SAN JUAN 12:46 - Lengua Sur (Enxet) Nuevo Testamento

⁴⁶ Ekwa'ak axta ko'o keso náxop, yakwayam enxoho mexmakha neyseksa ekyaktesóxma énxet'ák apteme nak mehey'áseyam, ko'o sektaha nak elseyexma.

SAN JUAN 12:46 ပူးပေါင်းရင်းမြစ်များ

SAN MATEO 4:16

Cháxa apkelteyáseykegkaxa axta énxet'ák neyseksa ekyaktésakxaxma xa, apwet'ak axta ekyawe agko' elseyexma; chápogwatchek axta xa elseyexma nak, nepyeseksa m'a énxet'ák apheykencha'a axta nétsapmakxa.”

SAN LUCAS 2:32

cham'a elseyexma peya nak kalsásesamhoxma apyókxoho énxet'ák nak tén han peya kañék kélteméseso apkeleymákpoho m'a énxet'ák Israel.”

SAN JUAN 1:9

Wayak axta elseyexma ekmámnaksoho agko' keso náxop ektaha nak elsásesóxma apyókxoho énxet'ák.

SAN JUAN 3:19

Apkelsexnánemakpek ma'a énxet'ák apkelya'áseyam nak, hakte, xama axta ekwa'a elseyexma keso náxop, wánxa axta aksa apkelapmeñého m'a ekyaktesóxma, mopmenyék axta elseyexma, hakte aksok ekmaso axta apkeláneykegkok.

SAN JUAN 8:12

Apkeltennáseyha axta makham Jesús énxet'ák. Aptahak axta s'e: —Ko'o sekteme elseyexma keso náxop; énxet ektahakxa enxoho setleykha ko'o, keytek sat ma'a elseyexma ekyennaktésamo nak egnenyek, metyesha sat neyseksa ekyaktesóxma.

SAN JUAN 9:39

Keñe axta aptaha appakmeta Jesús se'e: —Ekwa'ak axta ko'o keso náxop yakwayam enxoho atnehek selyekpelchémo énxet'ák, yakwayam enxoho anhan étekxaxma m'a énxet apteme nak meyke apakta'ák, yakwayam enxoho nahan etnekxak meyke apakta'ák ma'a énxet ekha nak apakta'ák.

SAN JUAN 9:5

Ko'o sekteme elseyexma keso náxop neyseksa sekha makham keso náxop.

LOS HECHOS 26:18

Eyáphásek xép nepyeseksa xa énxet'ák nak, yakwayam enxoho elyekpelchásesamhok, tén han kamaskok apkelteyáseyncha'a ekyaktesakxaxma, wánxa aksa elteyésha m'a neyseksa elseyexma nak, yakwayam enxoho anhan kamaskok ekyetna ekmowána Satanás nepyeseksa xa énxet'ák nak, wánxa aksa elyetlakxak ma'a Dios; yakwayam enxoho etnahagkok mehey'áseyam ko'o, keñe anhan elxawagkok ma'a meyakmagkáseykekxa nak Dios apkeltémakxa melya'asáxma, tén han exkak yakwayam epáxakwók ma'a Dios énxet'ák apagkok apkelpagkanamap nak.

EFESIOS 5:14

hakte elseyexma kapekkenekxak yáxñakxoho. Ekeso eñamakxa ektéma nak amya'a s'e: “Exatakha, xeyep ektaha nak apteyenma, exnekxa néten nepyeseksa énxet'ák ektaha nak apkeletsapma, Cristo sat yelsásesexma exchep.”