SAN JUAN 15:10 - Lengua Sur (Enxet) Nuevo Testamento

¹⁰ Kélyahakxók agkok kéxegke m'a seltémókxa nak kóltehek, alenxanmohok sat nahan ko'o xa selásekhayo kéxegke, ekhawo ektémakxa nak ko'o selyaheykekxoho m'a apkeltémókxa nak atnehek Táta, apkelenxanakmok nahan apteme seyásekhayo.

SAN JUAN 15:10 ပူးပေါင်းရင်းမြစ်များ

SAN JUAN 10:18

Méko kawának hémentók ko'o ektémakxa nak sekyennakte, seyhayo ahagko' eyke amátog eñama sekmámenyého ahagko'. Payhawók ko'o wohok amátog, payhawók nahan amekxak makham sekyennakte. Cháxa apkeltémo axta alának ko'o Táta xa.”

SAN JUAN 12:49

Hakte matnék ko'o sekxénamaxchekxoho ahagko'; egkések axta ko'o Táta apkeltamhókxa atnehek sekpeywa, cham'a aptaha axta seyáphaso, axta anhan eltennásak ma'a apkeltamhókxa axta atnehek selxekmóso.

SAN JUAN 14:15

“Elásekha'awók agkok ko'o kéxegke, kólyahakxoho sat ma'a seltémókxa nak kóltehek.

SAN JUAN 14:21

Enxet ektahakxa enxoho apma takha' seltémókxa nak kóltehek, cham'a apkelyaheykekxoho enxoho, exekmóshok aptaha nakso' seyásekhayo. Yásekhohok sat nahan Táta m'a énxet aptaha nak seyásekhayo ko'o. Wásekhohok sat nahan ko'o xa, axekmósaxkohok sat nahan ko'o m'a énxet nak.

SAN JUAN 14:23

Aptahak axta apchátegmowágko Jesús se'e: —Enxet ektahakxa enxoho seyásekhayo ko'o, elyahakxohok ma'a ektémakxa nak sekpeywa; yásekhohok sat nahan ma'a Táta, ólchexyok sat nahan negko'o yakwayam antehek negyepetcheyo xa énxet nak, Táta tén han ko'o.

SAN JUAN 14:31

megkatnehek eyke megkatné, yakwayam enxoho elya'ásegwók apyókxoho énxet apheykha nak keso náxop sektaha seyásekhayo ko'o m'a Táta, tén han elya'ásegwók seláneya ko'o m'a apkeltémókxa nak atnehek. “Kólchaknaha. Nók ólxog.”

SAN JUAN 17:4

“Ekxekmósek axta ko'o ektémakxa aptakmalma exchep keso náxop, hakte eksawhawók axta ko'o selana sektamheykha apkeltamho axta alána' xép.

SAN JUAN 4:34

Aptahak axta apchátegmowágko Jesús se'e: —Neykhe ko'o sekto m'a selané nak cha'a apmopmenyého m'a aptaha nak seyáphaso ko'o, tén han apencheshok alának ma'a ektémakxa nak aptamheykha apkeltémo axta alána'.

SAN JUAN 8:29

Sekxegexma ko'o ma'a aptaha axta seyáphaso; meheyenyewek nahan exakko' Táta, hakte alának cha'a ko'o m'a ekleklamókxa nak apwáxok alána'.

SAN JUAN 8:55

Akke kólya'ásegkok kéxegke m'a Dios, ko'o eyke ekya'ásegko', ekxénchek agkok ko'o may'ásegko m'a Dios, sekmowána amya'a atnehek, ekhawo kéltémakxa nak kéxegke; nakso' eyke ko'o sekya'ásegkoho m'a Dios, elyaheykekxók nahan ma'a appeywa.

1 CORINTIOS 7:19

Akke tásek negko'o ólyahakxohok ma'a apkeltémókxa nak antehek Dios, megkeyxek ma'a ekyetna enxoho sẽlkahaso kélyenyekhamol'a egyempehek esenhan ma'a méko enxoho.

1 TESALONICENSES 4:1

Elyáxeg, neltennásek negko'o kéxegke yetlo nenxeyenma apwesey Wese' egegkok Jesús neltamho kóllenxanmohok kéllané m'a nentahakxa axta nelxekmóso kéxegke, yakwayam enxoho kalkohok apwáxok Dios kéltahakxa (ekhawo xa kéltahakxa nak).

HEBREOS 7:26

Jesús apteme apkemha apmonye appasmo apkelmaxnéseso Dios énxet'ák apagkok negmámenyého axta cha'a negko'o. Jesús apteme aptakmalma apagko', meyke ekmaso aptémakxa, megkeypetchegweykmohok ma'a aksok ekmanyása sempeysegkesamol'a, kélyetnakhasegkek axta anhan nepyeseksa m'a énxet'ák melya'asáxma nak, kélhésákxeyk axta nahan ma'a ektahakxa nak netno' agko' ma'a néten.

2 SAN PEDRO 2:21

Tásek axta kexaha eykhe melya'asagkek ámay ekpéwomo xa énxet'ák nak, megkaxnawok énsók ma'a apkeltémókxa nak antehek Dios ektaha nak ekpagkanamaxche apxawáya axta xa énxet'ák nak, cham'a natámen apkelya'ásegwayam enxoho.

1 SAN JUAN 2:3

Nelyahakxók agkok negko'o apkeltémókxa nak antehek Dios, egwanchek antemésesek nakso' negyekpelchágwokmo m'a Dios.

1 SAN JUAN 2:5

Negko'o ektahakxa enxoho nelyaheykekxoho Dios appeywa, nakso' katnehek nentaha negko'o negásekhayo Dios, cháxa kañék nahan negya'ásegwayam negko'o nentaha negyepetcheyo Dios xa ektaha nak.

1 SAN JUAN 2:6

Apxénchek agkok enxama aptaha apyepetcheyo Dios, kéméxchek etnehek ma'a aptémakxa axta Jesucristo.

1 SAN JUAN 5:3

Cha'a negásekhayo Dios ma'a nelyaheykekxoho nak apkeltémókxa antehek; kexyókok ma'a apkeltémókxa nak antehek Dios.

APOCALIPSIS 22:14

Apkeleñémo agko' énxet apkelyenyeso nak apkelnakta, hakte kaphemmok sat yakwayam etawagkok ekyexna m'a yámet ekyennaktésamo nak egnenyek, elepwának sat nahan elántexek ma'a tegma apwányam nak.