SAN JUAN 15:2 - Lengua Sur (Enxet) Nuevo Testamento

² Méko agkok ekyexna xama ahaktog ektaha nak sépetcheyo ko'o, eyaktének ma'a Táta; keñe yaxñásesek ma'a ahaktog ekhakxa enxoho ekyexna yakwayam enxoho kaxámagkok ekyexna.

SAN JUAN 15:2 ပူးပေါင်းရင်းမြစ်များ

SAN MATEO 13:12

Kéxegke ekyetnakxa enxoho aksok, kólmeyásekxohok sat makham mók, kayeykhágwomok sat nahan; keñe kéxegke meyke nak aksok, kóltápexcháseshok sat kólyementemekxak ma'a ekyetnakxa enxoho, antawók eykhe katnehek.

SAN MATEO 13:33

Aptahak axta makham apkeltenneyncha'a Jesús apyetchásekekxoho s'e: “Máxa kempáseyak ekmeykencha'awol'a kelán'a kanchahak hótahap apxámokma m'a aptémakxa nak Wese' apwányam Dios, yakwayam enxoho kampasagkok apyókxoho hótahap ekyelakteso.”

SAN MATEO 15:13

Aptahak axta apchátegmowágko Jesús se'e: —Ekyókxoho yámet megkatnaha nak apkeneykekxa m'a Táta apha nak néten, kólpátekkesek sat.

SAN MATEO 21:19

Apwet'ak axta higo yámet nekha ámay, apyo'ókmek axta enmakxa, wánxa axta aksa áwa' apwet'a. Aptahak axta apcháneya higo yámet se'e: —¡Megkeyxnekxék sat cha'a exche'! Yetlókók axta anhan ekyamaye.

SAN MATEO 25:29

Hakte kéxegke ekyetnakxa enxoho aksok, kólmeyásekxohok sat makham mók, kayeykhágwomhok sat nahan; keñe kéxegke meyke nak aksok, kóltápexcháseshok sat kólyementemekxak ma'a ekyetnakxa enxoho, antawók eykhe katnehek.

SAN MATEO 3:10

Kélpekkenwokmek kaxwo' póte m'a yámet awhak nak, yakwayam kayakténnaxchek kepmenák. Ekyókxoho yámet ekmaso nak ekyexna, kayakténaxkohok cha'a, neyseksa táxa nahan kólchexa'.

SAN MATEO 3:12

Apsókmók nahan pála apagkok ma'a, yaxñásesek sat hótahap, elyetnakhaksek sat ma'a pa'at apák nak. Exatmok sat hótahap apagkok ma'a tegma kéltakmelchesamakxal'a, sat eyke elwatnegwakxak pa'at apák ma'a megkaspóneykxa nak táxa.”

SAN MATEO 7:19

Kólyakténhok nahan cha'a m'a ekyókxoho yámet ekmaso nak ekyexna, keñe kólchexak ma'a nátex.

SAN MARCOS 4:20

Yetneyk nahan nápakha énxet apkellegé nak amya'a kéllegaso, elyahakxohok nahan, tásek nahan katnehek ekteyapma apkelyakmagkaso apkeltémakxa ekhawo m'a aksok aktek kélcheneykekxa nak ektakmelakxa xóp. Nápakha nahan aphawók ma'a hótahap apyexna ekteyapmol'a treinta apaktek, keñe nápakha aphawo m'a hótahap apyexna ekteyapmol'a sesenta apaktek, keñe nápakha aphawo m'a hótahap apyexna ekteyapmol'a cien apaktek.”

SAN LUCAS 8:13

Aktek ekpálwayam axta neyseksa meteymog ekyetchesamaxkoho m'a énxet'ák apkellegé nak tásek amya'a, ñohok nahan emok heykxa yetlo ekpayheykekxa apwáxók, wánxa agkok megkeytek eyke kañók agko' apwáxók amya'a kéllegaso. Yakwatakxoho etnehek mey'áseyam, wa'ak agkok ekyekkónma, elwátesagkok apteme melya'áseyam.

SAN JUAN 15:1

“Ko'o sekteme anmen yámet ekmámnaksoho agko' ektaha nak aptakmelcheso m'a Táta.

SAN JUAN 15:16

Háwe axta kéxegke selyéseykha ko'o. Ko'o axta eyke selyéseykha kéxegke, ekmések axta ko'o kéltamheykha kéxegke seltamho kólxog yakwayam kayawhok agko' kéllané aksok eltakmela eñama kéltamheykha, cham'a nentamheykha megkamassegwayam nak. Keñe sat egkések kéxegke Táta ekyókxoho aksok kélmaxneyakxa enxoho eñama ko'o sekwesey.

