SAN JUAN 15:16 - Lengua Sur (Enxet) Nuevo Testamento

¹⁶ Háwe axta kéxegke selyéseykha ko'o. Ko'o axta eyke selyéseykha kéxegke, ekmések axta ko'o kéltamheykha kéxegke seltamho kólxog yakwayam kayawhok agko' kéllané aksok eltakmela eñama kéltamheykha, cham'a nentamheykha megkamassegwayam nak. Keñe sat egkések kéxegke Táta ekyókxoho aksok kélmaxneyakxa enxoho eñama ko'o sekwesey.

SAN JUAN 15:16 ပူးပေါင်းရင်းမြစ်များ

SAN MATEO 21:22

Kólxawak sat kéxegke ekyókxoho aksok kélmaxné enxoho yetlo megkólya'áseyam, cham'a kéltaha enxoho nempeywa nelmaxnagko.

SAN MATEO 7:7

“Kólmaxna, egkések sat Dios; kólchetam, kólwetekxak sat; kólpakmeswom nekha átog, kólmeykesesek sat.

SAN LUCAS 6:13

Xama axta elsaka, apkelwóneyha axta Jesús apkeltámeséyak, doce axta apkelyesáha nepyeseksa xa énxet'ák nak, cháxa aptaha axta anhan seykha amya'a xa.

SAN JUAN 13:18

“Akke ko'o axénak kélyókxoho kéxegke, hakte ekya'ásegkok ko'o m'a ektaha nak selyéseykha. Megkatnehek nahan megkatné ektémakxa nak eknaktáxésamaxche s'e: ‘Etaknaweykxeyk ko'o énxet sektóko nak xamo' sekto.’

SAN JUAN 15:19

Kéltemék axta agkok kélyetleykekxa kéxegke ektémakxa nak keso náxop, yásekhohok axta énxet apkelyetleykekxa nak ektémakxa keso náxop, ekhawo ektémakxa nak cha'a apkelásekhayo m'a ektaha nak apnámokkok. Wánxa agkok elyesáha axta eyke ko'o kéxegke nepyeseksa énxet'ák apkelyetleykekxa nak ektémakxa keso náxop. Ekeso eñamakxa aptaknawe nak kéxegke xa énxet'ák nak, hakte megkóltahak kaxwo' kélyetleykekxa kéxegke apkeltémakxa nak énxet keso náxop.

SAN JUAN 15:5

“Ko'o sekteme anmen yámet, kéxegke eyke kélteme aktegák xa anmen yámet nak. Enxet ektahakxa enxoho apkelenxáneykmoho apteme sépetcheyo ko'o, xámok katnehek apkelané aksok ektémol'a ekxákma ekyexna anmen yámet, cham'a sektaha enxoho ko'o xa sekyepetcheyo. Megkólwanchek kéxegke kóllának xama aksok méko enxoho ko'o.

SAN JUAN 6:70

Aptahak axta apchátegmowágko Jesús se'e: ko'o axta selyéseykha kéxegke xa doce nak. Wánxa agkok, kelyekhama' eyke kélxama kéxegke.

LOS HECHOS 1:24

Aptahak axta aptamhágko nempeywa nelmaxnagko énxet'ák se'e: “Wese', Xép aptaha apya'áseykegkoho elchetamso egwáxok negyókxoho nak, henxekmos negko'o xama s'e apkánet nak, cham'a, ektahakxa enxoho apkelyéseykha exchep,

LOS HECHOS 1:8

Wánxa agkok, apwa'ak sat agkok Espíritu Santo kélnepyeseksa kéxegke, kólxawak sat kélmowána, kólxog sat nahan cha'a yakwayam kólxének sekwesey ko'o, Jerusalén, tén han kólmahagkok ma'a ekyókxoho yókxexma Judea, tén han ma'a Samaria, kawomhok sat nahan kélmaheyak ma'a eyátépexa nak.

LOS HECHOS 10:41

Axta eyke exekmowáseykpekxohok Jesús ma'a apyókxoho énxet'ák nak. Negko'o axta eyke enxekmowáseykpekxohok, nentaha nak Dios sẽlyeyseykha nano' agko', yakwayam antehek negweteykegkoho xa. Nentokók axta negko'o nento xamo', natámen apxátekhágwayam Jesús, negyenágkek axta anhan xamo' negyeneyak.

