SAN JUAN 14:27 - Lengua Sur (Enxet) Nuevo Testamento

²⁷ “Ekpekkenchásekxeyk kéxegke meyke ektahakxa kélwáxok. Ekmések ko'o kéxegke meyke ektahakxa kélwáxok eñama nak ko'o, megkaxnawók ma'a ektémakxal'a segméso meyke ektahakxa egwáxok énxet apheykha nak keso náxop. Nágkatneykha kélwáxok, nágkólé' nahan.

SAN JUAN 14:27 ပူးပေါင်းရင်းမြစ်များ

SAN MATEO 10:26

“Nágkólé' aksa kéxegke énxet. Ekyókxoho aksok ekyexamaxche nak keyphogwatámhok sat, kólya'ásegwomhok sat nahan ma'a aksok ekpowásamáxkoho nak.

SAN LUCAS 1:79

yakwayam enxoho kalsásesexma m'a énxet'ák apheykha nak ekyaktésakxaxma, yakwayam hennaklakxak ma'a ámay ekyetnamakxa nak meyke ektahakxa egwáxok.”

SAN LUCAS 10:5

Kéltaxnegwokmek sat agkok kañe' tegma, kólteme sat sekxo' kólpeykesek se'e: ‘Tásek sat kélha kéxegke.’

SAN LUCAS 12:4

“Kéxegke eltennásak se'e enámokkok selásekhayo: nágkólé' aksa énxet apmopwána nak hegakhek, hakte mopwanchek hegakhekxak cha'a natámen segakhe.

SAN LUCAS 2:14

“¡Apcheymákpoho sat kóltemésesek Dios apha nak ma'a néten! ¡Keytek sat meyke ektahakxa egwáxók keso náxop nepyeseksa m'a énxet'ák appasmoma nak cha'a Dios!”

SAN JUAN 14:1

“Nágkatneykha kélwáxok. Kólteme megkólya'áseyam Dios, kólteme nahan mehelya'áseyam ko'o.

SAN JUAN 16:33

Eltennásek kéxegke ekyókxoho xa, yakwayam enxoho kólwetak meyke ektahakxa kélwáxok neyseksók selyepetcheyo ko'o. Kóllegagkohok sat kéxegke keso náxop; wánxa agkok, kólteme kélwaskápeykekxoho, ekmalanchek ko'o ektémakxa nak keso náxop.

SAN JUAN 20:19

Xama axta ekyaktésa m'a émha amonye ekxega ekhem la'a, apchápeykxók axta átog apchaknákxo apkeltámeséyak kañe' tegma, hakte judíos axta apkelakak. Aptaxneyk axta Jesús ma'a, apkenegwokmek axta nepyeseksa apkeltámeséyak. Aptahak axta apkelpeykásegko s'e: —¡Meyke ektahakxa kélwáxok sat katnehek kéxegke!

SAN JUAN 20:21

Keñe axta aptaha makham apkeláneya Jesús se'e: —¡Meyke ektahakxa kélwáxok sat katnehek kéxegke! Eláphásek ko'o kéxegke ekhawo ektahakxa axta seyáphaso ko'o Táta.

SAN JUAN 20:26

Ocho ekhem axta entahak ekyeykhe, keñe axta apchaknákxo makham Jesús apkeltámeséyak xama tegma, apheyk axta kaxwo' Tomás ma'a. Apkelápégkakxók axta nahan atña'ák, aptaxnegwokmek axta eyke Jesús ma'a, apkenegwokmek axta nepyeseksa. Aptahak axta apkelpeykásegko s'e: —Meyke ektahakxa kélwáxok sat katnehek kéxegke.

LOS HECHOS 10:36

Apkelpakhetchesek axta Dios Israel aptawan'ák neptámen, apkeltennásek axta amya'a meyke ektahakxa egwáxok eñama nak Jesucristo, aptaha nak Wese' meyke ekhémo negyeseksa negko'o.

LOS HECHOS 18:9

Xama axta'a axta appakhetchásak Wese' egegkok Pablo, máxa axta apwanmagko aptaha apcháneya s'e: “Nágye Pablo; elenxanmoho aplegaso amya'a eñama nak Dios. Ná ewanmegwom,

ROMANOS 15:13

Emenyék ko'o eyáncheseshok kéxegke ekpayheykekxa kélwáxok Dios, tén han etnésesek meyke ektahakxa kélwáxok kélteme nak megkólya'áseyam ma'a, tén han etnésesek ekmámnaksoho agko' megkólya'áseyam yakwánxa etnésesek Dios kélmonye, eñama Espíritu Santo apmopwána, cham'a Dios segmésamol'a cha'a nelhaxneykha.