SAN JUAN 15:3

Kéltemék kaxwo' kéxegke kéláxñeyo eñama m'a sekpeywa sektahakxa axta seláneya kéxegke.

SAN JUAN 15:6

Enxet ektahakxa enxoho mehepetcheyo ko'o kóltekkesek sat, máxa sat etnehek ma'a yámet aktog ekyamayel'a, cham'a kéláncheseykekxohol'a keñe kólchexak neyseksa táxa.

SAN JUAN 15:8

Kótaxchek cha'a ektémakxa apcheymákpoho Táta, cham'a ekwetáxko enxoho ekxáma aksok kéllané kéxegke, kéltemék agkok xa, kóltehek kéxegke ekmámnaksoho seltámeséyak.

SAN JUAN 17:12

Eltakmelchesegkek axta cha'a ko'o xa énxet'ák nak, neyseksók sekha xamo' keso náxop, ekmasmeyk axta anhan cha'a yetlo m'a xép apwesey ekha nak ekmowána, cham'a apwesey segkésama axta exchep. Axta anhan exyánegweykmok xama enxoho xa énxet'ák nak, wánxa axta apxegánegweykmo m'a aptaha axta apxegányam, yakwayam enxoho katnehek ma'a ektémakxa nak eknaktáxésamaxche weykcha'áhak.

ROMANOS 11:17

Nápakha énxet'ák judíos axta kélyakténak ektémol'a kólyaktének yámet ekweseyl'a olivo, keñe axta kélyepetchesa exchep ma'a kélyakténakxa axta, xép aptaha axta aphawo m'a yámet olivo émhal'a naxma. Cháxa ektahakxa axta apyepetcha'a exchep egkepmenák ma'a ektémakxal'a yámet olivo.

ROMANOS 11:22

Elano, awanhek segásekhayo Dios, metnehek eyke anhan melané m'a ekpayhókxa enxoho hentemésesek. Apkeláneyak axta Dios ekpayhókxa axta etnésesek, cham'a appallakmo axta énxet'ák, apchásekha'awok axta eyke exchep. Xép akke kéméxchek elának ma'a ekleklamókxa nak apwáxok Dios; agkok etnahak xép xa, kólyaktének sat nahan xép xa.

ROMANOS 8:28

Negya'ásegkok negko'o apkelanésama cha'a ekyókxoho aksok Dios ma'a énxet'ák ektaha nak apkelásekhayo, yakwayam enxoho kapasmok, cham'a énxet'ák ektaha axta apkelwóneykha Dios, ekhawo m'a ektahakxa axta apmopmenyého.

1 CORINTIOS 13:1

Ekpakmetchek agkok ko'o m'a ektémakxal'a apkelpakmeyesma énxet tén han sekpakmeta enxoho m'a ektémakxa nak apkelpakmeyesma Dios apkelásenneykha, wánxa agkok, méko eyke katnehek seyásekhayo, máxa atnehek ko'o m'a sawó ekyentaxno elletnaheykhal'a, esenhan axhok ko'o m'a sawó elpayhe ekmasol'a elletnaheykha.

TITO 2:14

Apmeyásamakpók axta apagko' yakwayam emátog, negko'o eñamakxa, yakwayam enxoho hẽlwagkasek teyp neyseksa ekyókxoho nentémakxa ekmaso nak, tén han hentemésesek ektakmela nentémakxa, yakwayam enxoho nahan antehek énxet'ák apagkok, tén han agámenyéhok anlának ma'a aksok eltakmela nak.

HEBREOS 12:15

Kóllenxánem megkólyensemek ma'a ektémakxa nak segméso naksa segemleykekxoho Dios, yakwayam enxoho metnehek kélxama kéxegke m'a ektémakxal'a yámet egkepmenák ekmáskel'a, cham'a étsagkasamol'a énxet, tén han ma'a ekwayol'a énxet'ák.

1 SAN JUAN 2:19

Negyeseksa nahan apkeleñamak apkelánteyapma xa énxet'ák nak; wánxa agkok, háwe axta eyke nelxegexma'a negko'o xa énxet'ák nak, kaxtemek axta ekmámnaksoho apkeleñama negyeseksa negko'o, hempaxkaha axta. Temegkek axta eyke xa ektaha nak, yakwayam enxoho katakmelek ekwetamaxche metnaha apyókxoho énxet apkeleñama negyeseksa negko'o.

APOCALIPSIS 3:19

Agkéshok cha'a ko'o sekpeywa apyókxoho ektaha nak selásekhayo, altennásekxohok nahan cha'a ekyetna enxoho megyakhémo aptahakxa. Etne exchep ekmáheyo agko' apwáxok, eyakmagkas apwáxok, ey'ókxa Dios.