LOS HECHOS 22:14

Keñe axta aptaha seyáneya s'e: ‘Egyepmeyk Dios apagkok axta apkelyésáha exchep yakwayam enxoho ékpelchágwomhok ma'a ektémakxa nak Dios apmopmenyého, yakwayam enxoho anhan étak xép ma'a aptaha nak appéwomo, tén han eñohok appeywa apagko' xép ma'a.

LOS HECHOS 9:15

Wánxa agkok, aptahak axta Wese' egegkok apcháneya Ananías se'e: “Etyánegwomho, ko'o axta selyéseykha m'a énxet nak yakwayam enxoho eltennasha sekwesey m'a énxet'ák apheykha nak mók nekha, tén han ma'a kelwese'e apkelwányam apagkok nak, tén han eltennasha m'a énxet'ák Israel.

ROMANOS 1:13

Elyáxeg, emenyék kólya'ásegwomhok kéxegke ekxeyenma cha'a ko'o ewáxok atnehek meyk'a kéxegke yakwayam alweta', makhemek eyke makham ekyetno aksok meheyhayo cha'a axog ko'o, ekwokmoho kaxwo' nak. Emenyék eykhe ko'o wanchásekxak aksok eltakmela eleñama nak néten kélnepyeseksa kéxegke, ekhawo ektahakxa axta seyancháseykekxa nepyeseksa m'a énxet'ák apheykha nak mók yókxexma.

ROMANOS 1:5

Jesucristo keñamak segkésama aksa ko'o Dios yakwayam atnehek seykha amya'a apagkok, tén han atnehek seltenneykha apwesey, yakwayam enxoho etyapok énxet apteme mey'áseyam Dios nepyeseksa m'a apyókxoho pók aptémakxa énxet nak, tén han etnehek apkelyaheykekxoho.

ROMANOS 15:4

Naktáxesamaxchék axta yakwayam henxekmósek negko'o m'a ekyókxoho amya'a ekyetnama axta eknaktáxésamaxche nano' agko', yakwayam enxoho keytek negko'o nelhaxneykha eñama m'a magyenseyam tén han ekpayheykekxa egwáxok segméso nak eknaktáxésamaxche.

ROMANOS 9:21

Enxet ektaha nak apkelané yátegwáxwa yelpa', apwanchek etnésesek ma'a apmokókxa enxoho etnésesek, apwanchek etakmelcheshok apmeykha m'a pók, keñe m'a pók metakmelchesek apmeykha.

1 CORINTIOS 10:11

Temegkek axta nahan nepyeseksa ẽlyepmeyk nano' ekyókxoho xa ektéma nak, yakwayam enxoho agya'asagkohok negko'o. Naktáxésamaxchek axta anhan xa, yakwayam enxoho hẽlaksek negko'o nentaha nak negheykha keso ektemegwánxa nak néxa.

GÁLATAS 1:15

Wánxa agkok, Dios axta eyke selyéseykha ko'o amonye sekteyam, ewóneykha axta anhan eñama ekyawe seyásekhayo. Exekmósek axta Apketche, cham'a ekwokmo axta yakwánxa hexekmósek, yakwayam enxoho ko'o altennaha tásek amya'a nepyeseksa énxet'ák metnaha nak judíos. Axta ay'áyekmok xama énxet enxoho yakwayam heltennasagkohok ektémakxa;

EFESIOS 2:10

hakte Dios axta aptaha senlané negko'o; enlanak axta negko'o eñama m'a Cristo Jesús yakwayam enxoho anlának ma'a nentamheykha ektakmela nak, ekhawo m'a apkeláneykekxa apagko' axta Dios ma'a nano' axta.

COLOSENSES 1:23

Cháxa keñamak eyéméxko nak kóltehek kéxegke kélwaskápeykekxoho eñama ekpasmo m'a megkólya'áseyam nak, meyke kélyenseyam ma'a kélhaxneykha ekyetna nak kéxegke eñama kéllegé m'a tásek amya'a kéltenneykha nak. Cháxa amya'a kéltenneykencha'a nak ekyókxoho yókxexma xa, sekpasmoma nak han ko'o xa ektémakxa kéltenneykha, ko'o Pablo.

