SAN JUAN 12:48 - Lengua Sur (Enxet) Nuevo Testamento

⁴⁸ Enxet ektahakxa enxoho setaknagko ko'o, tén han ma'a melyaheykekxoho nak sekpeywa, cháxa ekyetna yakwayam kasexnenak xa: ko'o sekpeywa sat kalsexnenak énxet'ák ektemegwokmo sat néxa ekhem.

SAN JUAN 12:48 ပူးပေါင်းရင်းမြစ်များ

SAN MATEO 10:15

Sagkók agko' sat katnehek kéllegasáseykegkoho énxet'ák apheykha xa tegma apwányam nak, cham'a ekhem nelyekpelchamáxchexa sat, megkaxók sat ma'a ekwánxa axta kéllegasáseykegkoho énxet'ák apheykha axta yókxexma Sodoma, tén han ma'a Gomorra.,

SAN MATEO 21:42

Aptahak axta apkeláneya Jesús énxet'ák se'e: —¿Yagkólyetseteyk makham kéxegke eknaktáxésamaxche ektéma nak ekxeyenma s'e? ‘Tamhákxeyk kaxwo' meteymog kélmámenyého kólmaha m'a meteymog apyamasma axta énxet'ák apkeláneyak nak tegma. Cháxa apkelana axta Wese' egegkok xa, payhekxeyk egwáxok negko'o negwet'a.’

SAN MATEO 25:31

“Apkexyekmek sat agkok aptaha nak Apketche énxet yetlo apcheymákpoho, ewakhak sat apkelásenneykha étlantámhok, keñe sat exek néten aptaháno eyeymáxkoho.

SAN MARCOS 12:10

“¿Yagkólyetseteyk kéxegke eknaktáxésamaxche ektéma nak ekpeywa s'e?: ‘Tamhákxeyk kaxwo' meteymog kélmamenyého kólmaha m'a meteymog apyamasma axta énxet'ák apkeláneyak nak tegma.

SAN MARCOS 16:16

Kólwagkasaxchek sat teyp kéxegke kélteme nak megkólya'áseyam tén han kéltegye nak yakpasama yegmen; kólsexnánéxchek sat eyke kéxegke kélteme nak kélya'áseyam.

SAN MARCOS 8:31

Apkeltennáseyha axta Jesús apkeltámeséyak peya eñegkohok agko' ma'a aptaha nak Apketche énxet, tén han peya etaknók ma'a apkelámha apmonye'e nak kélakneykekxexa, tén han ma'a apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák apkelxekmóso nak apnámokkok ektémakxa segánamakxa. Apkeltennásek axta anhan peya yakhek xa énxet'ák nak, apxénchek axta eyke peya exátekhágwók antanxo ekhem.

SAN LUCAS 10:16

“Enxet'ák ektahakxa enxoho apháxenmo kéltenneykha kéxegke, yeyxhok nahan ko'o xa sekpeywa; énxet'ák aptaknawe enxoho kéxegke, hetaknók nahan ko'o xa; énxet ektahakxa enxoho setaknagko ko'o, aptaknókek nahan ma'a aptaha axta seyáphaso.”

SAN LUCAS 17:25

Awanhek sat eyke sekxo' katnehek aplegeykegkoho, etaknawékpok sat nahan nepyeseksa énxet'ák keso negwánxa nak.

SAN LUCAS 20:17

Apkelanawók axta Jesús xa énxet'ák nak. Aptahak axta apkeláneya s'e: —¿Yaksak eyke ekxeyenma ektéma nak eknaktáxésamaxche s'e?: ‘Tamhákxeyk kaxwo' meteymog kélmamenyého kólmaha m'a meteymog apyamasma axta énxet'ák apkeláneyak nak tegma.’

SAN LUCAS 7:30

axta eyke eltamhok eyakpásesagkok yegmen Juan ma'a énxet'ák fariseos, tén han ma'a énxet'ák apkelxekmóso nak apnámokkok ektémakxa segánamakxa. Cháxa ektahakxa axta megkalcha apwáxók apmokókxa axta eykhe etnésesek Dios xa énxet'ák nak.

SAN LUCAS 9:22

Aptahak axta apkeláneya s'e: —Awanhek sat katnehek aplegeykegkoho ektaha nak Apketche énxet, etaknók sat ma'a apkelámha apmonye'e nak apchakneykekxexa énxet'ák judíos, tén han ma'a apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák apkelxekmóso nak apnámokkok ektémakxa segánamakxa. Yakhek sat nahan, wánxa agkok, antanxo ekhem sat eyke exátekhágwók.

SAN LUCAS 9:26

Agkok exénak énxet aptaha sétleykha ko'o, tén han meltenneyncha'a enxoho m'a amya'a ahagkok, mexének sat nahan apwesey m'a aptaha nak Apketche énxet, cham'a apwakto sat yetlo apcheymákpoho, tén han apcheymákpoho m'a Apyap, tén han yetlo m'a apkelásenneykha apkelpagkanamap nak.

SAN JUAN 11:24

Entahak axta Marta eyáneya Jesús se'e: —Nakso', ekya'ásegkok ko'o peya exátekhágwók ma'a apnakxétekhágwokmo sat ma'a apkeletsapma axta, cham'a ekwokmo sat néxa ekhem.

