SAN JUAN 14:26 - Lengua Sur (Enxet) Nuevo Testamento

²⁶ Espíritu Santo sat eyke elxekmósek kéxegke ekyókxoho aksok, elya'asásegwakxohok sat nahan ma'a ekyókxoho sektémakxa nak selanagkama kéxegke, cham'a Espíritu aptaha nak Apmasma kéxegke, peya nak yáphásesek kéxegke Táta eñama ko'o sekwesey.

SAN JUAN 14:26 ပူးပေါင်းရင်းမြစ်များ

SAN MATEO 1:18

Axta temék apteyékmo Jesucristo s'e: María axta egken, pagkanmeyk axta yakwayam katnehek atáwa m'a José; wetáxchek axta ektaha lóso' amonye yakwayam kalyamhopagkok eñama apmopwána m'a Espíritu Santo.

SAN MATEO 1:20

Xéneykha axta apwáxok etnehek xa, cham'a apxekmowásekpoho axta xama Wese' egegkok apchásenneykha apwanmagko. Aptahak axta apcháneya s'e: “José, David aptáwen neptámen, nágyé' aksa etnehek aptáwa María, Espíritu Santo keñamak apteméseso m'a peya nak kóta' étche.

SAN MATEO 28:19

Kólmohok sat apheykegkaxa nak énxet ekyókxoho yókxexma keso náxop, kólteméses nahan seltameséyak ko'o m'a, kólyakpásesák nahan yegmen yetlo kélxeyenma apwesey m'a Táta, Apketche, tén han ma'a Espíritu Santo.

SAN MATEO 3:11

Yegmen ko'o ekmáha sekyakpásásegko kéxegke yegmen yakwayam enxoho wának kólyakmagkasek kélwáxok; wánxa agkok, énxet apxegakmo nak netámen ko'o eyakpásesagkok sat kéxegke Espíritu Santo tén han yetlo táxa. Apmopwána eghak ma'a maxnawok ko'o, megkapayhawok alsókasek ko'o apkeltéto apmagkok.

SAN MARCOS 12:36

Hakte David axta m'a aptekkesesama axta elchetamso apwáxok Espíritu Santo aptéma axta appeywa s'e: ‘Aptahak axta Wese' Dios appakhetchesa Wese' ahagkok Mesías se'e: Exa ekpayhókxa nak selya'asamakxa, Ekwokmoho seknegkenchesa kóneg apmagkok ekyókxoho apkelenmexma nak.’

SAN MARCOS 13:11

Nágkatneykha aksa kélwáxok ma'a yakwánxa enxoho kóltehek kélpeywa, cham'a kélnaklawa enxoho aphágkaxa kelwese'e. Kólteme sat kélpeywa m'a apmésakxa enxoho Dios yakwayam kóltehek kélpeywa, cham'a ektaha sat kéxegke xa. Háwe sat kéxegke kélagko' ekteyapma kélpeywa. Espíritu Santo sat eyke epakmétek.

SAN LUCAS 1:15

hakte ekha kéláyo sat kóltehek nápakto' Dios ma'a apketche peya nak etyamok. Ménhek sat vino tén han ma'a anmen agko' nak, elánhok sat nahan apwáxok Espíritu Santo amonye aptéyam ma'a.

SAN LUCAS 1:35

Aptahak axta apchátegmowágko Dios apchásenneykha s'e: Eweywenták sat Espíritu Santo takháxet xeye', káhapwatak sat Dios meyke ekhémo apmopwána, máxa yaphopé sat katnehek. Ekeso eñamakxa peya nak eltamhakpok Appagkanamap, tén han Dios Apketche m'a sakcha'a peya nak etyamok.

SAN LUCAS 1:41

Xama axta ekleg'a Isabel ektahakxa ekpeykeso María, keñe axta apkeltakhaheyncha'a sakcha'a m'a awáxok, aplanawók axta nahan awáxok Espíritu Santo.