COLOSENSES 1:6

Payhekxeyk nahan kaxwo' ekyókxoho yókxexma xa amya'a kéltennáseykencha'a axta kéxegke, tekkesesek nahan aksok eltakmela eleñama néten énxet'ák, ekhawo ektahakxa axta anhan kélnepyeseksa kéxegkáxa, cham'a sekxo' axta kélleg'a kéxegke ektémakxa segásekhayo Dios, cham'a kélya'ásegwokmo axta nahan ektaha ekmámnaksoho m'a ektémakxa nak segásekhayo Dios.

1 TIMOTEO 2:7

Axta keñamak selyésáxko axta ko'o yakwayam atnehek seltenneykha tásek amya'a, tén han atnehek seykha amya'a, eyáneyaxchek axta anhan ko'o alxekmósek énxet'ák metnaha judíos ma'a eñama nak magya'áseyam, tén han ma'a amya'a ekmámnaksoho nak. Nakso' xa sektahakxa nak ko'o sekpeywa; háwe sekmowána amya'a.

2 TIMOTEO 1:11

Egkések axta ko'o Dios yakwayam atnehek seklegaso s'e amya'a nak, eyáphásek axta nahan yakwayam atnehek seykha amya'a, tén han atnehek selxekmóso enámokkok.

2 TIMOTEO 2:2

Eltennés sat yakwánxa etnahagkok apkeltamheykha m'a énxet'ák kélayókxa nak, apmopwána exekmósek apnámokkok, cham'a sektahakxa axta sekpeywa apleg'a exchep nápakta'awo' apyókxoho énxet'ák.

TITO 1:5

Emenyék axta ko'o elánekxak xép ma'a eyéméxko axta kóllánekxak, cham'a sekheyásekxo axta exchep yókxexma étkok Creta, yakwayam enxoho anhan elyésha exchep ma'a apkelámha apmonye'e nak kélakneykekxexa ekyókxoho apyawakxa enxoho tegma yókxexma Creta, ekhawo m'a sektahakxa axta seyáneya exchep.

HEBREOS 11:4

Mey'áseyam axta keñamak Abel apmésama Dios ektakmela aksok apwatno, axta kaxnawok aksok apwatno m'a Caín, ékeso eñamakxa apxéna axta Dios aptaha appéwomo Abel, apmeyk axta anhan Dios aksok apméso Abel, apketsepmeyk eykhe Abel makhemek eyke makham apxénamap eñama m'a apteme axta mey'áseyam.

SANTIAGO 3:18

Enxet'ák ektaha nak apkelenxányam etekkesek meyke ektahakxa egwáxok, elanagkok nahan meyke ektahakxa egwáxok, yakwayam enxoho étak ma'a nentémakxa ekpéwomo nak.

1 SAN PEDRO 3:15

wánxa agkok, kólteme aksa kéláyo m'a Wese' egegkok Cristo apha nak kélwáxok kéxegke. Kólpenchesho cha'a kéltahakxa yakwayam kólátegmowagkok ma'a énxet ektahakxa enxoho apkelmaxneyeykha ektémakxa m'a kélhaxneykha nak kéxegke.

1 SAN PEDRO 3:2

tén han eñama m'a kéltémakxa ektakmela nak, tén han kañék ma'a apwet'a enxoho ekyetna kéláyo kéxegke m'a Dios.

1 SAN JUAN 4:10

Keso ektémakxa negásekhayo s'e: háwe negko'o eñama negásekhayo Dios, Dios akke keñamak segásekhayo negko'o, apcháphásek axta Apketche yakwayam enxoho meyakmagkásekxék Dios nentémakxa mólya'asáxma eñama m'a apmeyásamákpoho apagko' axta yakwayam emátog, negko'o segyanmaga.

1 SAN JUAN 4:19

Negásekhayok negko'o Dios hakte segásekhayo apmonye axta.