SAN JUAN 14:9 - Lengua Sur (Enxet) Nuevo Testamento

⁹ Aptahak axta apchátegmowágko Jesús se'e: —Felipe, wegkak ko'o sekha xamo' kéxegke, ¿yahekpelchak makham xép? Enxet ektahakxa enxoho seté ko'o, apwet'ak ma'a Táta; ¿yaksak ektaha apkeltamho nak axekmósek kéxegke Táta?

SAN JUAN 14:9 ပူးပေါင်းရင်းမြစ်များ

SAN MARCOS 9:19

Aptahak axta apchátegmowágko Jesús se'e: —¡Enxet apkelya'áseyam kéxegke! ¿Háxko sat ekwánxa ekhem kammok sekha ko'o kélnepyeseksa kéxegke? ¿Háxko sat ekwánxa ekhem kammok selenmáxamáxkoho kéxegke? Kólyentementa wokma'ák se'e.

SAN LUCAS 12:56

Kéxegke kélmeyókásamáxkoho nak kéltémakxa, kélwanchek agkok kólya'asagkohok kéxegke ektémakxa néten, tén han keso náxop, ¿Yaksak ektaha megkólewagko nak kólxének kéxegke ektahakxa aksok magkenatcheso agweta' keso negwánxa nak?

SAN JUAN 1:14

Enxet apagko' axta aptamheykekxak ma'a ektaha nak Appeywa, aphegkek axta nahan negyeseksa, negwet'ak axta anhan negko'o ektémakxa apcheymákpoho. Cháxa apcheymákpoho apmésa axta Apyap eñama apteme wánxa xama Apketche xa. Láneyok axta apwáxok segásekhayo tén han ma'a ekmámnaksoho nak.

SAN JUAN 10:30

Wánxa negko'o xama, Táta tén han ko'o.

SAN JUAN 12:45

Enxet ektahakxa enxoho seté ko'o, apwet'ak nahan ma'a aptaha axta seyáphaso ko'o.

SAN JUAN 14:20

Kólya'ásegwók sat kéxegke sektaha ko'o sekyepetcheyo Táta, cham'a ekhem sat, kólya'ásegwók sat nahan kéxegke kéltaha selyepetcheyo ko'o, tén han sektaha ko'o sekyepetcheyo kéxegke.

SAN JUAN 14:7

Elyekpelchawók agkok ko'o kéxegke, kólyekpelkohok sat nahan ma'a Táta; apkelya'ásegkok kéxegke Táta keso kaxwo' nak, hakte apwet'awók kéxegke.

SAN JUAN 8:19

Entahak axta amya'a apcháneyákpo s'e: —¿Háxko aphakxa apyap xép? Aptahak axta apchátegmowágko Jesús se'e: —Mehelya'ásegkok ko'o kéxegke, megkólya'ásegkok nahan ma'a Táta; kaxtemek axta selya'áseykegkoho kéxegke, kólya'asagkohok axta m'a Táta.

1 CORINTIOS 15:12

Neltennáha agkok negko'o m'a apxátekhágwayam axta Cristo, ¿yaksak ektaha kélxéna nak kélnápakha kéxegke menakxátekhágweykmo cha'a m'a apkeletsapma axta?

FILIPENSES 2:6

Aphawók axta eykhe m'a aptémakxa nak Dios, axta eyke elenxáneykmok exnésakpohok Dios,

COLOSENSES 1:15

Cristo apteme negweté aptémakxa m'a Dios aptaha nak metémap, cham'a Cristo aptaha nak apkemha apmonye Dios Apketche, aphegkek axta amonye elánamáxche ekyókxoho aksok.

HEBREOS 1:3

Cristo keñamak ekwetamaxko m'a ektémakxa nak apcheymákpoho Dios, hakte aphawók apagko' Cristo m'a Dios, aptaha nak han appasmo ekyókxoho aksok yetlo m'a appeywa ekha nak ekmowána. Aphákxek axta néten ekpayhókxa nak nelya'asamakxa nekha Dios aptaháno, cham'a, natámen axta segmaséseso nentémakxa mólya'asáxma.

1 SAN JUAN 5:20

Negya'ásegkok nahan negko'o m'a apwaya axta Dios Apketche, tén han segmésama negya'ásegwayam yakwayam agyekpelkohok ma'a Dios aptaha nak apmámnaksoho. Negyepetcheyók negko'o m'a aptaha nak apmámnaksoho, cham'a Jesucristo aptaha nak Dios Apketche. Cháxa Dios aptaha nak apmámnaksoho xa, aptaha nak han eñamakxa ekyennakte egnenyek megkatnegwayam enéxa.