SAN JUAN 15:18 - Lengua Sur (Enxet) Nuevo Testamento

¹⁸ “Aptaknókek agkok kéxegke m'a énxet apkelyetleykekxa nak ektémakxa keso náxop, kólya'ásegwakxoho sat setaknagkama axta nahan ko'o xa emonye.

SAN JUAN 15:18 ပူးပေါင်းရင်းမြစ်များ

SAN MATEO 10:22

Apyókxoho énxet sat etaknók kéxegke ko'o eñamakxa; wánxa agkok, ewagkasakpok sat eyke teyp ma'a énxet apkelenxánekmoho nak apyennaktésamo apteme mehey'áseyam ko'o ekwokmoho néxa.

SAN MATEO 24:9

“Keñe sat kólmaxchek kéxegke yakwayam kólnaktawasagkoho'; kóltekyók sat nahan, apyókxoho énxet sat nahan etaknók kéxegke ko'o eñamakxa.

SAN MATEO 5:11

“Kéleñémo agko' kéxegke kéltaha enxoho kélwanyeykha, tén han ma'a kéltawásegkoho enxoho, tén han ma'a kélxénáxko enxoho aksa, cham'a ekxámokxoho ektémakxa nak amya'a megkamámnaksoho, ko'o eñamakxa.

SAN MARCOS 13:13

Apyókxoho énxet sat etaknók kéxegke ko'o eñamakxa; wánxa agkok, ewagkasakpok sat eyke teyp ma'a énxet apkelenxáneykmoho nak apyennaktésamo apteme mey'áseyam ekweykmoho néxa ekhem.

SAN LUCAS 6:22

“Kéleñémo agko' kéxegke kéltaknaweyxko enxoho nepyeseksa énxet'ák, tén han ma'a kéltekkesa enxoho nepyeseksa énxet'ák, tén han ma'a kélxénáxko enxoho kéltaha ekmaso kéltémakxa kéxegke eñama m'a aptaha nak Apketche énxet.

SAN JUAN 16:1

“Eltennásek xeyk kéxegke xa, yakwayam enxoho megkólyensemek ektémakxa nak mehelya'áseyam ko'o.

SAN JUAN 16:33

Eltennásek kéxegke ekyókxoho xa, yakwayam enxoho kólwetak meyke ektahakxa kélwáxok neyseksók selyepetcheyo ko'o. Kóllegagkohok sat kéxegke keso náxop; wánxa agkok, kólteme kélwaskápeykekxoho, ekmalanchek ko'o ektémakxa nak keso náxop.

SAN JUAN 3:20

Apyókxoho énxet ektahakxa enxoho apkeláneyak aksok ekmaso etaknók ma'a elseyexma nak, mépetchegwomok nahan elseyexma, yakwayam enxoho megkapekkenchásekxék yáxñakxoho m'a aksok ekmaso apkelané nak.

SAN JUAN 7:7

Mopwanchek etaknók kéxegke énxet'ák apkeleñamakxa apagko' nak keso náxop; hetaknawhok eyke ko'o, hakte tásek ko'o sekxekmóso eyesagko m'a aksok apkeláneyak nak.

LOS HECHOS 14:22

Apkelwaskakkásekxók axta énxet'ák apteme axta melya'áseyam xa yókxexma nak, apkeltennásek axta apkeltamho elenxanmohok apkelyennaktésamo apteme melya'áseyam. Apkeltennásek axta anhan megkatnehek manlegeykegkoho ekyókxoho aksok negmoko enxoho antexek ma'a aptémakxa nak Wese' apwányam Dios.

HEBREOS 12:2

Anlanok hana wánxa m'a Jesús, hakte cha'a keñamak magya'áseyam nak negko'o m'a, Jesús nahan apteme apteméseso ektakmela m'a magya'áseyam nak negko'o. Aplegágkók axta Jesús néten aksok ektegyéso, axta yenmexmók Jesús ma'a nétsapma segmegkasamo nak, hakte apya'ásegkok axta peya étak ekpayheykekxa apwáxok natámen aplegeykegkoho apketsapma; aphákxeyk axta anhan ma'a ekpayhókxa nak nelya'asamakxa nekha Dios aptaháno.

SANTIAGO 4:4

Kéxegke kéltaha nak kélyenseyam kélyetlo Dios, ¿yagkólya'ásegkok kéxegke ektaha enmexma Dios ma'a negásekhayo nak aksok keso náxop? Negko'o ektahakxa enxoho negmáheyo agásekhohok ektémakxa nak keso náxop, nenmexma antemekxak ma'a Dios.

1 SAN JUAN 3:1

Kóllano hana, awanhek segásekhayo Dios Egyap, ékeso eñamakxa neltamhomaxko nak negko'o Dios apketchek, nentemegkek nahan negko'o Dios apketchek. Ekeso eñamakxa mehẽlyekpelchama nak han negko'o énxet'ák ektaha nak apkeleñamakxa apagko' keso náxop, hakte melyekpelchék ma'a Dios Egyap.

1 SAN JUAN 3:13

Elyáxeg selásekhayo, nágkólchenatches aksa kéxegke aptaknawe enxoho énxet'ák apkeleñamakxa apagko' nak keso náxop.

1 SAN JUAN 3:3

Negyókxoho ekyetnakxa enxoho xa nelhaxanma nak, nentemesásamáxkoho egagko' antehek negáxñeyo, ekhawo m'a ektémakxa nak megkeypetchegweykmoho Jesucristo xama aksok ekmanyása.