SAN LUCAS 1:67

Aplanawók axta apwáxok Espíritu Santo Zacarías aptaha axta sakcha'a apyap, aptahak axta apxéna amya'a eñama Dios se'e:

SAN LUCAS 11:13

Kélya'ásegkok agkok kélméso aksok eltakmela kélketchek, kéxegke kéltaha nak ekmaso kéltémakxa, ¡eyagwánxa agkok apmopwána egkések Espíritu Santo énxet ektahakxa enxoho apkelmaxnagko m'a Kélyap apha nak néten!

SAN LUCAS 2:25

Aphegkek axta xama énxet apwesey axta Simeón ma'a tegma apwányam Jerusalén. Enxet appéwomo axta m'a, elpeykeshok axta cha'a Dios, apkelhaxanmeyk axta anhan etnésásekxak Dios énxet'ák Israel ma'a ektémakxa axta apheykha nano'. Espíritu Santo axta aphak xamo' ma'a Simeón,

SAN LUCAS 24:49

Wáphásesek sat kéxegke m'a apxeyenma axta egkések kéxegke Táta. Kólhakha sat kéxegke s'e tegma apwányam Jerusalén ekwokmoho kélxaka kélmowána eñama nak néten.

SAN LUCAS 3:22

Apweywentek axta Espíritu Santo apkenmágkaxa Jesús, máxa axta aptahak wáx'ay apwetákpo. Legáxchek axta anhan kélpeywa eñama néten. Entahak axta s'e: —Xép apteme hatte seyásekhayo, selyéseykha ahagko' axta ko'o.

SAN JUAN 1:33

Axta ko'o makham ay'áseykegkok aptémakxa m'a; wánxa agkok, aptahak axta seyáneya ektaha axta seyáphaso yakwayam ayakpásesagkok yegmen énxet se'e: ‘Apwet'ak sat agkok xép apwéweynto Espíritu, tén han apyakwa'a enxoho apyetseksek énxet, cháxa apyakpasáseykegkohol'a yegmen énxet yetlo Espíritu Santo xa.’

SAN JUAN 12:16

Axta elya'ásegkok sekxo' Jesús apkeltámeséyak xa ektahakxa axta, wánxa agkok xénwokmek axta apwáxók ekyetnama eknaktáxésamaxche ekxeyenma m'a Jesús, cham'a kélmésa axta apcheymákpoho natámen kélxátekháseyam.

SAN JUAN 14:16

Wának sat ko'o yáphásesek kéxegke Táta pók Apmasma aptaha nak Espíritu apmámnaksoho, yakwayam enxoho cha'a exek kélnepyeseksa kéxegke. Enxet'ák ektaha nak apkeleñamakxa apagko' keso náxop mopwanchek exkak xa Espíritu nak, hakte metyehe', mékpelchehek nahan. Kéxegke eyke kélya'ásegkok, hakte apheyk kélnepyeseksa, exek sat nahan cha'a kélwáxok.

SAN JUAN 14:25

“Eltennásek ko'o kéxegke ekyókxoho xa neyseksók sekha makham kélnepyeseksa kéxegke;

SAN JUAN 15:26

“Apxegakmek sat agkok ma'a Apmasma kéxegke peya nak wáphásesek, aptaha nak Espíritu apmámnaksoho apkeñama nak ma'a aphakxa nak Táta, sat etnehek apxeyenma sekwesey ko'o m'a.

SAN JUAN 16:7

tásek eyke atakhekxak ko'o yakwayam enxoho kapasmok kéxegke. Hakte agkok atakhákxak ko'o, meweyk yakwayam exnak kélnepyeseksa kéxegke m'a aptaha nak Apmasma kéxegke; ektakhakxeyk sat agkok ko'o, wáphásesek sat kéxegke m'a. Nakso' xa sektahakxa nak seláneya kéxegke.

SAN JUAN 2:22

Ekeso eñamakxa ekxeyenwákxoho axta apwáxók apkeltámeséyak aptémakxa appeywa Jesús, cham'a apxátekhágwokmo axta, axta nahan elya'ásekmok apkeltámeséyak ma'a ektémakxa nak ekpeywa eknaktáxésamaxche, tén han ma'a aptémakxa axta appeywa Jesús.

SAN JUAN 20:22

Keñe axta apkelwátekhápégko apkeltámeséyak, aptahak axta apkeláneya s'e: —Ekmések ko'o kéxegke Espíritu Santo.

