SAN JUAN 13:34 - Lengua Sur (Enxet) Nuevo Testamento

³⁴ Eltennásek kéxegke s'e axnagkok seltémókxa nak kóltehek: Kólteme cha'a kélásekhamaxkoho. Kólteme cha'a kélásekhamaxkoho ekhawo ektémakxa nak ko'o selásekhayo kéxegke.

SAN JUAN 13:34 ပူးပေါင်းရင်းမြစ်များ

SAN MATEO 5:44

Akke ektahak ko'o seláneya kéxegke s'e: Kólásekhoho m'a énxet'ák apkenmexeykencha'a nak kéxegke, kólmaxnéses nahan ma'a énxet'ák ektahakxa enxoho apmenxeneykha kéxegke.

SAN JUAN 15:17

Keso seltémókxa nak cha'a kóltehek kéxegke s'e: Kólásekhaxkohok cha'a.

SAN JUAN 17:21

Elmaxnakkek ko'o exchep seltamho etnahagkok mekxeymákpoho apyókxoho xa énxet'ák nak; emenyék ko'o etnehek segyepetcheyo xa énxet'ák nak ekhawo ektémakxa nak xép sépetcheyo ko'o, ekhawo ektémakxa nak han sekyepetcheyo ko'o exchep, yakwayam enxoho melya'ásemek énxet'ák apheykha náxop aptaha seyáphaso ko'o exchep.

ROMANOS 12:10

Kólásekhoho cha'a m'a megkólya'áseyam xamo' nak Cristo, kólyanchesagkoho cha'a kélásekhayo, kólteme nahan cha'a kélyaheykekxoho kélmók.

ROMANOS 13:10

Enxama ektahakxa enxoho apchásekhayo pók, melanaksek aksok ekmaso pók; negásekhayo keñamak eksawhomáxkoho ektéma m'a eltémókxa nak antehek segánamakxa.

ROMANOS 13:8

Nágkólteme megkólyánmagkaso m'a kélméyak nak aksok kélmók, wánxa agkok, kólásekhaxkoho aksa; negko'o ektahakxa enxoho negásekhayo egmók, nensawhawok nenlana m'a eltémókxa nak antehek segánamakxa.

GÁLATAS 5:22

Akke ektaha nak aptekkeso Espíritu s'e: nelásekhamaxkoho, ekpayheykekxa egwáxok, meyke ektahakxa egwáxok, mampekhésamaxche, negapeykha egmók, ektakmeleykha egwáxok, mantemeseseykmohoxma egmók,

GÁLATAS 5:6

Nentemék agkok negko'o negyepetcheyo Cristo, méko katnehek ekha enxoho sẽlkahaso kélyenyekhamol'a egyempehek esenhan ma'a méko enxoho. Akke tásek keytek negko'o m'a magya'áseyam nak, cham'a magya'áseyam sentemésesamol'a ekha nelásekhamaxkoho.

GÁLATAS 6:10

Ekeso eñamakxa eyéméxko nak cha'a negko'o ampasmok apyókxoho énxet, ekyagwánxa agkok ma'a ẽlyáxeg'a apteme nak melya'áseyam, cham'a ekyetnakxa enxoho cha'a yakwayam ampasmok.

GÁLATAS 6:2

kólpasmaxkoho cha'a kéxegke yakwayam enxoho kólenmaxaxkohok ma'a ektémakxa nak ekyentaxnamo kélha, kéltemék agkok xa, kóllának ma'a eltémókxa nak antehek Cristo segánamakxa apagkok.

EFESIOS 5:2

kóllenxanmoho kélteme kélásekhamaxkoho, ekhawo m'a ektémakxa axta segásekhayo Cristo, apyenyawákpók axta apagko' yakwayam etnehek segyanmaga negko'o ektémol'a aksok ektekyawa kélméso Dios, tén han ma'a ektémol'a aksok ekwatnamáxche ekmátsal'a etekhánek ekpakneyam Dios.

COLOSENSES 1:4

hakte nenlegágwakteyk axta negko'o amya'a ektémakxa megkólya'áseyam kéxegke Cristo Jesús, tén han ekyetna kélásekhayo m'a apyókxoho ektaha nak Dios énxet'ák apagkok,

1 TESALONICENSES 3:12

Wese' egegkok sat eyanchesesagkohok makham kélteme kélásekhamaxkoho, tén han eyanchesesagkohok kélásekhayo m'a apyókxoho énxet'ák nak, ekhawo ektémakxa nak nelásekhayo negko'o kéxegke.

2 TESALONICENSES 1:3

Elyáxeg, kéméxchek cha'a negko'o agmések ekxeyenma egwáxok Dios kéxegke eñamakxa, cháxa ekpayhawo nak antehek negko'o xa, hakte yáwegkek kélteme megkólya'áseyam kéxegke, yágwokmok nahan ma'a ektémakxa nak kélásekhamaxkoho kéxegke.

HEBREOS 13:1

Nágkólyensem kélteme kélásekhamaxkoho nentémol'a anlának ma'a egyáxeg nentémo xamo' nak magya'áseyam.

SANTIAGO 2:8

Tásek katnehek kéxegke kéltahakxa eyámnaksoho enxoho kéllana m'a ektémakxa nak segánamakxa ektakmela ektaha nak meyke ekhémo, ekhawo ektémakxa nak eknaktáxésamaxche s'e: “Kólteme kélásekhayo kélmók ma'a ektémakxal'a kélásekhamaxchekxoho kélagko'.”

1 SAN PEDRO 1:22

Kaxwo' eyke kéltemék kéxegke eyáxñeyo kélwáxok, yakwayam enxoho kólásekhohok ekmámnaksoho agko' ma'a ẽlyáxeg nentémo xamo' nak magya'áseyam, cham'a kélyahákxoho axta kéxegke amya'a ekmámnaksoho nak. Kéméxchek kéxegke kóltehek ekmámnaksoho kélásekhamaxkoho ekweykmoho kañók agko' kélwáxok.

2 SAN PEDRO 1:7

keñe m'a nempagkanchásamáxche nak Dios kólyepetchesek ma'a ektémakxa nak nelásekhamaxkoho nenteme nak magya'áseyam Cristo; keñe m'a ektémakxa nak nelásekhamaxkoho nenteme nak magya'áseyam Cristo, kólyepetchesek ma'a negásekhayo nak.

1 SAN JUAN 3:11

Keso amya'a kéllegaya axta kéxegke sekxo' agko' se'e: ólásekhaxkohok hana.

1 SAN JUAN 3:23

Apkeltamhok negko'o Dios antehek magya'áseyam Jesucristo aptaha nak Dios Apketche, tén han apkepmenyého ólásekhaxkohok negko'o ekhawo m'a apkeltamhókxa axta antehek Dios.

1 SAN JUAN 4:21

Egmések axta negko'o Jesucristo apkeltémókxa antehek ektéma nak se'e: enxama apchásekhayo enxoho Dios, kéméxchek nahan etnehek apchásekhayo m'a apyáxeg aptémo xamo' nak mey'áseyam.

2 SAN JUAN 1:5

Elyáxeg selásekhayo, eltamhok ko'o kaxwo' antehek nelásekhamaxkoho. Háwe axnagkok nelánemaxchexa antehek se'e sektáxesesa nak kéxegke, cháxa nenxawaya axta sekxo' agko' xa.