SAN JUAN 13:1 - Lengua Sur (Enxet) Nuevo Testamento

¹ Apya'ásegkok axta Jesús ekwokmo ekhem yakwánxa kamaskok apha keso náxop, yakwayam enxoho exnakxak makham xamo' Apyap, amonye ekwayam ekhem melwagkayam axta énxet'ák judíos, cham'a apkeltéma axta Pascua. Apkelásekhayók axta cha'a Jesús ma'a énxet'ák ektaha axta apkelxegexma'a keso náxop, cháxa ektémakxa axta apkelásekhayo ekwokmoho néxa apha xa.

SAN JUAN 13:1 ပူးပေါင်းရင်းမြစ်များ

SAN MATEO 26:45

Keñe axta apmeyákxo makham aphágkaxa axta apkeltámeséyak. Aptahak axta makham apkeláneya s'e: —Kélnaktenchek neykel'a makham kéxegke kéllókasa kélyampé. Wokmek kaxwo' yakwánxa kólmések aptaha nak Apketche énxet ma'a énxet'ák melya'asáxma nak.

SAN MATEO 28:20

Kóltamesák nahan yakwayam enxoho elyahakxohok ma'a ekyókxoho seltémókxa nak kóltehek kéxegke. Axek sat eyke cha'a ko'o kélnepyeseksa kéxegke ekyókxoho ekhem ekwokmoho ektemegwánxa néxa ekhem.

SAN LUCAS 22:53

Yókxoho ekhem axta cha'a sekha xamo' kéxegke kañe' tegma appagkanamap, axta anhan helpaknegweykmohok xama enxoho. Wokmek eyke kaxwo' ekhem kélagkok kéxegke eñama ekmowána m'a ekyaktesakxaxma nak.

SAN LUCAS 9:51

Xama axta eyágketwokmo ekhem yakwánxa emyekxak néten Jesús, xénchek axta apwáxok emyekxak Jerusalén yetlo megyeye.

SAN JUAN 11:55

Chágketwokmók agko' axta ekhem melwagkayam axta énxet'ák judíos, cham'a apkeltéma axta Pascua, apxámok axta énxet apkelmeyákxo Jerusalén yakwayam elanagkok negaxñáseykekxoho nentémakxa nápakto' Dios amonye ekwayam xa ekhem Pascua nak, cham'a énxet'ák apkeleñama axta nepyáwa tegma apwányam Jerusalén.

SAN JUAN 12:23

Aptahak axta Jesús apkeláneya xa énxet'ák nak. —Wokmek kaxwo' ekhem yakwánxa nak kóltemésesek apcheymákpoho m'a ektaha nak Apketche énxet.

SAN JUAN 13:29

Nápakha apkelxegexma'a axta apkeneyk eltamhok Jesús etegyek aksok Judas yakwayam kólmaha m'a neyseksa apchakneykekxa énxet ekhem mólwagkayam nak, énxet meyke aksok apagkok axta nahan apkeneyk eltamhok elmésagkok aksok, hakte selyakye axagkok axta aptakmelcheso m'a Judas.

SAN JUAN 13:34

Eltennásek kéxegke s'e axnagkok seltémókxa nak kóltehek: Kólteme cha'a kélásekhamaxkoho. Kólteme cha'a kélásekhamaxkoho ekhawo ektémakxa nak ko'o selásekhayo kéxegke.

SAN JUAN 14:28

Kélleg'ak axta kéxegke sekxéna ko'o peya atakhekxa', tén han peya awatak makham yakwayam axnaták kélnepyeseksa kéxegke. Nakso' agkok selásekhayo ko'o kéxegke, kalpayhekxak kélwáxok kélyekpelcha enxoho peya amyekxak ko'o m'a aphakxa nak Táta, hakte maxnawo ko'o Táta.

SAN JUAN 14:31

megkatnehek eyke megkatné, yakwayam enxoho elya'ásegwók apyókxoho énxet apheykha nak keso náxop sektaha seyásekhayo ko'o m'a Táta, tén han elya'ásegwók seláneya ko'o m'a apkeltémókxa nak atnehek. “Kólchaknaha. Nók ólxog.”

SAN JUAN 16:28

Axta eñamak ko'o m'a aphakxa nak Táta, yakwayam awak keso náxop, kaxwo' eyke peyk kamaskok makham sekha keso náxop, yakwayam amyekxak ma'a aphakxa nak Táta.

SAN JUAN 17:1

Apkenmexawók axta néten Jesús natámen apxeyenma xa, aptahak axta appakmeta s'e: “Táta wokmek kaxwo' ekhem. Yána sat kataxchek ektémakxa nak aptakmalma Apketche, yakwayam enxoho nahan exekmósek xép Apketche ektémakxa nak aptakmalma exchep.

SAN JUAN 17:16

Háwe apkeleñamakxa apagko' náxop xa énxet'ák nak, ekhawo ektémakxa nak ko'o magwañamak keso náxop.

