SAN JUAN 13:14 - Lengua Sur (Enxet) Nuevo Testamento

¹⁴ Elyenyésesek xeyk kélmagkok kéxegke, ko'o sektaha nak selxekmóso, sektaha nak han Wese', kéméxchek nahan kéxegkáxa kólyenyésesek cha'a apmagkok kélmók.

SAN JUAN 13:14 ပူးပေါင်းရင်းမြစ်များ

SAN JUAN 11:2

Lázaro axta apyáxeg María, cháxa expakhásesa axta sokmátsa apmagkok Wese' egegkok xa keñe axta anhan ektaha áwa' elyamasáseykxo apmagkok.

LOS HECHOS 20:35

Alxekmóshok axta cha'a kéxegke eyéméxko antehek nentamheykha xa, ampasmok ma'a énxet'ák ekha nak eyéméxchexa aksok yetlo ekxeyenma egwáxok aptémakxa axta appeywa Wese' egegkok Jesús se'e: ‘Kapayhekxak cha'a egwáxok negmésa enxoho aksok egmók, kaxnók ma'a nenxawé nak aksok.’ ”

ROMANOS 12:10

Kólásekhoho cha'a m'a megkólya'áseyam xamo' nak Cristo, kólyanchesagkoho cha'a kélásekhayo, kólteme nahan cha'a kélyaheykekxoho kélmók.

ROMANOS 12:16

Kólhésho cha'a mók kélwáxok, nágkóleyxkoho aksa, wánxa agkok, kólhésaxkoho m'a énxet'ák meyke kéláyo nak. Nágkaxén aksa kélwáxok kéltaha kéxakko' ekha kélmowána.

1 CORINTIOS 12:3

Kaxwo' eyke emenyék kólya'ásegwomhok kéxegke méko kawának katnehek ekpeywa s'e: “¡Etak sat ekmaso Jesús!”, cham'a nempakmeta enxoho eñama Espíritu apmopwána apkeñama nak Dios. Méko nahan kawának katnehek ekpeywa s'e: “¡Jesús apteme Wese'!”, cham'a nempakmeta enxoho aksa meyke Espíritu Santo apmopwána.

1 CORINTIOS 8:13

Sekto agkok keñamak selánesa mey'asáxma eyáxeg sektémo xamo' nak may'áseyam Cristo, tásek ko'o matwek ápetek xama enxoho, yakwayam enxoho malanaksek mey'asáxma egyáxeg.

2 CORINTIOS 10:1

Ko'o Pablo, eltamhok ko'o kaxének kélwáxok kéxegke ektémakxa axta ménnaktésamakpoho Cristo, tén han ektémakxa axta segásekhayo. Kólxének cha'a kéxegke sektaha ko'o ekyelkamáxkoho ewáxok sekha enxoho kélnepyeseksa kéxegke keñe anhan kólxének cha'a keynnakmakha sekpeywa sekha enxoho makhawo.

2 CORINTIOS 8:9

Hakte kélya'ásegkok kéxegke Wese' egegkok Jesucristo, aptemesásamákpo axta meyke aksok apagkok kéxegke eñamakxa, xámok axta eykhe aksok apagkok ma'a néten, yakwayam enxoho kóltehek kéxegke ekxákma aksok kélagkok eleñama nak néten, eñama m'a aptemesásamap axta Cristo meyke aksok apagkok, eñama nahan ma'a ektémakxa nak segásekhayo.

GÁLATAS 5:13

Elyáxeg kélwóneyha axta kéxegke yakwayam enxoho megkóltemésesek máxa kélmomaxche. Wánxa agkok, nágkólásenneykxa aksa kéxegke xa kélteme nak máxa megkólmomaxche, yakwayam kólyeykhasaxkohok kóllának ma'a aksok ekyespagko nak kélyókxa. Akke tásek kóltehek kéxegke m'a kélpasmomáxkoho nak eñama kélásekhayo.

FILIPENSES 2:11

yakwayam enxoho anhan elya'ásegwomhok apyókxoho énxet aptaha Jesucristo Wese', yakwayam enxoho kóltemésesek apcheymákpoho Dios Egyap.

1 TIMOTEO 5:10

Kéméxchek nahan kólya'asagkohok ektakmela axta ektémakxa, tén han ma'a ektakmela enxoho éktegkeso étchek, tén han ma'a ekteme enxoho elápeykha ektaha apkelwayam axagkok, tén han ma'a elyenyesesamo enxoho apmagkok énxet'ák apteme nak melya'áseyam, tén han ma'a ekpasmoma enxoho m'a énxet'ák apkellegeykegkoho nak, tén han elenxáneykmoho enxoho elané m'a ekyókxoho ektémakxa nak nentamheykha ektakmela.

HEBREOS 12:2

Anlanok hana wánxa m'a Jesús, hakte cha'a keñamak magya'áseyam nak negko'o m'a, Jesús nahan apteme apteméseso ektakmela m'a magya'áseyam nak negko'o. Aplegágkók axta Jesús néten aksok ektegyéso, axta yenmexmók Jesús ma'a nétsapma segmegkasamo nak, hakte apya'ásegkok axta peya étak ekpayheykekxa apwáxok natámen aplegeykegkoho apketsapma; aphákxeyk axta anhan ma'a ekpayhókxa nak nelya'asamakxa nekha Dios aptaháno.

1 SAN PEDRO 4:1

Kéméxchek kéxegkáxa kólmawhok kóllegagkohok, ekhawo m'a ektahakxa axta aplegeykegkoho Cristo. Enxet ektahakxa enxoho aplegeykegkoho neyseksa apha makham, kamaskok apkelana mey'asáxma,

1 SAN PEDRO 5:5

Hawók nahan kéxegkáxa wokma'ák nak, kólteme cha'a kélyaheykekxoho m'a apkelwányam kélagkok nak. Negyókxoho cha'a kéméxchek antehek nelyaheykekxoho egmók, yetlo megkeymáxkoho egwáxok, hakte: “Apkelmexchek cha'a Dios ma'a énxet'ák apkeleymákpoho nak, wánxa agkok, appasmeyk eyke cha'a yetlo apchásekhayo m'a énxet'ák meleymákpoho nak.”