SAN JUAN 6:45

Temék ekxeyenma Dios appeywa apkellegaso weykcha'áhak apagkok se'e: ‘Dios sat elxekmósek apyókxoho énxet'ák.’ Apyókxoho énxet ektaha nak apháxenmo appeywa Táta, cham'a eltámeye nak eñama Táta, hey'ótak cha'a ko'o.

SAN JUAN 7:39

Axta apxénak Jesús ma'a énxet ektahakxa enxoho apteme mey'áseyam peya exkak Espíritu, hakte axta eweyk makham Espíritu. Axta anhan kóltemésesók apcheymákpoho Jesús ma'a.

LOS HECHOS 1:4

Apkeltennásek axta apkeltámeséyak megkeyméxko elántépok ma'a Jerusalén, cham'a aphamakxa axta makham Jesús nepyeseksa. Aptahak axta apkeláneya s'e: —Kólleyx sat sekxo' katnehek ma'a apxeyenma axta egkések kéxegke Táta, cham'a seltennasa axta kéxegke.

LOS HECHOS 1:8

Wánxa agkok, apwa'ak sat agkok Espíritu Santo kélnepyeseksa kéxegke, kólxawak sat kélmowána, kólxog sat nahan cha'a yakwayam kólxének sekwesey ko'o, Jerusalén, tén han kólmahagkok ma'a ekyókxoho yókxexma Judea, tén han ma'a Samaria, kawomhok sat nahan kélmaheyak ma'a eyátépexa nak.

LOS HECHOS 11:16

Keñe axta ekxénwákxoho ko'o ewáxok aptéma axta appeywa Wese' egegkok se'e: ‘Nakso' axta apyakpásáseykegko yegmen énxet'ák Juan, wánxa agkok, kólyakpásesagkok sat kéxegke yetlo Espíritu Santo.’

LOS HECHOS 13:2

Xama ekhem axta apakmétak Espíritu Santo neyseksa apchakneykekxa énxet'ák nápakto' Wese' egegkok Dios yetlo metéyak aptéyak. Aptahak axta s'e: “Helpagkanches sat ko'o Bernabé, tén han ma'a Saulo, yakwayam enxoho elmok apkeltamheykha, cháxa ektaha axta ko'o selwóneykha xa.”

LOS HECHOS 13:4

Apkelmahágkek axta yókxexma Seleucia Bernabé tén han ma'a Saulo eñama apkeláphaso m'a Espíritu Santo. Axta apkelchenátwomhok yántakpayhe apkelmahágko yókxexma Chipre m'a.

LOS HECHOS 15:28

Xénchek apwáxok Espíritu Santo megkeyméxko agyeykhásesagkohok kéllané kéxegke m'a kéltémókxa nak antehek, wánxa aksa eyéméxko kóllának ma'a eyéméxko nak anlána', hawók nahan ekxeyenma egwáxok negko'oxa;

LOS HECHOS 15:8

Apxekmósek axta Dios ekleyawo apwáxok xa énxet'ák nak, cham'a Dios aptaha nak apya'áseykegkoho elchetamso egwáxok, hakte apkelmeyásegkek axta Espíritu Santo xa énxet'ák nak ekhawo sentemésesamakxa nak han negko'o xa.

LOS HECHOS 16:6

Apkelyeykhágwokmek axta yókxexma Frigia tén han ma'a Galacia Pablo tén han ma'a apkelxegexma'a, hakte axta eltamhok kóltennaha amya'a eñama Dios Espíritu Santo m'a yókxexma Asia.

LOS HECHOS 2:33

Egmések axta negko'o Espíritu Santo, cham'a natámen apya'áseykekxa axta néten Dios ma'a Jesús, tén han ma'a aphésakxo axta ekpayhókxa nak apkelya'asamakxa, tén han ma'a natámen axta apméso Apyap Espíritu apxeyenma axta hegmések negko'o xa. Cháxa kélwetaya nak kéxegke, tén han ma'a kéllegaya nak.

