SAN JUAN 14:6 - Lengua Sur (Enxet) Nuevo Testamento

⁶ Aptahak axta apchátegmowágko Jesús se'e: —Ko'o sekteme ámay, ekmámnaksoho, tén han ekyennakte egnenyek. Ko'o sekwánxa ahagkok apkelmeyeykemxa énxet yakwayam elmahagkok ma'a aphakxa nak Táta.

SAN JUAN 14:6 ပူးပေါင်းရင်းမြစ်များ

SAN MATEO 11:27

“Egkések axta ko'o Táta ekyókxoho aksok. Méko keykpelkohok Dios Apketche, wánxa m'a Apyap; méko nahan keykpelkohok ma'a Apyap, wánxa ékpelkohok ma'a Apketche, tén han elyekpelkohok ma'a énxet'ák apkepmenyexa enxoho Apketche ékpelchásesamhok aptémakxa Apyap.

SAN JUAN 1:14

Enxet apagko' axta aptamheykekxak ma'a ektaha nak Appeywa, aphegkek axta nahan negyeseksa, negwet'ak axta anhan negko'o ektémakxa apcheymákpoho. Cháxa apcheymákpoho apmésa axta Apyap eñama apteme wánxa xama Apketche xa. Láneyok axta apwáxok segásekhayo tén han ma'a ekmámnaksoho nak.

SAN JUAN 1:17

Moisés axta keñamak ekteyapma m'a segánamakxa, Cristo axta eyke keñamak segweyktámho negko'o m'a segásekhayo tén han ma'a ekmámnaksoho nak.

SAN JUAN 1:4

Yetnegkek axta nahan ekyennakte egnenyek ma'a. Elseyexma axta m'a ekyennakte egnenyek nak yakwayam enxoho kalsásesexma apyókxoho énxet'ák.

SAN JUAN 10:28

Ekmések ko'o elyennakte apnenya'ák megkatnegwayam enéxa m'a nekkések seknaktóso nak, meletsepek sat nahan cha'a, méko sat nahan kawának hémentók.

SAN JUAN 10:7

Aptahak axta makham Jesús apkeláneya énxet'ák se'e: “Ko'o sekteme átog apkelántaxnegweyktamxal'a nekkések. Nakso' xa sektahakxa nak seláneya kéxegke.

SAN JUAN 10:9

Ko'o sekteme átog; ewagkasakpok sat teyp énxet ektahakxa enxoho aptaxnegwé. Máxa sat etnehek ma'a nekkések aptaxnegweyktal'a apxagkok keñe m'a aptepa enxoho étak pa'at.

SAN JUAN 14:19

Kaxwo' sat kamaskok sét'a énxet'ák apkeleñamakxa apagko' nak keso náxop; kéxegke sat eyke hélwetak cha'a, kólwetak sat nahan ekyennakte kélnenya'ák, hakte kayhek ko'o egkenyek.

SAN JUAN 15:1

“Ko'o sekteme anmen yámet ekmámnaksoho agko' ektaha nak aptakmelcheso m'a Táta.

SAN JUAN 18:37

Aptahak axta apkelmaxneyeyncha'a Pilato s'e: —¿Wese' apwányam neyke exchep? Aptahak axta apchátegmowágko Jesús se'e: —Cháxa aptahakxa nak appeywa: ko'o sekteme Wese' apwányam. Ekteyekmek axta ko'o, ekwayak axta anhan keso náxop, yakwayam axének ma'a amya'a ektaha nak ekmámnaksoho agko'. Yeyxhok cha'a sekpeywa ko'o m'a apyókxoho énxet'ák ektaha nak apkelyaheykekxoho amya'a ekmámnaksoho.

SAN JUAN 5:21

Apnakxétekháseykmek cha'a ko'o Táta m'a apkeletsapma axta, egkéshok nahan cha'a elyennakte apnenya'ák, hawók nahan aptémakxa nak Apketche apkelmeyáseykegko cha'a elyennakte apnenya'ák ma'a apmokókxa enxoho egkések.

SAN JUAN 6:33

Cha'a pan segmésamol'a cha'a Dios ma'a apwéweykento axta apkeñama néten, egkéshok nahan cha'a elyennakte apnenya'ák énxet apheykha nak keso náxop.

