SAN JUAN 14:23 - Lengua Sur (Enxet) Nuevo Testamento

²³ Aptahak axta apchátegmowágko Jesús se'e: —Enxet ektahakxa enxoho seyásekhayo ko'o, elyahakxohok ma'a ektémakxa nak sekpeywa; yásekhohok sat nahan ma'a Táta, ólchexyok sat nahan negko'o yakwayam antehek negyepetcheyo xa énxet nak, Táta tén han ko'o.

SAN JUAN 14:23 ပူးပေါင်းရင်းမြစ်များ

SAN JUAN 10:30

Wánxa negko'o xama, Táta tén han ko'o.

SAN JUAN 14:15

“Elásekha'awók agkok ko'o kéxegke, kólyahakxoho sat ma'a seltémókxa nak kóltehek.

SAN JUAN 14:21

Enxet ektahakxa enxoho apma takha' seltémókxa nak kóltehek, cham'a apkelyaheykekxoho enxoho, exekmóshok aptaha nakso' seyásekhayo. Yásekhohok sat nahan Táta m'a énxet aptaha nak seyásekhayo ko'o. Wásekhohok sat nahan ko'o xa, axekmósaxkohok sat nahan ko'o m'a énxet nak.

SAN JUAN 14:24

Enxet aptaha nak meheyásekhayo ko'o, melyahakxók cha'a m'a sektémakxa nak sekpeywa ko'o. Háwe ko'o sekpeywa ahagko' sektahakxa nak sekpeywa kélhaxno nak kéxegke, Táta appeywa xa, aptaha axta seyáphaso ko'o.

SAN JUAN 15:10

Kélyahakxók agkok kéxegke m'a seltémókxa nak kóltehek, alenxanmohok sat nahan ko'o xa selásekhayo kéxegke, ekhawo ektémakxa nak ko'o selyaheykekxoho m'a apkeltémókxa nak atnehek Táta, apkelenxanakmok nahan apteme seyásekhayo.

SAN JUAN 16:27

hakte apkelásekhayók kéxegke m'a Táta. Apkelásekhayók kéxegke Táta, hakte elásekha'awók ko'o kéxegke, megkólya'aseykmok nahan señama ko'o m'a Táta.

SAN JUAN 6:56

Enxet ektahakxa enxoho apto ahápetek ko'o, tén han ektahakxa enxoho apya éma ahagkok ko'o, hépetkohok sat cha'a ko'o, eypetkohok sat nahan cha'a ko'o xa.

SAN JUAN 8:51

Enxet ektahakxa enxoho apkelyaheykekxoho sekpeywa megyetsepek sat. Nakso' xa sektahakxa nak seláneya kéxegke.

SAN JUAN 8:52

Aptahak axta apkelátegmowágko judíos se'e: —Nakso' nentemesásak kaxwo' negko'o ekyetna apwáxok xép kelyekhama'. Apketsepmeyk axta Abraham, apsawhomakpók nahan apkeletsapma m'a énxet'ák ektaha axta apkellegaso Dios appeywa, keñe exchep aptaha appeywa s'e: ‘Enxet ektahakxa enxoho apkelyaheykekxoho sekpeywa, megyetsepek sat.’

2 CORINTIOS 6:16

Mopwanchek nahan Dios tegma appagkanamap apagkok etnehek apxegexma m'a aksok kéleykmáseso nak. Hakte negko'o nenteme Dios megyetsapma tegma appagkanamap apagkok, ekhawo aptémakxa axta appeywa s'e: “Axek sat ko'o nepyeseksa xa énxet'ák nak, aweynchamha sat nahan. Ko'o sat atnehek Dios apagkok xa énxet'ák nak, keñe sat ko'o atnehek énxet'ák ahagkok xa énxet'ák nak.”

EFESIOS 3:17

Elmaxnakkek nahan ko'o Dios seltamho exek kélwáxok kéxegke Cristo eñama xa megkólya'áseyam nak. Keñe sat keytek kéxegke kélwaskapma tén han kóllenxanmohok kélyennaktésamo kélteme kélásekhamaxkoho.

1 SAN JUAN 2:24

Ekeso eñamakxa seltamho nak kólpekkenek kélwáxok kéxegke m'a amya'a kéllegé axta sekxo' agko'; yetnegkek agkok kélwáxok ma'a amya'a kéllegé axta sekxo' agko', kóltehek kélyepetcheyo m'a Dios Apketche, tén han ma'a Dios Egyap.

1 SAN JUAN 2:5

Negko'o ektahakxa enxoho nelyaheykekxoho Dios appeywa, nakso' katnehek nentaha negko'o negásekhayo Dios, cháxa kañék nahan negya'ásegwayam negko'o nentaha negyepetcheyo Dios xa ektaha nak.

1 SAN JUAN 4:4

Etchek selásekhayo nak, kéxegke kélteme nak Dios énxet'ák apagkok, kélmalanchek axta anhan nepyeseksa xa énxet'ák apkelmopwancha'a amya'a nak, hakte apmeyhok apagko' Espíritu apyetna nak kéxegke, kaxnók espíritu apha nak apwáxok énxet'ák apkeleñamakxa apagko' nak keso náxop.

1 SAN JUAN 5:3

Cha'a negásekhayo Dios ma'a nelyaheykekxoho nak apkeltémókxa antehek; kexyókok ma'a apkeltémókxa nak antehek Dios.

2 SAN JUAN 1:6

Negásekhayo ekteme m'a nelyaheykekxoho nak ma'a apkeltémókxa nak antehek Dios, cham'a apkeltémókxa nak antehek Dios ma'a nelásekhamaxkoho nak, ekhawo ektémakxa axta kéllegé kéxegke sekxo' agko'.

APOCALIPSIS 21:22

Axta ko'o ót'ak tegma apagkanamap xa tegma apwányam nak, hakte Wese' egegkok Dios ekha apyennakte apteme apyakmagkaso tegma appagkanamap, tén han ma'a Nekkések Apketkok.

APOCALIPSIS 21:3

Ekleg'ak axta ko'o kélpeywa ekyennakte agko' eñama m'a ekyetnakxa axta taháno ektakmalma. Entahak axta amya'a s'e: “Apheyk kaxwo' Dios nepyeseksa énxet'ák. Exek sat nahan cha'a xamo', énxet'ák apagkok sat nahan etnahagkok xa énxet'ák nak. Dios sat nahan etnehek Dios apagkok xa énxet'ák nak.

APOCALIPSIS 22:3

Méko sat nahan katnehek aksok aptaknagkamol'a Dios ma'a, hakte keytek sat Dios aptaháno ektakmalma m'a tegma apwányam nak, exek sat nahan Nekkések Apketkok ma'a, elpeykeshok sat nahan ma'a ektaha nak apkelásenneykha.