SAN JUAN 14:12 - Lengua Sur (Enxet) Nuevo Testamento

¹² Enxet ektahakxa enxoho mehey'áseyam ko'o, elának sat ma'a ektémakxa nak cha'a ko'o aksok selané, kayeykhágwomhok sat nahan apkelané aksok ekwánxa nak ko'o selané, hakte peyk ko'o amyekxak ma'a aphakxa nak Táta, nakso' xa sektahakxa nak seláneya kéxegke.

SAN JUAN 14:12 ပူးပေါင်းရင်းမြစ်များ

SAN MATEO 21:21

Aptahak axta apchátegmowágko Jesús se'e: —Yetneyk agkok kéxegke megkólya'áseyam, cham'a megkólya'ásekmo enxoho, kélwanchek kóltehek xa sektemésesakxa exchek ko'o higo yámet, kélwanchek nahan kóltehek kólának egkexe s'e: ‘Kapatyep xa, kataxnegwom wátsam ekwányam’, katnehek han xa.

SAN MARCOS 11:13

Makhawók axta apwet'ak xama yámet higo ekha áwa'. Apyo'ókmek axta apkeltamho étak ekyexna, axta eyke ét'ak ekyexna, áwa' axta aksa apwet'ak, hakte axta kawokmok ekyexnamakxa.

SAN MARCOS 16:17

Keytek sat kélnepyeseksa kéxegke aksok magkenatcheso nak agweta' kéxegke kélteme nak megkólya'áseyam se'e: kólántekkesek sat kelyekhama' yetlo kélxeyenma sekwesey ko'o; katyapok sat nahan mók ektémakxa kélpeywa;

SAN JUAN 14:28

Kélleg'ak axta kéxegke sekxéna ko'o peya atakhekxa', tén han peya awatak makham yakwayam axnaták kélnepyeseksa kéxegke. Nakso' agkok selásekhayo ko'o kéxegke, kalpayhekxak kélwáxok kélyekpelcha enxoho peya amyekxak ko'o m'a aphakxa nak Táta, hakte maxnawo ko'o Táta.

SAN JUAN 16:7

tásek eyke atakhekxak ko'o yakwayam enxoho kapasmok kéxegke. Hakte agkok atakhákxak ko'o, meweyk yakwayam exnak kélnepyeseksa kéxegke m'a aptaha nak Apmasma kéxegke; ektakhakxeyk sat agkok ko'o, wáphásesek sat kéxegke m'a. Nakso' xa sektahakxa nak seláneya kéxegke.

SAN JUAN 4:37

Nakso' ektémakxa nak cha'a amya'a ekxénamaxko s'e: ‘Xama ektaha apkeneykekxa, keñe pók aptaha apnakxo ekyexna.’

SAN JUAN 5:20

Heyásekhohok cha'a ko'o Táta sektaha nak Apketche, hexekmósek nahan cha'a ekyókxoho aksok apkelanakxa enxoho; hexekmósek sat nahan ma'a aksok ektaha nak eltakmela agko', katlakkasek sat nahan kólwetak kéxegke m'a kélwet'a sat.

SAN JUAN 7:33

Keñe axta aptaha Jesús apkeláneya énxet'ák se'e: —Yakwatakxoho sat axek ko'o kélnepyseksa kéxegke, keñe sat amyekxak makham ma'a aphakxa nak ektaha axta seyáphaso.

SAN JUAN 7:39

Axta apxénak Jesús ma'a énxet ektahakxa enxoho apteme mey'áseyam peya exkak Espíritu, hakte axta eweyk makham Espíritu. Axta anhan kóltemésesók apcheymákpoho Jesús ma'a.

LOS HECHOS 10:46

hakte apkelleg'ak axta apkelpakmeta mók ektémakxa apkelpeywa, tén han apkeltemésesa apcheymákpoho Dios.

LOS HECHOS 16:18

Wegkak axta anhan ekteme xa ekwokmoho ekleklágwokmo Pablo, appeynchakpok axta, aptahak axta apcháneya espíritu ekmaso s'e: —Yetlo sekxeyenma Jesucristo apwesey eltamhok katyapok xa kelán'a awáxok nak. Ñohok axta anhan ektepa espíritu ekmaso awáxok xa kelán'a étkok nak.