LOS HECHOS 2:4

Kellánegkok axta apwáxók Espíritu Santo xa apyókxoho nak, mók ektémakxa apkelpeywa axta apkelpakmétak, ekhawo m'a ektahakxa axta apméso Espíritu Santo yakwánxa katnehek apyakmaga mók ektémakxa kélpeywa.

LOS HECHOS 20:28

Kólleyxmakha kéxegke, kóltakmelches ma'a ekyókxoho apchakneykekxexa nak, cham'a aptemésesamakxa nak kéxegke Espíritu Santo kélláneykegkaxa, yakwayam enxoho kóltakmelchesek Dios énxet'ák apagkok, aptaha axta anhan apkelma eñama m'a apyenkenma axta éma apagkok.

LOS HECHOS 20:35

Alxekmóshok axta cha'a kéxegke eyéméxko antehek nentamheykha xa, ampasmok ma'a énxet'ák ekha nak eyéméxchexa aksok yetlo ekxeyenma egwáxok aptémakxa axta appeywa Wese' egegkok Jesús se'e: ‘Kapayhekxak cha'a egwáxok negmésa enxoho aksok egmók, kaxnók ma'a nenxawé nak aksok.’ ”

LOS HECHOS 28:25

Xama axta peya eltakhekxak nápakha énxet'ák megkaxnawo mók apkelpakmeyesma, aptahak axta apkeláneya Pablo s'e: —Apchakhásesamók axta Espíritu Santo apxeyenma apkeltémakxa m'a kélyepmeyk nano' kéxegke, eñama aplegaso m'a Isaías aptaha axta Dios appeywa aplegaso, cham'a aptéma axta appeywa s'e:

LOS HECHOS 5:3

Aptahak axta Pedro s'e: —Ananías, ¿yaksak ektaha ektaxna nak apwáxok xép Satanás temésesek apmopwána amya'a exchep, apkelyexancháseyha m'a Espíritu Santo, apmákxeyk xép nekha selyakye kélyanmagkaseso axta apyamasma xóp apagkok?

LOS HECHOS 7:51

“Wánxa agkok, kéllenxáneykmók eyke kéxegke kélteme ekyennakte kélwáxok —axta aptahak makham appeywa Esteban— temék kéxegke kélheyk'ák tén han kélwáxok ma'a ektémakxa nak énxet'ák melya'áseyak nak Dios. Kélenmexeykha cha'a kéltemék Espíritu Santo. Kélhawók kéxegke m'a kélyepmeyk nano' axta.

LOS HECHOS 7:55

Wánxa agkok, aplanawók axta eyke apwáxok Espíritu Santo Esteban, apkenmexawók axta néten, apwet'ak axta Dios apcheymákpoho, apwet'ak axta anhan apkenmeyncha'a Jesús ekpayhókxa nak apkelya'asamakxa Dios.

ROMANOS 14:17

Háwe aptémakxa Wese' apwányam Dios ma'a nento tén han ma'a negya nak mók xama aksok, háwe ektémakxa xa, akke m'a ekpéwomo nentémakxa nak, meyke ektahakxa egwáxok, tén han ma'a ekpayheykekxa nak egwáxok eñama Espíritu Santo.

ROMANOS 15:13

Emenyék ko'o eyáncheseshok kéxegke ekpayheykekxa kélwáxok Dios, tén han etnésesek meyke ektahakxa kélwáxok kélteme nak megkólya'áseyam ma'a, tén han etnésesek ekmámnaksoho agko' megkólya'áseyam yakwánxa etnésesek Dios kélmonye, eñama Espíritu Santo apmopwána, cham'a Dios segmésamol'a cha'a nelhaxneykha.

ROMANOS 15:16

yakwayam atnehek Cristo apkeláneykha, yakwayam apasmok ma'a énxet'ák metnaha nak judíos. Hawók ko'o sektamheykha m'a ektémakxa nak apkeltamheykha énxet'ák appasmo nak apkelmaxnéseso apnámokkok, cham'a ektémakxa nak seklegaso amya'a eñama Dios. Emenyék anaklakxak nápakto' Dios énxet'ák metnaha nak judíos ektémol'a aksok kélméso Dios ekleklamol'a apwáxok, aptemésesama nak apkelpagkanamap Espíritu Santo yakwayam emok takha' Dios.