SAN JUAN 6:51

Ko'o sekteme xa pan memassegwayam nak apwéweykento axta apkeñama néten; énxet ektahakxa enxoho apto xa pan nak megyetsepek sat. Sekyókxoho ahagko' ko'o m'a pan peya nak agkések kéxegke, yakwayam enxoho egkések elyennakte apnenya'ák apyókxoho énxet'ák apheykha nak keso náxop.

SAN JUAN 6:57

Yetneyk ekyennakte egnenyek ma'a Táta aptaha axta seyáphaso ko'o, Táta anhan keñamak ekyennaktama egkenyek ko'o; ekhawo nahan ektémakxa énxet ektahakxa enxoho apto ahápetek ko'o, étak sat ekyennakte apnenyek eñama ko'o.

SAN JUAN 6:68

Aptahak axta apchátegmowágko Simón Pedro s'e: —Wese', ¿yaksak agya'ammok negko'o? Xép appeywa ekteme amya'a ekyennaktésamo egnenyek megkatnegwayam enéxa.

SAN JUAN 8:32

kólya'ásegwók sat kéxegke ma'a amya'a ekmámnaksoho nak, katnésesek sat kéxegke megkólmomaxche xa amya'a ekmámnaksoho nak.

SAN JUAN 8:51

Enxet ektahakxa enxoho apkelyaheykekxoho sekpeywa megyetsepek sat. Nakso' xa sektahakxa nak seláneya kéxegke.

LOS HECHOS 3:15

Cháxa ektahakxa axta kélakha kéxegke m'a énxet segmésamo nak ekyennakte egnenyek. Wánxa agkok, Dios axta eyke apxátekhásekmok, negko'o eyke ektaha negweteykegkoho xa.

LOS HECHOS 4:12

Méko pók énxet ekyetna m'a nelwagkásamáxche teyp nak, hakte axta hegmeyásak negko'o Dios pók énxet yakwayam hẽlwagkasek teyp keso náxop.

LOS HECHOS 9:2

apkelmaxnakkek axta weykcha'áhak apxawayol'a énxet yakwayam emhagkok apchakneykekxexa énxet'ák judíos ma'a tegma apwányam Damasco, yakwayam enxoho elchetmok ma'a énxet'ák ektaha axta apkelyetlo ámay axnagkok, énxet'ák tén han kelán'ák, yakwayam enxoho nahan elmok enaklakxak ma'a Jerusalén.

ROMANOS 15:16

yakwayam atnehek Cristo apkeláneykha, yakwayam apasmok ma'a énxet'ák metnaha nak judíos. Hawók ko'o sektamheykha m'a ektémakxa nak apkeltamheykha énxet'ák appasmo nak apkelmaxnéseso apnámokkok, cham'a ektémakxa nak seklegaso amya'a eñama Dios. Emenyék anaklakxak nápakto' Dios énxet'ák metnaha nak judíos ektémol'a aksok kélméso Dios ekleklamol'a apwáxok, aptemésesama nak apkelpagkanamap Espíritu Santo yakwayam emok takha' Dios.

ROMANOS 5:2

Cristo keñamak negkegwagko negko'o agyo'ókxak kaxwo' Dios eñama m'a magya'áseyam nak, yakwayam enxoho kalkohok apwáxok negko'o Dios. Magyensakmok nahan negyennaktésamo nenteme magya'áseyam, awanhek nahan negko'o ekpayheykekxa egwáxok neyseksók nelhaxanma hegwatámhok negko'oxa m'a ektémakxa nak Dios apcheymákpoho.

ROMANOS 5:21

Yetnegkek axta ekmowána mólya'asáxma yakwayam katekkesek nétsapma, ekhawo nahan ektémakxa m'a Dios segásekhayo nak, yetnegkek axta nahan ma'a yakwayam enxoho hẽltemésesek nelpéwomo, tén han hegmések ekyennakte egnenya'ák megkatnegwayam enéxa eñama m'a Jesucristo Wese' egegkok.