LOS HECHOS 19:12

Wokmók axta kélsókaso apkelháxamap ma'a Pablo teté yespok apketkók apagkok tén han apkelnakta, cham'a ektaha axta apmeykha Pablo, apkeltakmelweykmek axta anhan apkelháxamap eñama xa, kelánteyepmeyk axta anhan apwáxók énxet'ák kelyekhama'.

LOS HECHOS 2:33

Egmések axta negko'o Espíritu Santo, cham'a natámen apya'áseykekxa axta néten Dios ma'a Jesús, tén han ma'a aphésakxo axta ekpayhókxa nak apkelya'asamakxa, tén han ma'a natámen axta apméso Apyap Espíritu apxeyenma axta hegmések negko'o xa. Cháxa kélwetaya nak kéxegke, tén han ma'a kéllegaya nak.

LOS HECHOS 2:41

Kélyakpasásegkek axta yegmen apyókxoho énxet ektaha axta apkelyaheykekxoho apkeltenneykha Pedro; tres mil axta apwokmók apxámeykekxa énxet'ák ma'a ektaha axta melya'áseyam Dios, cham'a ekhem axta.

LOS HECHOS 4:16

Aptahak axta apkelpakmeta s'e: —¿Háxko sat antemésesek xa apkánet énxet nak? Apyókxoho énxet'ák apheykha tegma apwányam Jerusalén apkelya'ásegkohok apkelánegko aksok sempelakkaso agweta' xa énxet'ák nak, magwanchek anxének ektaha ekmowána amya'a.

LOS HECHOS 4:33

Apkelenxaneykmók axta apkelwaskápeykekxoho énxet'ák seykha amya'a apkeltenneykha ektaha ekmámnaksoho m'a apxátekhágwayam axta Jesús, awanhek axta nahan appasmo Dios xa apyókxoho nak.

LOS HECHOS 4:4

Apxámok axta eyke énxet apteme melya'áseyam, cham'a énxet'ák ektaha axta apháxenmo apkeltenneykha; Keto' cinco mil axta apwokmók apxámokma énxet'ák ektaha axta melya'áseyam.

LOS HECHOS 5:15

Kélántekkesek axta apkelháxamap nekha ámay nepyeseksa tegma, kélnegkenwokmek axta yetlo apkeltaháno m'a, yakwayam enxoho káhapwomhok Pedro pesese apagkok pók xama apkelháxamap apyeykhágwokmo enxoho.

LOS HECHOS 6:7

Payhekxeyk axta kéllegaso Dios appeywa, apxámágkek axta anhan énxet'ák apteme melya'áseyam Jesús ma'a tegma apwányam Jerusalén. Wokmók axta anhan ma'a énxet'ák judíos ektaha axta appasmo apkelmaxnéseso apnámokkok, aptemék axta anhan melya'áseyam.

LOS HECHOS 8:7

Apxámok axta kéltakmelchesakmo m'a énxet'ák ekha axta apwáxók espíritu elmasagcha'a. Kelpáxamáha axta cha'a aksok elmasagcha'a elántepa apwáxók xa énxet'ák nak; apxámok axta anhan kéltakmelchesakmo m'a énxet'ák apkelyelkamap nak, tén han ma'a énxet'ák meyke aptapnák nak.

LOS HECHOS 9:34

Aptahak axta apcháneya Pedro s'e: —Eneas, Jesucristo aptakmelchesekmok xép. Etnamha, elánekxa aptaháno. Yetlókók axta apkempeykekxa néten Eneas.

LOS HECHOS 9:40

Apkelántekkesek axta Pedro yókxexma apyókxoho énxet apchaknákxo axta m'a, apkeltekxekkek axta aptapnák xóp aptaha nempeywa nelmaxnagko; keñe axta apkelano m'a kelán'a ápak, aptahak axta s'e: —¡Tabitá, kampekxa néten! Kelyaháha axta xa kelán'a nak. Xama axta ekwet'a Pedro, hákxeyk axta néten.

ROMANOS 15:19

tén han eñama elánamáxche m'a aksok magkenatcheso nak agweta', tén han ma'a sempelakkaso nak agweta', tén han eñama m'a Espíritu apkeñama Dios apmopwána nak. Cháxa ektahakxa axta seksawhawo ko'o selané sektamheykha seltenneykha amya'a segwagkasamo nak teyp eñama Cristo, axta eyeynawok ma'a Jerusalén, tén han ekyókxoho ma'a yókxexma nak, ekwokmoho yókxexma Iliria.