ROMANOS 5:1

Ẽltemésesegkek negko'o nelpéwomo eñama magya'áseyam, nelásekháxchekxók nahan negko'o Dios, eñama m'a Wese' egegkok Jesucristo.

ROMANOS 5:10

Entemésesek axta negko'o nelásekhamaxchekxoho Dios eñama m'a apketsapma axta Apketche, cham'a nentémakxa axta makham nenmexeykha Dios, sat eyke ekyagwánxa agkok yakwayam ólwagkasaxchek teyp keso nelásekháxchekxoho nak kaxwo' Dios.

ROMANOS 8:6

Xénaha agkok aksa egwáxok wánxa m'a nentémakxa egagko' nak, cháxa segya'asamol'a nétsapmakxa xa; keñe m'a ekxéneykha nak egwáxok aksok apkeltémókxa nak anlának Espíritu, cháxa segmésamol'a ekyennakte egnenya'ák xa, tén han meyke ektahakxa egwáxok.

1 CORINTIOS 1:3

Dios Egyap tén han Jesucristo Wese' egegkok sat etnehek apméso naksa kéxegke m'a ektémakxa nak segemleykekxoho, tén han ma'a meyke ektahakxa egwáxok, ektaha nak apagkok ma'a.

GÁLATAS 1:3

Dios Egyap, tén han Jesucristo Wese' egegkok sat etnehek apméso naksa kéxegke m'a ektémakxa nak segemleykekxoho, tén han ma'a meyke ektahakxa egwáxok nak.

GÁLATAS 5:22

Akke ektaha nak aptekkeso Espíritu s'e: nelásekhamaxkoho, ekpayheykekxa egwáxok, meyke ektahakxa egwáxok, mampekhésamaxche, negapeykha egmók, ektakmeleykha egwáxok, mantemeseseykmohoxma egmók,

GÁLATAS 6:16

Emenyék ko'o keytek meyke ektahakxa apwáxók, tén han Dios segemleykekxoho apyókxoho énxet'ák aptamhéyak nak sektémakxa nak ko'o, tén han ma'a apyókxoho énxet'ák ektaha nak ekmámnaksoho Dios énxet'ák apagkok.

FILIPENSES 4:7

keñe sat egkések kéxegke Dios meyke ektahakxa egwáxok eñama nak ma'a Dios, cham'a ektaha nak ekyawe agko', ekyeykhágweykmoho nak ma'a ekweykenxal'a apya'áseyak énxet; katakmelchesesek sat kélwáxok kéxegke xa meyke ektahakxa egwáxok eñama nak Dios, tén han ma'a ektémakxa nak elchetamso kélwáxok, hakte kélyepetcha'awók kéxegke Cristo Jesús.

COLOSENSES 1:2

sektáxésesa weykcha'áhak ẽlyáxeg'a meyenseyam nak apkelyetlo Cristo, apheykha nak ma'a tegma apwányam Colosas, cham'a ektaha nak Dios énxet'ák apagkok. Dios Egyap sat etnehek apméso naksa kéxegke m'a ektémakxa nak segemleykekxoho, tén han egkések meyke ektahakxa kélwáxok eñama nak Dios.

COLOSENSES 1:20

Apmenyék axta Dios katnekxak eyásekheykekxoho ekyókxoho aksok ekhéyak nak keso náxop, tén han ekhéyak nak ma'a néten eñama m'a Cristo. Apkelanak axta Dios xa negásekheykekxoho nak, eñama m'a ekyegkenamaxche axta éma apagkok Cristo néten aksok ektegyéso.

COLOSENSES 3:15

Meyke ektahakxa egwáxok eñama Cristo sat katnehek ekpékesáseyak kélwáxok kéxegke. Axta keñamak apkelwóneykencha'a kéxegke Dios xa, yakwayam enxoho hentemesásekxak ektémakxal'a wánxa xama negyókxa. Kólmes nahan ekxeyenma kélwáxok Dios.