ROMANOS 5:5

Mehegmések nahan cha'a negko'o ekyakhapweykmoho egwáxok xa nelhaxneykha nak, hakte awanhek axta negko'o appekkenma egwáxok Dios segásekhayo eñama m'a Espíritu Santo segmésama axta.

1 CORINTIOS 12:3

Kaxwo' eyke emenyék kólya'ásegwomhok kéxegke méko kawának katnehek ekpeywa s'e: “¡Etak sat ekmaso Jesús!”, cham'a nempakmeta enxoho eñama Espíritu apmopwána apkeñama nak Dios. Méko nahan kawának katnehek ekpeywa s'e: “¡Jesús apteme Wese'!”, cham'a nempakmeta enxoho aksa meyke Espíritu Santo apmopwána.

1 CORINTIOS 6:19

¿Yagkólya'ásegkok kéxegke kélyókxa ekteme Espíritu Santo tegma appagkanamap apagkok, Dios axta apméso kéxegke, apheyk nahan kélwáxok kéxegke xa Espíritu Santo nak? Háwe kéxegke kélteme kélagkok kélagko' xa kéltémakxa nak.

2 CORINTIOS 13:14

Keytek sat cha'a kélnepyeseksa kéxegke m'a ektémakxa nak segméso naksa Wese' egegkok Jesucristo m'a segemleykekxoho nak, tén han ma'a Dios segásekhayo nak, exek sat nahan cha'a kélwáxók Espíritu Santo kélyókxoho kéxegke.

2 CORINTIOS 6:6

Nenxekmowásawók nahan nentaha negko'o Dios apkelásenneykha eñama m'a eyáxñeyo nentémakxa nak, eñama nahan negya'ásegwayam ma'a amya'a ekmámnaksoho nak, tén han eñama m'a mampekhésamaxche nak, tén han eñama m'a ektakmeleykha nak egwáxok, tén han eñama m'a apha nak negko'o egwáxok Espíritu Santo, tén han eñama m'a negásekhayo ekmámnaksoho nak,

EFESIOS 1:13

Ekhawo ektahakxa axta anhan kéxegkáxa, kéltemék axta kélyepetcheyo Cristo, kélkahásexchek axta anhan kéxegke magkenatcheso kéltaha Dios énxet'ák apagkok eñama kélxawé m'a Espíritu Santo apxeyenma axta egkések Dios, cham'a kélleg'a axta amya'a ekmámnaksoho ekxénáxko ekyetna kéxegke kélwagkásamáxche teyp, tén han ma'a kéltaha axta megkólya'áseyam Cristo.

EFESIOS 1:17

Elmaxnakkek ko'o Dios Jesucristo Wese' egegkok Apyap, ekha nak apcheymákpoho, seltamho egkések kéxegke Espíritu yakwayam elya'ásesagkohok kéxegke m'a aksok senxekmósamo nak Dios, yakwayam enxoho kólyekpelchágwomhok ektakmela agko' kéxegke m'a aptémakxa nak Dios.

EFESIOS 4:30

Nágkóllapwagkas aksa Espíritu Santo apkeñama nak Dios, cham'a kélkahásamáxko nak kéxegke yakwayam enxoho kólyekpelchaxkohok kélteme nak Dios énxet'ák apagkok, cham'a ekwa'a sat ekhem yakwánxa hẽlwagkasek teyp.

1 TESALONICENSES 4:8

Kéxegke ektahakxa enxoho kéltaknagko s'e nelxekmowásamáxche nak, megkóltaknaweyk xama énxet, wánxa kéltaknawé m'a Dios aptaha axta apméso kéxegke Espíritu Santo apagkok.

2 TIMOTEO 1:14

Etakmelches xép ma'a nelxekmowásamáxche ektakmela apxaka axta exchep eñama apméso Dios, yetlo appasmo Espíritu Santo apha nak egwáxok negko'o.