SAN JUAN 17:26

Elya'asásegwokmek axta ko'o aptémakxa exchep xa énxet'ák nak, alenxanmohok sat nahan sekteme xa, yakwayam enxoho keytek apwáxók ma'a ektémakxa nak seyásekhayo exchep, yakwayam enxoho ko'o xa atnehek sekyepetcheyo xa énxet'ák nak.”

SAN JUAN 17:5

Táta hegkes ko'o makham seyeymáxkoho ekyetnama axta ko'o xamo' xép amonye elánamáxche keso náxop, eñama m'a aphamakxa nak xép.

SAN JUAN 18:4

Apya'ásegkok axta Jesús yakwánxa katnehek, apkelanyexagkek axta, aptahak axta apkelmaxneyeyncha'a s'e: —¿Yaksak kélchetama?

SAN JUAN 19:28

Apya'ásegkok axta Jesús ekpenchásexko elánamáxche xa, yakwayam enxoho katnehek ma'a ektémakxa axta eknaktáxésamaxche weykcha'áhak, aptahak axta appakmétencha'a s'e: —Hem eyakhak ko'o.

SAN JUAN 2:13

Apmeyákxeyk axta Jesús ma'a tegma apwányam Jerusalén hakte chágketwokmek axta ekhem melwagkayam axta cha'a judíos kéltéma axta Pascua.

SAN JUAN 6:4

Chágketwokmek axta ekhem melwagkayam axta énxet'ák judíos, keltéma axta Pascua.

SAN JUAN 7:30

Keñe axta peya eykhe emakpok Jesús, méko axta eyke ekpaknegwokmoho, hakte axta kawokmok makham ekhem apagkok.

SAN JUAN 7:6

Aptahak axta apkeláneya Jesús se'e: —Megkawokmok makham ekhem yakwánxa amyekxak ko'o m'a kaxnók kéxegke, kélwanchek kólmeyekxak ekhem kélmokókxa enxoho kólmeyekxak.

SAN JUAN 8:20

Cháxa aptahakxa axta apkeltenneykha Jesús neyseksa apkelxekmóso énxet'ák kañe' tegma appagkanamap xa, cham'a ekheykegkaxa axta cha'a yántéseksek kélxátamo axta cha'a aksok kélméso Dios. Méko axta eyke ekma Jesús, hakte axta kawokmok makham ekhem.

ROMANOS 8:37

Nelmalanchek eyke cha'a negko'o neyseksa ekyókxoho xa aksok nak, eñama senteméseso m'a aptaha axta segásekhayo.

1 CORINTIOS 1:8

Dios sat elyennaktésesek kéxegke kélteme megkólya'áseyam ekwokmoho ektemegwánxa néxa ekhem, yakwayam enxoho megkólxénchásekxók kéltémakxa kéxegke apwakto sat Jesucristo Wese' egegkok.

HEBREOS 3:14

Nenlenxanakmók agkok negko'o nenteme magya'áseyam ekweykmoho néxa, ekhawo m'a ektahakxa axta magya'áseyam sekxo' axta, cháxa nentaha negko'o nempasmo m'a ektémakxa nak aptamheykha Cristo.

HEBREOS 3:6

Cristo aptaha nak Dios Apketche apteme melwátéseyam apkeltakmelcheso xa Dios énxet'ák apagkok nak, negko'o nenteme Dios énxet'ák apagkok, cham'a magyenseyam nak nenteme magya'áseyam, tén han magyenseyam nak ma'a ekpayheykekxa egwáxok neyseksa nelhaxneykha ekyetna nak negko'o.

HEBREOS 6:11

Egmenyék negko'o kóllenxanmohok kéxegke kélxekmósamo ekwokmoho ektemegwánxa néxa m'a ektémakxa nak kélwaskápeykekxoho, yakwayam enxoho kólxawagkok ma'a aksok kélhaxanma nak kólxawa'.

1 SAN PEDRO 1:13

Kóllánekxa kéltahakxa, kólteme kélmowána kélláneykegkoho kéltémakxa, kólleyxmakha m'a aksok peya nak egkések Dios eñama m'a ektémakxa nak segemleykekxoho, cham'a senxekmowáseykpoho sat Wese' egegkok Jesucristo.

1 SAN JUAN 4:19

Negásekhayok negko'o Dios hakte segásekhayo apmonye axta.

APOCALIPSIS 1:5

tén han eleñama m'a Jesucristo, aptaha nak ekmámnaksoho agko' apxeyenma aptémakxa Dios, aptaha axta nahan apmonye apxátekhágwayam nepyeseksa apkeletsapma axta, aptaha nak han ekha kélyaheykekxoho nepyeseksa kelwese'e apkelwányam nak keso náxop. Egásekhayok negko'o Cristo, egmasésesek axta nahan mólya'asáxma, cham'a apyegkena axta éma apagkok,