1 CORINTIOS 15:45

Temegkek eknaktáxésamaxche weykcha'áhak se'e: “Apmonye apkelánamap énxet axta Adán, axta aptemék se'e nentémakxa nak negko'o nelyenna nak”; keñe axta m'a Adán ektaha axta apwé axayók agko', espíritu segmésamo ekyennakte egnenyek akke m'a.

EFESIOS 2:18

Cristo nahan keñamak negkegwagko negko'o antehek negyepetcheyo Dios Egyap negyókxoho nak, judíos tén han ma'a énxet'ák metnaha nak judíos, eñama m'a aptaha nak apwánxa xama Espíritu.

COLOSENSES 2:17

Cháxa ektaha nak ekyetchesamaxkoho aksok peya nak kawa' xa ekyókxoho nak, Cristo eyke apteme apmámnaksoho.

COLOSENSES 2:9

Hakte ekyókxoho aptémakxa nak Dios, sawhomáxkók ekyetnama m'a ektémakxa axta apyókxa Cristo apwaya keso náxop.

COLOSENSES 3:4

Cristo neykhe xa ektémakxa nak kélyennakte kéxegke. Apkexyekmek sat agkok makham Cristo keso náxop, kéxegke sat nahan kóltehek kélxegexma, kawakxohok sat nahan kéxegkáxa m'a ektémakxa nak apcheymákpoho.

HEBREOS 7:25

Ekeso eñamakxa apkepwagko nak Jesús elwagkasek teyp megkatnegwayam enéxa m'a énxet'ák apkelya'eykekxa nak Dios eñama m'a Jesús, hakte apheyk makham ma'a yakwayam enxoho yának epasmok Dios xa énxet'ák nak.

HEBREOS 9:8

Cháxa segya'asáseykegkoho axta Espíritu Santo megkamayhamakxa axta makham ma'a nentaxnamakxa nak kañe' tegma appagkanamap ektahakxa nak ekpagkanamaxchexa agko', cham'a ekyetnamakxa axta makham émha amonye apwáxok xa tegma appagkanamap nak.

1 SAN PEDRO 1:21

Cristo nahan keñamak kéltaha megkólya'áseyam kéxegke Dios, cham'a Dios aptaha axta apxátekháseyam Cristo, aptaha axta anhan apméso apcheymákpoho; cháxa keñamak kéltéma nak kéxegke megkólya'áseyam Dios xa, tén han ma'a ektémakxa nak elhaxneykha kélwáxok.

1 SAN PEDRO 2:4

Kólyo'ókxa kéxegke Wese' egegkok Jesús aptaha nak meteymog megkamassegwayam, cham'a apyamasma axta énxet'ák, keñe axta Dios aptaha apkelyéseykha xa meteymog nak, ekxeyenma nahan apwáxok ektaha ektakmalma agko'.

1 SAN PEDRO 3:18

Hakte apketsekkek axta anhan Cristo eñama m'a ektémakxa nak negko'o mólya'asáxma, wánxa nahan xama apketsapma, meyke teyp. Tásek axta aptémakxa Cristo, wánxa agkok, aplegágkok axta eyke aptaha segyanmaga negko'o nenteme nak ekmaso nentémakxa, yakwayam enxoho enaklakxak kéxegke m'a aphamakxa nak Dios. Apketsekkek axta ekhawo ektémakxal'a ótsapok nenteme nak énxet, wánxa agkok apxátekhágwokmek axta eyke eñama apteme apkeñamakxa apagko' ma'a néten.

1 SAN JUAN 1:8

Nenxénchek agkok negko'o manláneya mólya'asáxma, magakhémo egagko' antehek nentahakxa nempeywa, megkeytek nahan egwáxok negko'o m'a amya'a ekmámnaksoho nak;

1 SAN JUAN 2:23

Negko'o ektahakxa enxoho manxeyenma apwesey Dios Apketche mantehek negyepetcheyo m'a Dios Egyap; negko'o ektahakxa enxoho nenxeyenma apwesey Dios Apketche, antehek negyepetcheyo m'a Dios Egyap.

1 SAN JUAN 5:20

Negya'ásegkok nahan negko'o m'a apwaya axta Dios Apketche, tén han segmésama negya'ásegwayam yakwayam agyekpelkohok ma'a Dios aptaha nak apmámnaksoho. Negyepetcheyók negko'o m'a aptaha nak apmámnaksoho, cham'a Jesucristo aptaha nak Dios Apketche. Cháxa Dios aptaha nak apmámnaksoho xa, aptaha nak han eñamakxa ekyennakte egnenyek megkatnegwayam enéxa.

