SAN JUAN 12:45 - Lengua Sur (Enxet) Nuevo Testamento

⁴⁵ Enxet ektahakxa enxoho seté ko'o, apwet'ak nahan ma'a aptaha axta seyáphaso ko'o.

SAN JUAN 12:45 ပူးပေါင်းရင်းမြစ်များ

SAN JUAN 12:41

Apxeyenmék axta Isaías xa, hakte apwetayak axta ektémakxa Jesús apcheymákpoho, apxeyenmék axta anhan Jesús apwesey.

SAN JUAN 15:24

Méko axta katnehek apkelsexnánémap xa énxet'ák nak, cham'a malana enxoho ko'o m'a aksok meláneya nak xama énxet; apwet'ak eykhe nahan énxet'ák selana ko'o xa aksok nak, akke yahaxnak setaknawe ko'o, tén han aptaknawe m'a Táta.

SAN JUAN 6:40

Apmenyék ko'o Táta keytek ekyennakte apnenya'ák megkatnegwayam enéxa m'a apyókxoho énxet ektaha nak apkelanyo Dios Apketche, cham'a apteme nak han mey'áseyam, ko'o sat nahan anakxétekhasók ma'a ektemegwokmo sat néxa ekhem.

2 CORINTIOS 4:6

Dios apagko' axta apkeltémo katyapok aksa elseyexma neyseksa ekyaktesóxma, axta anhan apkeltémo katyapok elseyexma egwáxok negko'o m'a Dios, yakwayam enxoho agya'ásegwomhok ektémakxa nak Dios apcheymákpoho elyenmasama nak nápát ma'a Jesucristo.

COLOSENSES 1:15

Cristo apteme negweté aptémakxa m'a Dios aptaha nak metémap, cham'a Cristo aptaha nak apkemha apmonye Dios Apketche, aphegkek axta amonye elánamáxche ekyókxoho aksok.

HEBREOS 1:3

Cristo keñamak ekwetamaxko m'a ektémakxa nak apcheymákpoho Dios, hakte aphawók apagko' Cristo m'a Dios, aptaha nak han appasmo ekyókxoho aksok yetlo m'a appeywa ekha nak ekmowána. Aphákxek axta néten ekpayhókxa nak nelya'asamakxa nekha Dios aptaháno, cham'a, natámen axta segmaséseso nentémakxa mólya'asáxma.

1 SAN JUAN 5:20

Negya'ásegkok nahan negko'o m'a apwaya axta Dios Apketche, tén han segmésama negya'ásegwayam yakwayam agyekpelkohok ma'a Dios aptaha nak apmámnaksoho. Negyepetcheyók negko'o m'a aptaha nak apmámnaksoho, cham'a Jesucristo aptaha nak Dios Apketche. Cháxa Dios aptaha nak apmámnaksoho xa, aptaha nak han eñamakxa ekyennakte egnenyek megkatnegwayam enéxa.