SAN JUAN 14:28 - Lengua Sur (Enxet) Nuevo Testamento

²⁸ Kélleg'ak axta kéxegke sekxéna ko'o peya atakhekxa', tén han peya awatak makham yakwayam axnaták kélnepyeseksa kéxegke. Nakso' agkok selásekhayo ko'o kéxegke, kalpayhekxak kélwáxok kélyekpelcha enxoho peya amyekxak ko'o m'a aphakxa nak Táta, hakte maxnawo ko'o Táta.

SAN JUAN 14:28 ပူးပေါင်းရင်းမြစ်များ

SAN MATEO 12:18

“Keso seyásenneykha ko'o s'e, ko'o axta selyéseykha, aptaha nak han seyásekhayo, leklamok nahan ewáxok aptémakxa. Agkések sat nahan ko'o Espíritu ahagkok, eltennasha sat nahan apyókxoho énxet'ák ma'a ekxeyenma nak ko'o ewáxok ektaha ekpéwomo.

SAN JUAN 10:38

Élanak agkok ko'o sektamheykha neyseksa eykhe selya'áseyam, nágkólya'asem ma'a aksok selané nak ko'o, yakwayam enxoho kólya'ásegwomhok sektaha ko'o sekyepetcheyo m'a Táta.

SAN JUAN 13:16

Enxet ektaha nak kélásenneykha metnehek cha'a apyeykhágweykmoho wese' apagkok, keñe m'a énxet ektaha nak kéláphaso metnehek cha'a apyeykhágweykmoho m'a ektaha nak apcháphaso.

SAN JUAN 14:12

Enxet ektahakxa enxoho mehey'áseyam ko'o, elának sat ma'a ektémakxa nak cha'a ko'o aksok selané, kayeykhágwomhok sat nahan apkelané aksok ekwánxa nak ko'o selané, hakte peyk ko'o amyekxak ma'a aphakxa nak Táta, nakso' xa sektahakxa nak seláneya kéxegke.

SAN JUAN 14:18

“Makxeykxek sat ko'o kéxegke; awatak sat makham yakwayam axek kélnepyeseksa kéxegke.

SAN JUAN 16:7

tásek eyke atakhekxak ko'o yakwayam enxoho kapasmok kéxegke. Hakte agkok atakhákxak ko'o, meweyk yakwayam exnak kélnepyeseksa kéxegke m'a aptaha nak Apmasma kéxegke; ektakhakxeyk sat agkok ko'o, wáphásesek sat kéxegke m'a. Nakso' xa sektahakxa nak seláneya kéxegke.

SAN JUAN 20:17

Aptahak axta apcháneya Jesús se'e: —Náhepaknegwoho, hakte mamyákxak ko'o makham ma'a aphakxa nak Táta. Katakhoho, kaltennásekxa sat elyáxeg peya amyekxak ko'o kaxwo' ma'a aphakxa nak Táta, aptaha nak kélyap kéxegke, aptaha nak han Dios ahagkok tén han Dios kélagkok kéxegke.

SAN JUAN 20:21

Keñe axta aptaha makham apkeláneya Jesús se'e: —¡Meyke ektahakxa kélwáxok sat katnehek kéxegke! Eláphásek ko'o kéxegke ekhawo ektahakxa axta seyáphaso ko'o Táta.

SAN JUAN 5:18

Yágwokmók axta aksa apmáheyo yakhek énxet'ák judíos ma'a Jesús, háwe axta ekwánxa agkok ellókasa énxet'ák judíos metakmelchesa Jesús ma'a eltémókxa nak antehek ekhem nellókasamakxa nelyampé, axta eyke keñamak nahan ma'a apxéna axta Jesús aphawo Dios, cham'a apxéna axta Jesús aptaha Apyap ma'a Dios.

SAN JUAN 7:33

Keñe axta aptaha Jesús apkeláneya énxet'ák se'e: —Yakwatakxoho sat axek ko'o kélnepyseksa kéxegke, keñe sat amyekxak makham ma'a aphakxa nak ektaha axta seyáphaso.

1 CORINTIOS 11:3

Wánxa agkok, eltamhok eyke ko'o kólya'asagkohok kéxegke Cristo apteme apkemha apmonye apagkok énxet, keñe m'a énxet ekha nak aptáwa apteme apkemha apmonye agkok ma'a aptáwa, ekhawo ektémakxa nak han ma'a Cristo apteme apkemha apmonye apagkok ma'a Dios.

1 SAN PEDRO 1:8

Kélásekha'awok kéxegke Jesucristo, eykhe kólweteyk xama enxoho; megkólya'aseykmok nahan kéxegke neyseksa megkólwetayo keso kaxwo' nak, awanhek nahan ekpayheykekxa kélwáxok kéxegke, cham'a magmowánal'a anxének ekwánxa ekyawe hakte tasók agko',

APOCALIPSIS 1:11

Entahak axta amya'a seyáneyáxko s'e; “Etaxés sat weykcha'áhak ektahakxa nak apweté, yapháses sat ma'a siete apchakneykekxexa nak yókxexma Asia, cham'a Efeso tén han ma'a Esmirna, tén han ma'a Pérgamo, tén han ma'a Tiatira, Sardis, Filadelfia, tén han ma'a Laodicea.”