1 SAN JUAN 5:6

Apwa'ak axta Jesucristo yetlo yegmen, magkenatcheso kélyakpásesama yegmen, tén han yetlo éma magkenatcheso m'a apketsapma axta; háwe axta ekwánxa agkok yegmen, yegmen yetlo éma axta eyke anhan. Espíritu nahan apxeyenma ektaha nakso' xa, apmámnaksoho nahan xa Espíritu nak.

2 SAN JUAN 1:9

Negko'o ektahakxa enxoho negmáheyo agyeykhasagkohok ektémakxa axta sẽlxekmóso Cristo, mantehek negyepetcheyo Dios, keñe m'a énxet ektahakxa enxoho meyenseyam ektémakxa axta nelxekmowásamáxche eñama Cristo, etnehek apyepetcheyo Dios Egyap xa, tén han ma'a Apketche.

APOCALIPSIS 1:5

tén han eleñama m'a Jesucristo, aptaha nak ekmámnaksoho agko' apxeyenma aptémakxa Dios, aptaha axta nahan apmonye apxátekhágwayam nepyeseksa apkeletsapma axta, aptaha nak han ekha kélyaheykekxoho nepyeseksa kelwese'e apkelwányam nak keso náxop. Egásekhayok negko'o Cristo, egmasésesek axta nahan mólya'asáxma, cham'a apyegkena axta éma apagkok,

APOCALIPSIS 19:11

Ekwet'ak axta ko'o aptepa yatnáxeg apmopé ekmayhekxo m'a néten. Enxet ekmámnaksoho meyenseyam apyetlo Dios axta apwesey m'a ektaha axta apchánte, hakte ekpéwomo agko' axta m'a ektémakxa axta apyekpelchémo énxet'ák, tén han ma'a ektémakxa axta apkelané kempakhakma.

APOCALIPSIS 20:15

cham'a kélchexeykxa axta nahan énxet'ák megkaxneykegko nak apkelwesey m'a weykcha'áhak eknaktáxésamaxchexa nak apkelwesey énxet'ák peya nak elxawagkok ekyennakte apnenya'ák.

APOCALIPSIS 22:1

Exekmósek axta ko'o xama Dios apchásenneykha wátsam eyáxñeyo yegmen, yegmen ekyennaktésamo egnenyek axta m'a. Yagkáxawók axta yegmen, máxa axta m'a sokpeysyamla'a elyenma. Axta keñamak ektepa m'a aphamakxa nak néten aptaháno Dios tén han ma'a Nekkések Apketkok,

APOCALIPSIS 22:17

Aptahak seyáneya Espíritu aptakmalma tén han Nekkések Apketkok aptáwa s'e: “¡Empoho!” Enxet ektahakxa enxoho aplegé etne nahan appeywa s'e: “Empoho” Hem agkok enchakhak énxet, cham'a, apmopmenyého nak ének yegmen, empoho eyhagwata s'e yegmen ekyennaktésamo nak egnenyek meyke ekyanmaga.

APOCALIPSIS 3:14

“Etáxéses nahan Dios apchásenneykha nak ma'a apchakneykekxexa nak énxet tegma apwányam Laodicea: ‘Keso aptahakxa nak appeywa aptaha nak apmámnaksoho s'e, aptaha nak han meyeykháseykegkoho appeywa, ekmámnaksoho agko' nahan etnehek appeywa, aptaha nak han eñamakxa ekyókxoho aksok ektaha axta Dios apkelané:

APOCALIPSIS 3:7

“Etáxéses nahan Dios apchásenneykha nak ma'a apchakneykekxexa nak énxet tegma apwányam Filadelfia: ‘Keso aptahakxa nak appeywa m'a aptaha nak aptakmalma, aptaha nak han apmámnaksoho, cham'a apmeykencha'a nak wese' apwányam David ketchesama átog apagkok, cham'a magmowána nak agápekxa' apmeykesa enxoho m'a, magwanchek nahan agmeykesek apchapeykxo enxoho;