TITO 3:5

Háwe axta eñama sẽlwagkaso teyp eñama nenlané m'a aksok ektakmela nak, axta eyke keñamak ma'a nelmayóseka axta senlányo. Entemésásekxeyk axta eghaxnagcha'ák eñama m'a segyakpasáseyak axta yegmen, nenxakak axta anhan axnagkok ekyennakte egnenyek eñama Espíritu Santo.

HEBREOS 10:15

Espíritu Santo eyke senxekmóso ektaha ekmámnaksoho xa, cham'a aptaha axta appeywa s'e:

HEBREOS 2:4

Dios axta anhan senxekmóso negko'o ektaha ekmámnaksoho xa, yetlo apkelané m'a aksok magkenatcheso nak agweta', tén han yetlo apkelané m'a aksok eltakmela nak, tén han yetlo apkelané m'a ekyókxoho ektémakxa nak aksok sempelakkaso nak agweta', tén han eñama m'a Espíritu Santo, aptaha nak segméso cha'a megkaxnémo mók negmowána, ekhawo m'a ektémakxa axta apmopmenyého elának Dios.

HEBREOS 3:7

Ekeso eñamakxa aptéma nak appeywa Espíritu Santo ekyetna nak eknaktáxésamaxche s'e: “kélleg'ak agkok kaxwo' kéxegke aptahakxa appeywa Dios,

HEBREOS 9:8

Cháxa segya'asáseykegkoho axta Espíritu Santo megkamayhamakxa axta makham ma'a nentaxnamakxa nak kañe' tegma appagkanamap ektahakxa nak ekpagkanamaxchexa agko', cham'a ekyetnamakxa axta makham émha amonye apwáxok xa tegma appagkanamap nak.

1 SAN PEDRO 1:12

Wánxa agkok, apkelya'asásegweykmek axta eyke Dios megkapheweykmo yakwayam kapasmok ektémakxa axta apkeltenneykha xa énxet'ák nak, kéxegke eyke yakwayam kapasmok xa ektémakxa axta apkeltenneykha, cháxa kéllegasama axta kéxegke xa eñama apkellegaso m'a énxet'ák apkeltennáseykencha'a axta tásek amya'a yetlo Espíritu Santo apmopwána, cham'a Espíritu kéláphaso axta apkeñama néten. Cháxa apkeltémo axta anhan étak Dios apkelásenneykha xa.

2 SAN PEDRO 1:21

hakte háwe axta apkelpeywa apancha'awo' énxet'ák apkellegaso Dios appeywa m'a ektémakxa axta cha'a apkeltenneykha; wánxa agkok, Dios axta eyke keñamak ma'a ektémakxa axta cha'a apkeltenneykha xa énxet'ák nak, eñama appékesáseyak ma'a Espíritu Santo.

1 SAN JUAN 2:20

Apmések axta kéxegke Cristo Espíritu Santo, kélyókxoho nahan yetnak kélya'ásegwayam kéxegke.

1 SAN JUAN 2:27

Wánxa agkok, apyetneyk eyke kéxegke Espíritu Santo apkelmeyáseyak axta Jesucristo, megkeyméxchek kólamenyého elxekmósek xama énxet enxoho, hakte Espíritu Santo cha'a elxekmósek kéxegke ekyókxoho aksok, ekmámnaksoho nahan ektémakxa nak sẽlxekmóso, háwe ekmowána amya'a. Nágkólyensem kélteme kélyepetcheyo Cristo, ekhawo m'a ektahakxa enxoho apkelxekmóso Espíritu.

1 SAN JUAN 5:7

Antanxo ektaha nak ekxeyenma ektaha nakso' xa;

SAN JUDAS 1:20

Elyáxeg selásekhayo, kóllenxanmoho kéxegke kélyennaktésamo m'a ektémakxa nak ekyetno megkólya'áseyam ekpagkanamaxche. Kólmaxna cha'a yetlo appékesáseyak ma'a Espíritu Santo.

APOCALIPSIS 2:11

¡Kéxegke ekha nak kélheyk'ák, kóleyxho ektahakxa apxeyenma Espíritu kélakneykekxexa! Enxet'ák ektahakxa enxoho apkelmalanma, mellegagkók sat ma'a ánet netsapeykekxoho nak.’