SAN JUAN 5:45

Nágkaxén aksa kélwáxok peya alsexnenak kéxegke nápakto' ma'a Táta. Moisés akke apkelsexneneyk kéxegke, cham'a kéltéma nak cha'a kéláyo kéxegke.

SAN JUAN 6:39

Mopmenyék ko'o axñánegkesek xama énxet ektaha axta segkéso m'a aptaha axta seyáphaso, wánxa aksa apkepmenyého axátekhásók ma'a ekwokmo sat néxa ekhem.

SAN JUAN 8:47

Enxet ektahakxa enxoho Dios énxet apagkok, yeyxhok ma'a amya'a eñama nak Dios, háwe eyke kéxegke Dios énxet'ák apagkok, ékeso eñamakxa megkólmoko nak kóleyxho Dios appeywa.

LOS HECHOS 17:31

Hakte appagkanchek axta Dios xama ekhem yakwánxa etnehek apyekpelchémo ekpéwomo agko' keso náxop eñama m'a énxet ektaha nak apkelyeseykha; apxekmósek axta Dios peya elának xa cham'a apxátekhásekmo axta.”

LOS HECHOS 3:23

hakte énxet ektahakxa enxoho melyaheykekxoho xa Dios appeywa aplegaso nak, kóltekkesek sat nepyeseksa apnámokkok.’

ROMANOS 2:16

cham'a ekhem yakwánxa sat etnehek apkelyekpelchémo Dios yetlo apchásenneykekxa Jesucristo m'a aksok appósamo nak énxet'ák, ekhawo ektémakxa nak seltenneykha cha'a ko'o tásek amya'a.

2 CORINTIOS 4:3

Wánxa aksa askehek cha'a elya'asagkohok tásek amya'a neltenneykha negko'o m'a énxet'ák peya nak elmassegwók, máxa cha'a katnésesek ma'a apáwa kélapmal'a.

2 TESALONICENSES 1:8

Ewatak sat yakwayam ellegásesagkohok ma'a énxet'ák melyekpelchémo nak Dios, cham'a melyaheykekxoho nak tásek amya'a eñama nak Wese' egegkok Jesús.

HEBREOS 10:25

Magyensemek hana nentaxnegweykekxa m'a negakneykekxexa nak, mantehek ma'a aptamheykegkaxa nak nápakha énxet'ák melántaxnegweykekxa nak cha'a, wánxa agkok, tásek ólyáteyaxkohok negko'o hakte negwet'ak eyágketwokmo apweyktamxa Wese' egegkok.

HEBREOS 12:25

Kólawho sat kéxegke, nágkóltaknaw aksa m'a ektaha nak sẽltennaso xa. Hakte axta elegketamakpok ma'a énxet'ák ektaha axta aptaknagko Dios appeywa, cham'a apmésa axta eykhe appeywa Dios apkeltennasa eyesagko aptamhágkaxa neyseksa apheykha makham keso náxop. Negko'o sat eyke ekyagwánxa agkok magmowána ólegketaxchek, cham'a maghaxno enxoho aptahakxa segméso appeywa seltennasa eyesagko nentahakxa m'a apkeñama nak néten.

HEBREOS 2:3

¿Háxko sat antehek ólegketaxchek negko'o mantakmelchesa enxoho m'a nelwagkásamáxche teyp ektaha nak ektakmela agko'? Wese' egegkok Jesús apagko' axta ektaha aplegaso apmonye xa nelwagkásamáxche teyp nak, axta senxekmóso negko'o ektaha ekmámnaksoho m'a énxet'ák ektaha axta apkellegé.

HEBREOS 4:12

Hakte yetneyk ekyennakte Dios appeywa, yetneyk nahan ekmowána, ahamteyk agko' nahan, yeykhágweykmók ektémakxa ekmahanta m'a sawo ekwenakte ánet nekha ekmahantal'a, ektaxnegweykmohol'a kaño' agko' egwáxok ekweykmoho m'a ekyetnamakxa nak eghagák, kawomhok nahan ma'a kaño' agko' nak apexchakkok énxet; awanchek nahan kay'asagkohok ektémakxa nak elchetamso egwáxok, yáxñakxoho nahan kapekkenekxak ma'a ekmáheyókxa nak kalának egwáxok.

1 SAN PEDRO 1:5

Apkeltakmelchesegkek kéxegke Dios yetlo m'a ektémakxa nak apmopwána, eñama m'a ektémakxa nak megkólya'áseyam, yakwayam enxoho kólxawak kéxegke kélwagkásamáxche teyp, cham'a aptakmelchesesama nak kéxegke Dios, cháxa peya nak hegya'asásegwók ektemegwánxa néxa ekhem xa.

2 SAN PEDRO 3:3

Akke ekyagwánxa agkok ektakmela kaxénmakha kélwáxok se'e: Chágketwokmek sat agkok néxa ekhem, etyapok sat énxet apkeláneyak nak aksok ekmaso apkelyespagkamakxa nak, cham'a énxet'ák segya'áseykmohol'a.

2 SAN PEDRO 3:7

Wánxa agkok, táxa ekwányam akke kaxwo' kélpagkanchásak yakwayam kólmasésók néten tén han keso náxop, keso negwet'awo nak ekhágko s'e negwánxa nak, eñama apkeltémo m'a Dios. Kasawhohok sat kamásesók táxa ekyókxoho xa, cham'a ekhem nelyekpelchamáxchexa sat, yakwánxa sat kólmasésók énxet'ák elmasagcha'a nak apkeltémakxa.