SAN JUAN 13:8 - Lengua Sur (Enxet) Nuevo Testamento

⁸ Aptahak axta apchátegmowágko Pedro s'e: —Magwohok ko'o helyenyésesek emagkok xép. —Agkok alyenyesásak xép apmagkok, mopwanchek etnehek xép énxet ahagkok, —axta aptahak apchátegmowágko Jesús.

SAN JUAN 13:8 ပူးပေါင်းရင်းမြစ်များ

SAN MATEO 16:22

Keñe axta apyentama mók nekha Pedro, aptahak axta apmésa appeywa s'e: —¡Wese', megyohok sat Dios katnehek xép xa! ¡Megkatnehek sat xép xa!

SAN MATEO 21:29

Aptahak axta apchátegmowágko apketche s'e: ‘¡Mamokok axog!’ Keñe axta apyakmagkasa elchetamso apwáxok, apxegkek axta anhan.

SAN MATEO 26:33

Aptahak axta apchátegmowágko Pedro s'e: —Kamaskok sat eykhe etnehek apcháyo exchep selxegexma'a, megkamassehek eyke ko'o seyáyo exchep.

SAN MATEO 26:35

Aptahak axta Pedro s'e: —Watsaphok sat eykhe xamo' xép, megkamassehek eyke sekxeyenma apwesey exchep. Hawók axta anhan aptahakxa apkelpakmeyesma apyókxoho apkeltámeséyak.

SAN JUAN 13:6

Xama axta nahan peya elyenyésesek apmagkok Jesús ma'a Simón Pedro, aptahak axta Simón Pedro s'e: —¿Wese', peya ko'o xa helyenyésesek emagkok?

SAN JUAN 13:9

Aptahak axta Simón Pedro apcháneya Jesús se'e: —Wese', néhelyenyéses aksa wánxa emagkok, helyenyéses sat nahan emék tén han epátek.

SAN JUAN 3:5

Aptahak axta apchátegmowágko Jesús se'e: —Agkok etnahak énxet kaxwé apteyam eñama nak yegmen tén han ma'a eñama nak Espíritu, mopwanchek etxek ma'a aptémakxa nak Wese' apwányam Dios. Nakso' xa sektahakxa nak sekpeywa seyáneya exchep.

LOS HECHOS 22:16

Ná exnekxoho kaxwo' xép. Etnamha, etegye yakpasama yegmen, yáxñásekxoho xa aptémakxa nak mey'asáxma, ewónmakha Wese' egegkok apwesey.’

1 CORINTIOS 6:11

Cháxa apkeláneykegko axta nápakha énxet'ák apkeleñama kélnepyeseksa kéxegke xa, wánxa agkok, kéltemésesegkek eyke kaxwo' kéláxñeyo kéxegke, kéltemésesegkek nahan kéxegke Dios apkelpagkanma, kéltemésesegkek nahan kélpéwomo eñama apwesey m'a Jesucristo Wese' egegkok tén han eñama m'a Espíritu apkeñama nak Dios egagkok.

EFESIOS 5:26

Apkelanak axta Cristo xa yakwayam enxoho etnésesek apkelpagkanamap ma'a ektaha nak Dios énxet'ák apagkok, aptemésesek axta anhan meyke ekyepetche xama aksok ekmanyása eñama m'a appeywa nak, tén han eñama m'a apkelyenyeso axta neygmen,

COLOSENSES 2:18

Nágkólho aksa émentók aksok kélxawé naksa kéxegke xa énxet'ák aptamheykegkohol'a máxa megkaleymáxkoho apwáxók, cham'a apkelpeykesamo nak Dios apkelásenneykha, apkexeyenmol'a apkelwetayo m'a aksok kélxekmósamo nak, cham'a megyésol'a eleykpoho' eñama ekteme elchetamso apwáxók ma'a ektémakxal'a elchetamso apwáxok énxet.

COLOSENSES 2:23

Máxa eykhe katnehek eñama enxoho ektémakxa nak negya'ásegwayam xa aksok nak, hakte kaltamhok cha'a antehek máxa ektakmela enxoho nentémakxa, kaltamhok nahan cha'a antehek máxa megkeymáxkoho egwáxok, kaltamhok nahan cha'a anlegásesagkohok negyókxa, yawanchek eyke kamagkok ma'a aksok ekyespagkamakxa nak negyókxa.

TITO 3:5

Háwe axta eñama sẽlwagkaso teyp eñama nenlané m'a aksok ektakmela nak, axta eyke keñamak ma'a nelmayóseka axta senlányo. Entemésásekxeyk axta eghaxnagcha'ák eñama m'a segyakpasáseyak axta yegmen, nenxakak axta anhan axnagkok ekyennakte egnenyek eñama Espíritu Santo.

HEBREOS 10:22

Ekeso eñamakxa eyéméxko nak agyo'ókxak Dios yetlo ektakmalma elchetamso egwáxok tén han antehek ekmámnaksoho nenteme magya'áseyam, yetlo m'a megkaxénweykekxoho nak egwáxok ekyetna nensexnánemaxche, tén han yetlo m'a sẽlteméseso nak negáxñeyo eñama sẽlyakpáseso yegmen ektakmela agko' nak.

APOCALIPSIS 1:5

tén han eleñama m'a Jesucristo, aptaha nak ekmámnaksoho agko' apxeyenma aptémakxa Dios, aptaha axta nahan apmonye apxátekhágwayam nepyeseksa apkeletsapma axta, aptaha nak han ekha kélyaheykekxoho nepyeseksa kelwese'e apkelwányam nak keso náxop. Egásekhayok negko'o Cristo, egmasésesek axta nahan mólya'asáxma, cham'a apyegkena axta éma apagkok,

APOCALIPSIS 7:14

“Wese', xép apya'ásegko'”, axta ektahak seyátegmowágko ko'o. Keñe axta aptaha seyáneya s'e: “Cháxa énxet'ák ektaha axta apkelyeykhé ekyawe apkellegeykegkoho xa, apkelyenyések axta apkelántaxno Nekkések Apketkok éma apagkok xa, kelmopeyásekxók axta anhan.