2 TESALONICENSES 1:2

Dios Egyap tén han Wese' egegkok Jesucristo sat etnehek apméso naksa kéxegke m'a ektémakxa nak segemleykekxoho tén han meyke ektahakxa kélwáxok.

2 TESALONICENSES 3:16

Wese' egegkok aptaha nak eñamakxa meyke ektahakxa egwáxok sat egkések kéxegke meyke ektahakxa kélwáxok ekyókxoho ekhem, cham'a ekyókxoho ektémakxa nak meyke ektahakxa egwáxok. Wese' egegkok sat exek kélnepyeseksa kélyókxoho kéxegke.

2 TIMOTEO 1:7

Hakte axta hegmesók negko'o Dios yakwayam antehek eyeye egwáxok, wánxa axta segmésama m'a negmowána, negásekhayo, tén han ma'a negmowána nak anlanagkohok nentémakxa.

HEBREOS 13:20

Dios segmésamol'a meyke ektahakxa egwáxok sat etnésesek kéxegke kélpéwomo, tén han etnésesek kéxegke eltakmela kéltémakxa neyseksa kéllané m'a ekyókxoho aksok nak, yakwayam enxoho kóllának kéxegke m'a ektémakxa nak apmopmenyého Dios, tén han hentemésesek negko'o xa m'a apmokókxa enxoho hentemésesek, eñama m'a Jesucristo, cham'a Dios apxátekhásekmo axta Wese' egegkok Jesús nepyeseksa énxet'ák apkeletsapma, cham'a Jesús aptaha nak apkeláneykha nekkések apagko', cham'a aptemésesa axta ekmámnaksoho m'a nelpakhetchásamáxkoho nak Dios megkatnegwayam enéxa eñama m'a ekyegkenamaxche axta éma apagkok. ¡Apcheymákpoho sat cha'a kóltemésesek Cristo! Katnahagkok sat.

HEBREOS 7:2

Keñe axta apmésa cha'a Abraham Melquisedec xama aksok, cham'a ekyókxoho aksok ekwokmo axta cha'a diez ekyókxoho apkelma eñama apwatno kempakhakma. “Wese' apwányam appéwomo” nenteme nempeywa xa kélwesey nak Melquisedec; wese' apwányam tegma apwányam Salem axta anhan ma'a, nenteme nak nempeywa “wese' apwányam segmésamo nak meyke ektahakxa egwáxok”.

APOCALIPSIS 1:4

Ko'o Juan, ektáxésesek ko'o siete apchakneykekxexa nak ma'a yókxexma Asia. Kólma kéxegke segméso naksa nak Dios segemleykekxoho, tén han ma'a meyke ektahakxa egwáxok eñama nak ma'a Dios, cham'a apha nak kaxwo', cham'a aphama axta nahan nano' axta, cham'a peya nak han ewata', cháxa eleñama nak han ma'a siete espíritu apheyncha'a nak nápakto' Wese' apwányam Dios aphamakxa xa,

APOCALIPSIS 2:10

Nágyé' aksa m'a yakwánxa nak katnehek aplegeykegkoho exchep, hakte kañe' sẽlpextétamakxa sat kaxatmok kéxegke kélnápakha kelyekhama', yakwayam enxoho keykkónaxchek kéxegke m'a ektémakxa nak megkólya'áseyam; kóllegagkohok sat kéxegke ekweykmoho diez ekhem. Elenxanmoho exchep apyennaktésamo apteme mey'áseyam, nágyeyx ma'a peya enxoho emátog, agkések sat xép sekméso naksa ekyennakte apnenyek.

APOCALIPSIS 21:8

Keñe m'a énxet apcháyo nak aksok, tén han ma'a énxet'ak apkelyenseyam nak apteme melya'áseyam, tén han ma'a énxet'ák ekmaso nak apkeltémakxa, tén han ma'a énxet'ák apchakhamol'a pók, tén han ma'a énxet'ák ekmaso nak apkeltémakxa kalmopsexta'a, tén han ma'a énxet'ák aptamhéyak nak kelyohóxma'a, tén han ma'a énxet'ák apkelpeykesamo nak kéleykmáseso, tén han ma'a apyókxoho énxet'ák apkelmopwancha'a amya'a nak, sat kalpehemmok apkelmahéyak neyseksa aksok ánek eyálewomakxa xa énxet'ák nak, cham'a ektahakxa nak ánet nétsapma.”