SAN JUAN 12:42 - Lengua Sur (Enxet) Nuevo Testamento

⁴² Wánxa agkok, apxámok axta énxet'ák judíos apteme melya'áseyam Jesús; weykmók axta anhan ma'a énxet'ák ekha nak kéláyo. Axta eyke exeyenmak nápakta'awo' énxet'ák, hakte énxet'ák fariseos axta apkelayék, yakwayam enxoho megkólántekkesek ma'a kañe' apchakneykekxexa nak énxet'ák judíos.

SAN JUAN 12:42 ပူးပေါင်းရင်းမြစ်များ

SAN MATEO 10:32

“Apxénchek agkok xama énxet aptaha sétleykha ko'o nápakta'awo' énxet'ák, axének sat nahan ko'o xa aptaha seyásenneykha nápakto' ma'a Táta apha nak néten;

SAN LUCAS 12:8

“Apxénchek agkok xama énxet aptaha sétleykha ko'o nápakta'awo' énxet'ák, exének sat nahan aptaha nak Apketche énxet nápakta'awo' Dios apkelásenneykha aptaha apchásenneykha xa énxet nak.

SAN LUCAS 23:13

Apchánchesákxeyk axta Pilato apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák apkelmeykha nak apnámokkok, tén han ma'a apyókxoho énxet'ák.

SAN LUCAS 6:22

“Kéleñémo agko' kéxegke kéltaknaweyxko enxoho nepyeseksa énxet'ák, tén han ma'a kéltekkesa enxoho nepyeseksa énxet'ák, tén han ma'a kélxénáxko enxoho kéltaha ekmaso kéltémakxa kéxegke eñama m'a aptaha nak Apketche énxet.

SAN JUAN 11:45

Axta keñamak apxáma judíos apteme mey'áseyam Jesús xa, cham'a ektaha axta elxegexma'a María, cháxa ektaha axta nahan apweteykegkoho ektahakxa aksok apkelané Jesús xa.

SAN JUAN 12:11

hakte Lázaro axta keñamak ekmassa apteme apcháyo énxet'ák ma'a ektaha nak apkelámha apmonye'e appasmo apkelmaxnéseso Dios énxet'ák apagkok, Jesús axta aptamhágkok melya'áseyam.

SAN JUAN 16:2

Kólántekkesek sat kéxegke apchakneykekxa nak judíos, keñe sat kammok nahan ekhem yakwánxa nak yának elának énxet ma'a ekleklamókxa nak apwáxok antehek Dios, cham'a apkennapa enxoho kéxegke xa énxet'ák nak.

SAN JUAN 19:38

Apkelmaxnegwokmek axta José Pilato, yakwayam eswok Jesús aphápak natámen ekteme xa, cham'a José aptaha axta apkeñama Arimatea. José axta apteme apyetleykekxa aptémakxa Jesús, apyexamakpoho axta eyke, hakte judíos axta apkeyék. Apcha'awók axta anhan Pilato, keñe axta apxega José apsawa Jesús aphápak.

SAN JUAN 3:2

Yáktések axta aptaha meyk'a Nicodemo Jesús. Aptahak axta apcháneya s'e: —Sẽlxekmóso, negya'ásegkok negko'o aptaha exchep Dios apcháphaso yakwayam hẽlxekmósak negko'o, hakte méko kawának kalának ma'a aksok sempelakkaso agweta' apkelana nak xép, cham'a metnaha enxoho apxegexma Dios.

SAN JUAN 7:13

Apkelyexákpók axta eyke cha'a énxet'ák apxéna Jesús, hakte judíos axta apcheykpok.

SAN JUAN 7:31

Apxámok axta énxet apteme mey'áseyam Jesús. Aptahak axta nahan cha'a apkelpakmeta s'e: —¿Xámok enxoho sat eykel'a katnehek apkelané Mesías aksok sempelakkaso agweta' apwa'a enxoho, megkaxók sat kexaha ekwánxa nak apkelané xa énxet nak?

SAN JUAN 9:22

Cháxa ektahakxa axta eyátegmoweyak enchána eyeka énxet'ák xa, hakte hawók axta mók apkelpakmeyesma énxet'ák judíos apmoko elántekkesek énxet'ák kañe' apchakneykekxexa ektahakxa enxoho apkelxeyenma Jesús aptaha Mesías.

SAN JUAN 9:34

Aptahak axta makham apcháneya énxet'ák fariseos kaxwé apweteykekxaxma s'e: —Xép apteme apteyam yetlo ekyawe mey'asáxma. ¿Yaksak ektaha apmoko nak hẽlxekmósek negko'o? Keñe axta kéltekkesa kañe' kélakneykekxexa.

LOS HECHOS 5:41

Apkelántekkek axta énxet'ák seykha amya'a apkelenyekto nápakta'awo' ma'a énxet'ák kelwese'e nak, hakte apcha'awók axta Dios ellegagkohok ekmaso agko' eñama apkellegaso Jesús apwesey.

ROMANOS 10:10

Megkay'áseyam egwáxok cha'a kañék sẽlteméseso nelpéwomo, egátog nahan cha'a kañék nenxeyenma magya'ásekmo Jesucristo peya hẽlwagkasek teyp.

1 SAN JUAN 4:15

Negko'o ektahakxa enxoho nenxeyenma Jesús aptaha Dios Apketche, antehek negyepetcheyo Dios, hegyepetkohok nahan ma'a Dios.

1 SAN JUAN 4:2

Sat kañék kélya'ásegwayam kéxegke énxet apyetna Dios Espíritu apagkok eñama s'e: apyókxoho énxet apkelxeyenma enxoho Jesucristo ekmámnaksoho apwaya apyetchesamakpoho énxet, cháxa énxet apyetna Espíritu apkeñama Dios xa.