SAN JUAN 14:19 - Lengua Sur (Enxet) Nuevo Testamento

¹⁹ Kaxwo' sat kamaskok sét'a énxet'ák apkeleñamakxa apagko' nak keso náxop; kéxegke sat eyke hélwetak cha'a, kólwetak sat nahan ekyennakte kélnenya'ák, hakte kayhek ko'o egkenyek.

SAN JUAN 14:19 ပူးပေါင်းရင်းမြစ်များ

SAN JUAN 11:25

Keñe axta aptaha Jesús apcháneya Marta s'e: —Ko'o sekteme nennakxétekhágwayam tén han ekyennakte egnenyek. Enxet ektahakxa enxoho apteme mehey'áseyam ko'o, yetsapok sat eykhe, keynnakwók sat eyke apnenyek;

SAN JUAN 12:35

Aptahak axta apkeláneya Jesús se'e: —Keytek sat makham kélnepyeseksa kéxegke elseyexma, yakwatakxoho sat eyke keytek. Kólyentamaxkoho kólweynchamha ekhakxa nak makham elseyexma, yakwayam enxoho megkatlakkasek kahapwak kéxegke ekyaktesóxma; hakte énxet ektahakxa enxoho apwenchámeykha neyseksa ekyaktesóxma mey'asagkehek ma'a apmahágkaxa enxoho.

SAN JUAN 13:33

Etchek selásekháyo, megkawegkók sat cha'a ko'o sekha kélnepyeseksa kéxegke. Hélchetmok sat kéxegke, hawók ektahakxa axta seláneya énxet'ák judíos se'e sektahakxa nak seláneya kéxegke: Megkólwanchek sat kólmahagkok ma'a yakwánxa nak amhagkok ko'o.

SAN JUAN 14:6

Aptahak axta apchátegmowágko Jesús se'e: —Ko'o sekteme ámay, ekmámnaksoho, tén han ekyennakte egnenyek. Ko'o sekwánxa ahagkok apkelmeyeykemxa énxet yakwayam elmahagkok ma'a aphakxa nak Táta.

SAN JUAN 16:16

“Kaxwo' sat mehelwetekxók cha'a kéxegke, yáma kawegkohok sat, keñe sat helwetekxak makham.”

SAN JUAN 16:22

Hawók ektahakxa nak han kéxegkáxa elyakhápeykha kélwáxok keso kaxwo' nak; wánxa agkok, awatak sat eyke yakwayam alwetágwatak kéxegke, keñe sat kayawhok agko' elpayheykekxa kélwáxok, cham'a ekpayheykekxa egwáxok megkólmowána nak kólyementók.

SAN JUAN 6:40

Apmenyék ko'o Táta keytek ekyennakte apnenya'ák megkatnegwayam enéxa m'a apyókxoho énxet ektaha nak apkelanyo Dios Apketche, cham'a apteme nak han mey'áseyam, ko'o sat nahan anakxétekhasók ma'a ektemegwokmo sat néxa ekhem.

SAN JUAN 7:33

Keñe axta aptaha Jesús apkeláneya énxet'ák se'e: —Yakwatakxoho sat axek ko'o kélnepyseksa kéxegke, keñe sat amyekxak makham ma'a aphakxa nak ektaha axta seyáphaso.

SAN JUAN 8:21

Aptahak axta makham Jesús apkeláneya énxet'ák se'e: —Axog sat ko'o, helchetmok sat kéxegke, wánxa agkok kóletsapok sat eyke kéxegke neyseksa kéllané megkólya'asáxma. Megkólwanchek sat kólmahagkok kéxegke m'a yakwánxa nak amhagkok ko'o.

LOS HECHOS 10:41

Axta eyke exekmowáseykpekxohok Jesús ma'a apyókxoho énxet'ák nak. Negko'o axta eyke enxekmowáseykpekxohok, nentaha nak Dios sẽlyeyseykha nano' agko', yakwayam antehek negweteykegkoho xa. Nentokók axta negko'o nento xamo', natámen apxátekhágwayam Jesús, negyenágkek axta anhan xamo' negyeneyak.

ROMANOS 5:10

Entemésesek axta negko'o nelásekhamaxchekxoho Dios eñama m'a apketsapma axta Apketche, cham'a nentémakxa axta makham nenmexeykha Dios, sat eyke ekyagwánxa agkok yakwayam ólwagkasaxchek teyp keso nelásekháxchekxoho nak kaxwo' Dios.

ROMANOS 8:34

¿Yaksak sat kának kóllegásesagkohok? Cristo Jesús axta m'a apketsapa axta; háwe ekwánxa agkok ma'a apketsapa axta, apxátekhágwokmek axta anhan, apheyk nahan ma'a ekpayhókxa nak apkelya'asamakxa Dios, empakhetchesesek cha'a negko'o Dios.

1 CORINTIOS 15:20

Nakso' agko' axta eyke apxátekhágweykmo Cristo. Cristo apteme aphawo m'a émha amonye eknakxamáxchel'a aksok ekyexna: Cristo axta nahan apmonye kélxátekháseyam.

1 CORINTIOS 15:45

Temegkek eknaktáxésamaxche weykcha'áhak se'e: “Apmonye apkelánamap énxet axta Adán, axta aptemék se'e nentémakxa nak negko'o nelyenna nak”; keñe axta m'a Adán ektaha axta apwé axayók agko', espíritu segmésamo ekyennakte egnenyek akke m'a.

HEBREOS 7:25

Ekeso eñamakxa apkepwagko nak Jesús elwagkasek teyp megkatnegwayam enéxa m'a énxet'ák apkelya'eykekxa nak Dios eñama m'a Jesús, hakte apheyk makham ma'a yakwayam enxoho yának epasmok Dios xa énxet'ák nak.

APOCALIPSIS 20:4

Ekwet'ak axta ko'o taháno ektakmalma yetlo apheykha néten ma'a apkelxawágko axta kélyaheykekxoho yakwayam etnehek apkelyekpelchémo apyókxoho énxet'ák. Ekwet'ak axta nahan ko'o aphagák ma'a ektaha axta kélyaktencháseyak apyespa'ák eñama meyenseyam apkeltenneykha Jesús apwesey tén han ma'a amya'a eñama nak Dios. Axta elpeykesamok aksok nawhak eklo xa énxet'ák nak, axta nahan elpeykesamok ma'a kéleykmáseso kélheyásekegkoho nak aksok nawhak eklo, axta nahan yahayók keytek elkahaso aksok nawhak eklo m'a ekpayhakxa nápát, esenhan ma'a apmek. Ekwet'ak axta nahan ko'o apnakxétekhágwokmo xa énxet'ák nak. Kelwese'e axta aptamhágkok xamo' Cristo ekweykmoho mil apyeyam.