha apmonye'e apkelmaxnéseso apnámokkok, yakwayam enxoho emok Jesús.

SAN JUAN 8:51

Enxet ektahakxa enxoho apkelyaheykekxoho sekpeywa megyetsepek sat. Nakso' xa sektahakxa nak seláneya kéxegke.

SAN JUAN 8:52

Aptahak axta apkelátegmowágko judíos se'e: —Nakso' nentemesásak kaxwo' negko'o ekyetna apwáxok xép kelyekhama'. Apketsepmeyk axta Abraham, apsawhomakpók nahan apkeletsapma m'a énxet'ák ektaha axta apkellegaso Dios appeywa, keñe exchep aptaha appeywa s'e: ‘Enxet ektahakxa enxoho apkelyaheykekxoho sekpeywa, megyetsepek sat.’

SAN JUAN 8:59

Keñe axta apkelma meteymog peya elyetnak Jesús xa énxet'ák nak; wánxa agkok apxeganakmek axta eyke aksa Jesús nepyeseksa xa énxet'ák nak, aptekkek axta kañe' tegma appagkanamap.

LOS HECHOS 14:22

Apkelwaskakkásekxók axta énxet'ák apteme axta melya'áseyam xa yókxexma nak, apkeltennásek axta apkeltamho elenxanmohok apkelyennaktésamo apteme melya'áseyam. Apkeltennásek axta anhan megkatnehek manlegeykegkoho ekyókxoho aksok negmoko enxoho antexek ma'a aptémakxa nak Wese' apwányam Dios.

1 CORINTIOS 4:12

tén han nelyampayo eñama nentamheykha. Hentakneyagkohok cha'a negko'o énxet, keñe cha'a negko'o agámenyéhok katakmelek ektahakxa énxet; ẽlmenxenáha agkok negko'o, ólenmaxaxkoho' aksa.

2 CORINTIOS 4:9

Ẽlmenxeneykha eykhe cha'a negko'o, akke hegyamasmak Dios; awanhek negko'o senlegasáseykegkoho, akke hẽlmaseseykmok.

1 TESALONICENSES 2:15

Cháxa énxet'ák judíos apchakhama axta anhan Wese' egegkok Jesús xa, ekhawo aptamheykegkaxa axta anhan apkennapma ma'a énxet'ák ektaha axta apkellegaso Dios appeywa, ẽlántekkesek axta anhan negko'oxa xa énxet'ák nak. Megkésók ekpayheykekxa apwáxok Dios xa énxet'ák judíos, apyókxoho énxet nahan apkelenmexeykha.

2 TIMOTEO 3:12

Nakso' sat nahan ellegagkohok kélmenxeneykha m'a apyókxoho énxet'ák apmopmenyého nak elpagkanchesakpok Cristo Jesús.