SAN JUAN 13:18 - Lengua Sur (Enxet) Nuevo Testamento

¹⁸ “Akke ko'o axénak kélyókxoho kéxegke, hakte ekya'ásegkok ko'o m'a ektaha nak selyéseykha. Megkatnehek nahan megkatné ektémakxa nak eknaktáxésamaxche s'e: ‘Etaknaweykxeyk ko'o énxet sektóko nak xamo' sekto.’

SAN JUAN 13:18 ပူးပေါင်းရင်းမြစ်များ

SAN MATEO 10:36

apteme pók apagko' sat etnekxak apkenmexma énxet.

SAN MATEO 26:21

Aptahak axta apkeláneya neyseksa aptéyak se'e: —Kélxama sat kólának amaxchek kéxegke. Nakso' xa sektahakxa nak seláneya kéxegke.

SAN MATEO 26:23

Aptahak axta apchátegmowágko Jesús se'e: —Sat yának amaxchek ko'o m'a sekyásáso exchek xamo' pan kañe' sokpayhe.

SAN MARCOS 14:17

Xama axta ekyaktesa, apwokmek axta Jesús yetlo doce apkeltámeséyak ma'a.

SAN MARCOS 14:18

Neyseksa apheykha nekha mésa aptókagko aptéyak axta aptahak apkeláneya Jesús apkeltámeséyak se'e: —Kélxama sat kéxegke helpelakkasesek kólának amaxchek keso sektoko nak xamo' sekto. Nakso' xa sektahakxa nak seláneya kéxegke.

SAN MARCOS 14:20

Aptahak axta apchátegmowágko Jesús se'e: —Kélxama sat xa doce nak, sat xa sekpasma nak sektamhágko pan aksok kañe' sokpayhe.

SAN LUCAS 22:21

Enxet apmáheyo nak hetlakkasesek yának amaxchek apheyk se'e nekha mésa nak.

SAN JUAN 13:21

Aplegágkok axta elapwayam apwáxok Jesús natámen apteme appeywa xa. Aptahak axta nahan appékáso apkeltennaso apkeltámeséyak se'e: —Hetlakkasesek sat yának amaxchek kélxama kéxegke, nakso' xa sektahakxa nak sekpeywa seláneya.

SAN JUAN 13:22

Apkelanawók axta pók apkeltámeséyak apkelleg'a xa, yetlo melya'áseyak ma'a ektaha axta apxénamap.

SAN JUAN 13:26

Aptahak axta apchátegmowágko Jesús se'e: —Ayásesek sat ko'o pan nápakha, keñe m'a ektahakxa enxoho sekméso, cham'a sekxéna exchek ma'a. Yetlókók axta apyáseso pan nápakha Jesús, keñe axta apmésa Judas, Simón Iscariote apketche.

SAN JUAN 15:16

Háwe axta kéxegke selyéseykha ko'o. Ko'o axta eyke selyéseykha kéxegke, ekmések axta ko'o kéltamheykha kéxegke seltamho kólxog yakwayam kayawhok agko' kéllané aksok eltakmela eñama kéltamheykha, cham'a nentamheykha megkamassegwayam nak. Keñe sat egkések kéxegke Táta ekyókxoho aksok kélmaxneyakxa enxoho eñama ko'o sekwesey.

SAN JUAN 15:19

Kéltemék axta agkok kélyetleykekxa kéxegke ektémakxa nak keso náxop, yásekhohok axta énxet apkelyetleykekxa nak ektémakxa keso náxop, ekhawo ektémakxa nak cha'a apkelásekhayo m'a ektaha nak apnámokkok. Wánxa agkok elyesáha axta eyke ko'o kéxegke nepyeseksa énxet'ák apkelyetleykekxa nak ektémakxa keso náxop. Ekeso eñamakxa aptaknawe nak kéxegke xa énxet'ák nak, hakte megkóltahak kaxwo' kélyetleykekxa kéxegke apkeltémakxa nak énxet keso náxop.

SAN JUAN 15:25

Temék ekyókxoho xa, hakte megkatnehek megkatné ektémakxa nak eknaktáxésamaxche segánamakxa apagkok xa énxet'ák nak, ektéma nak ekpeywa s'e: ‘Etaknókek ko'o énxet'ák meykexho eñamakxa.’

SAN JUAN 17:12

Eltakmelchesegkek axta cha'a ko'o xa énxet'ák nak, neyseksók sekha xamo' keso náxop, ekmasmeyk axta anhan cha'a yetlo m'a xép apwesey ekha nak ekmowána, cham'a apwesey segkésama axta exchep. Axta anhan exyánegweykmok xama enxoho xa énxet'ák nak, wánxa axta apxegánegweykmo m'a aptaha axta apxegányam, yakwayam enxoho katnehek ma'a ektémakxa nak eknaktáxésamaxche weykcha'áhak.

SAN JUAN 18:32

Cháxa ektahakxa axta ektaha m'a aptémakxa axta appeywa Jesús apxeyenma yakwánxa katnehek apketsapma.

SAN JUAN 19:24

Ekeso eñamakxa aptaha axta apkelpakhetcháseykpoho sẽlpextétamo s'e: —Mólyeptek sat, antawaksek sat xama aksok, ekwatnakxa sat kamok. Cháxa ektahakxa axta ektaha m'a ektémakxa nak eknaktáxésamaxche weykcha'áhak se'e: “Apkelyapetcháseykpek selnakta, keñe aptawásegko xama aksok yakwayam emok apáwa apwenakte m'a ektahakxa enxoho apchakhémo.” Cháxa apkelánegko axta sẽlpextétamo xa.

SAN JUAN 19:36

Temék axta ekyókxoho xa ektaha nak, yakwayam enxoho kasawhaxkohok katnehek ektémakxa nak eknaktáxésamaxche s'e: “Megkólekkexchesek sat apexchakkok xama enxoho.”

SAN JUAN 21:17

Antanxo apkelmaxneyeykekxa axta entahak. Aptahak axta makham se'e: —Simón, Juan apketche, ¿eyásekhayoya exchep? Kelapwokmek axta Pedro hakte antanxo axta entahak apkelmaxneyeykekxoho nakso' kexaha apchásekhayo. Aptahak axta apchátegmowágko Pedro s'e: —Wese', apya'ásegkok xép xa ekyókxoho nak: apya'ásegkok xép seyásekhayo ko'o. Aptahak axta apcháneya Jesús se'e: —Eltakmelches seknaktóso nekkések.

SAN JUAN 6:70

Aptahak axta apchátegmowágko Jesús se'e: ko'o axta selyéseykha kéxegke xa doce nak. Wánxa agkok, kelyekhama' eyke kélxama kéxegke.

LOS HECHOS 1:16

“Elyáxeg, máheyok axta katnehek ma'a ekyetnama nak eknaktáxésamaxche Espíritu Santo axta appeywa, cham'a apkeltenneykencha'a axta David apxeyenma Judas, cham'a Judas ektaha axta apnaklo sẽlpextétamo yakwayam emok Jesús.

2 CORINTIOS 4:5

Manxénáxchekxohok cha'a negko'o egagko' neltenneyncha'a, wánxa cha'a nenxéna m'a Jesucristo aptaha nak Wese' egegkok; nenxénchek eyke cha'a negko'o nentaha sẽlásenneykha kéxegke eñama negásekhayo m'a Jesús.

HEBREOS 4:13

Yawanchek keyxánegkesek Dios ekyókxoho aksok ektaha axta apkelané, yáxñakxoho nahan katnehek apweté ekyókxoho aksok ma'a Dios, cham'a peya nak óltennásekxohok nentémakxa axta.