SAN JUAN 12:50 - Lengua Sur (Enxet) Nuevo Testamento

⁵⁰ Ekya'ásegkok ko'o ektaha segmésamo ekyennakte egnenyek ma'a apkeltémókxa nak antehek Táta. Ektemegkek cha'a ko'o sekpeywa m'a apkeltémókxa nak atnehek sekpeywa Táta, cham'a sektémakxa nak cha'a sekpeywa.”

SAN JUAN 12:50 ပူးပေါင်းရင်းမြစ်များ

SAN JUAN 17:3

Enxet'ák ektahakxa enxoho apya'áseykegkoho exchep aptaha wánxa xama Dios, tén han apya'ásegkoho enxoho m'a Jesucristo aptaha axta apcháphaso exchep, keytek sat ekyennakte apnenya'ák megkatnegwayam enéxa.

SAN JUAN 20:31

Wánxa agkok, naktáxésamaxchek eyke weykcha'áhak xa yakwayam enxoho megkólya'asók kéxegke Jesús aptaha Mesías, aptaha nak Dios Apketche, yakwayam enxoho nahan kólwetak ekyennakte kélnenya'ák eñama Cristo, neyseksa kélteme megkólya'áseyam.

SAN JUAN 5:19

Aptahak axta apchátegmowágko Jesús se'e: “Mopwanchek elának xama aksok Dios Apketche eñama m'a apmopmenyého apagko' nak elána'; wánxa aksa elának aksok apwet'a enxoho apkelana m'a Apyap. Ekyókxoho aksok apkelanakxa enxoho Apyap elának nahan ma'a Apketche. Nakso' xa sektahakxa nak seláneya kéxegke.

SAN JUAN 6:63

Espíritu apteme segméso ekyennakte egnenyek. Mékoho eyke katnehek axakko' enxoho negyókxa. Espíritu m'a seltennasa exchek kéxegke tén han ma'a ekyennakte egnenyek nak.

SAN JUAN 6:68

Aptahak axta apchátegmowágko Simón Pedro s'e: —Wese', ¿yaksak agya'ammok negko'o? Xép appeywa ekteme amya'a ekyennaktésamo egnenyek megkatnegwayam enéxa.

SAN JUAN 8:28

Ekeso eñamakxa aptaha axta apkeláneya Jesús énxet'ák se'e: —Kélya'ásekxek sat agkok néten kéxegke m'a ektaha nak Apketche énxet, kólya'ásegwók sat kéxegke sektaha ko'o m'a sektémakxal'a alának kéxegke, kólya'ásegwók sat nahan megkatnaha selané exakko' sektamheykha; wánxa aksa cha'a ko'o atnehek sekpeywa m'a ektémakxa nak sexekmóso ko'o Táta.

1 TIMOTEO 1:16

Ekeso eñamakxa meyakmagkáseykekxo nak Dios sektémakxa ko'o: yakwayam enxoho kañék ko'o ekwetamaxche m'a ekyókxoho ektémakxa nak mepekhésamap Jesucristo. Cháxa setnamakxa axta ko'o xa yakwayam enxoho elwetak ma'a énxet'ák peya nak han etnehek melya'áseyam Cristo, yakwayam enxoho étak ekyennakte apnenya'ák megkatnegwayam enéxa.

1 SAN JUAN 2:25

Keso sẽltennasama axta Jesucristo hegmések se'e: ekyennakte egnenyek megkatnegwayam enéxa.

1 SAN JUAN 5:20

Negya'ásegkok nahan negko'o m'a apwaya axta Dios Apketche, tén han segmésama negya'ásegwayam yakwayam agyekpelkohok ma'a Dios aptaha nak apmámnaksoho. Negyepetcheyók negko'o m'a aptaha nak apmámnaksoho, cham'a Jesucristo aptaha nak Dios Apketche. Cháxa Dios aptaha nak apmámnaksoho xa, aptaha nak han eñamakxa ekyennakte egnenyek megkatnegwayam enéxa.